1 Aithao mug: gaung mae" byu ajham ataung ham phaung: na ko" thoe re ngo the' gyo" ke'. Ai: thoe wa Haleluya Mo"so re caung: khin" ge,. Nyhao: nhaung" Mo"so wa khyaid' yu: khyo , phung bao qam: o:2 mo" wa ajo; jo; veshao: . – Dao: phyid' ra" jham ngaid: dang: ru we' dang main" ra". Myid gye, geim" re yao" nyain: vho" ra" phavae mau" zo" yang lhau: phyo' ra" yaug zhang: myhi" re dao: phyid' pye' va" ru mung: AsAng wa yao: mae sheim: pye' ra" jeim qe: sa: rere: pyam" yhin" dae toe'3 byid: va". – Aimung: yao: bam wa Mo"so re caung: khin" gelang: Haleluya. Myiqe: myhi" re ngha" ra" myi: khug' wa myid gye, aqae: qae: mae jhaung: jhaung: mung:4 thaui" do, lo" ra" ga: hug' ako". – Kao qi: va" lau: de, shid' xe: byid yaug we' gug' nyhug' byid dau: kam" wa Amen ga: la kin dao mae zaung: jo; Mo"so re goe; pa" ako".5 La kin tao" dao mae" thoe dathoe thug' li" ru wa Mo"so: jeim qe we' yao: re gyaug phug' mo, qi" zo: ngai: zo: qe we" nyhao: nhaung" AsAng re caung: khin" gelang: wo" ga" dao: thoe ngo the' gyo"6 ke'. – Ai: thao byu ajham ataung: thoe ru" ru , qid coe: myang thoe ru"ru mug: dam: thoe ru: ga" ru re ngo the' gyo". Ai: thoe wa Haleluya Mo"so re ceim" caung: khin" gelang: . Khoru: ga" re nyhao: nhaung" Mo"so wa jhaung zug: tao" zaung: na: ra"7 wo". – Nyhao: nhaung" wa ngaui bau: gelang: . Khoru: ga" re yao nau" myivhin" poe wa joe" va". Yao" myhi" sag' re: shaung:8 yhaung" to: va". – Ai: myiqe: wa shao gyang" ra" mai bau: phyu shaung: ci: ra". Ai: shao gyang" ra" mai bau: phyu wa shao gyang" ra" mo; gai shab: ra" ave, ngaid:9 ra" ga: ta" mung: . – Mug: logyo: wa yao nau" myivhin" poe khyo khai qhug' ra" mo, wa nga: lho" ako" ein: tung" to: wa, ga: re: ce: dao: thoe Mo"so: dao: agyang" ngaid: ra" ga: re: ngo re mho: kyo" ra". –10 Ngo wa mug: logyo: re goe; pa" nae" ein: yao" khyid qao: mae goe; gyo" lo" re yao: wa airu: dakaid' ngo wa ni' mau" zaui: byin cao: angaid: . Yesu sagso: re ci mo, mau" vin byin cao: re: ngaid: . Mo"so re goe; pa" wa, khoru: mung: ga" re lapa qe ta" kyo" ra" dao: lase" wa Yesu sagso: ngaid: ra" ga: ngo re ta" kyo" ra".11 Ai: thao mae mug: gaung bung" jo; ru re the' myao: ke' re myao: phyu dadau: na: jo; ru re ngo myao: . Ai: myao: phyu dao mae zaung: na yaug wa jhaug' zaug yaug we' dang main: yaug ga: mang yaug ngaid: ra". Yao: wa dang main" ra" khyo" dao:12 phyid' mung: gye zin" ra". – Yao" myo, jid' wa myi: shae we' dau mung: yao" au: mae dain zi maug myo: sho' zhaung" ci: ra". Yao: mae" je yang: khag' lao" re: mabo: ba: ra" mang da kheim: re tung" te' ci: ra". –13 Yao: wa sa: mae deim" jam: ra" mai bau: re ve; ci mung: yao" mang wa Mo"so: mung14 dao: ga" ru ngaid: ra". – Mug: gaung: mang: din" mae" gyezo: jham wa myao: phyu jui: yang: shao gyang" ra" pin: phyu15 ve, mung: yao" thao cao" ako". – Byumyu" cao jab re dae byid: nae" tau: yao" aung nhaid' mae" tho' ra" shae thug' li" ra". Yao: wa aibam re jo, to' zaung: bao" yang ug mung: qam: mo" bo: ra" Mo"so: nhag' gyid' ra" sabyi' qang: pyag' thang" re nai: lhang:16 ke' ra". – Yao" bau: we' paung daung: mae jhaung zug: tho' mae" jhaung zug:, AsAng tho' mae" AsAng ga: mang tung" te' to" ra".17 Mug: logyo: dayaug ba mae ye; jo; rure ngo myao: ke' ashi". Yao: wa mug: mae dao" qin" ra" ngho' jham re thoe mo" we' lo geri:. Mo"so: zo: shaug' poe mo" khyo18 zang" li" geri: . – Jhaung zug: qe: sho: , gye zug: qe:sho: , zoqhid' jham: sho: , myao: jham: sho: , myao: jui: mo; sho: , jeim qe, jeim mangaid:mo; sho: we' byu aqi: angai alhab' mo; sho: re li" zo: geri: ga: hug' ra".19 Ai: thao mae zoqhid myid kin: jhaung zug: qe we' yao: bam: gyezo: jham wa myao: phyu jui: yaug we' yao" gyezo: qe re gye zin: nae" ga: zang" ham: na: bam ko" ru20 re ngo myao: ke'. – Zoqhid we' daga" yao" lapa lho yhe' yaug wa cam" yu: ru qhug' ako". Ai: zoqhid we' lapa lho yhe' re adaui phe, fang myimai: tham: khug khyo khe'21 khyo" ke' ako".– Dang shi: ko" ra" mo, wa myao: jui: yaug: aung nhaid' mae" thug' li" ra" lhe' shae: yang se' khyo" pye' ru qhug' ako". Ngho' jham wa yao: bam: sho: re ga" nho" zo" ako".