1 Dam: dalhang ngo wa mug: gaung mae qu" mug' nae" ru" ve, lho daja: re myao: . Ai wa lo" thao" nho" mo" nhaid' ja: qo" ra" mug: logyo: qe nhaid' yaug ngaid: ako". Khoru: mung: ga" re Mo"so nhag' gyid' ru wa ai: gu: mae byang" ug: jo; bam: ra". –2 Myi" yang lhag' to" ra" bao tang" tham: we' dau: ra" ja: re ngo myao: . Ai: zoqhid' we' yao" khyao dau alho rere: . so: xam: te' to: qhug' ra" mo, rere: , aung doe; pye' va" mo, rere: ngo myao: . Ai jham wa bao tang" tham: yae mae ye; na: ako". Mo"so: tang:3 re ci mung: – Yao: bam wa Mo"so: jeim Moshe, nghaui" thoe we' yao nau" nghaui" thoe nghaui" mung: qi" thao" phung bao bo yaug AsAng Mo"so we". Nao kaid' ra" mau" wa gyai gai: ru we' mug' pho" ngaid: ra" byumyu" qe: jhaung zug: we". Ni" mau" zo" wa gyang" lho" ru we' dang main" ru4 ngaid: ra". – Yao: bam wa xo' yang: AsAng we" nao re magyaug lo: khag' na nae"? AsAng mang re macaung: khin" ru khoyaug na nae"? khoru: mung: ga" re nao dayaug za: shao gyang" yaug ngaid: ra". Ni" qhid' kheim: mae byu cao jab qe wa li" goe;5 pa" genae" ga: nghaui" ako". – Ai:thao re mug: gaung: dao mae" Mo"so: dao: thang" thao: ce' bo: ra" jhaung: yham wa bung"6 jo; ru re ngo myao: . – Nho" mo" nhaid' ja: poe" ke' re mug: logyo: nhaid' yaug wa jid: mo" bau: yaung" ve, mung: yao: bam: qao gao mae hhang qao bao" bao" ci yang:7 jhaung: yham mae" thug' li" ako". – Gug' nyhug' byid dau: mae" dadau: wa apyaid ato daui: na: Mo"so: nhag' gyid' ru byang" sheim: jo; ra" hhang keim nhaid' lam: re mug: logyo: nhaid' yaug re byid' ke' ra". –8 Mo"so: phung bao qam: o: mae" thug' li" ra" myi: khug' thaui: wa jhaung: yham re zang" lhaung" to"ra". Mug: logyo: nhaid' yaug: nho" mo" bin sho' za: maboe" dang dang wa jhaung: yham akhug khyo khag' maqhug' vao ye: ko" ngaid: ra".