1 Ngo wa qid dae yae mae" ma bam mae ye; na: au: qid dae mae" zoqhid dadau: thug' li" ru re myao: . Ai: gug' nyhug' zoqhid mae au: nhaid' au: de, mung: khyug daxe khyug yaug: ru mae dain zi maug daxe khye' zhaung" ci: ra". Yao" au: jham mae gyoe khyoe' yaug ga: mang de;2 ashi". – Ngo myao: ra" zoqhid wa myang kha: we' dau: ra". Yao" khyid wa vae khyid ru"ru ngaid mung: nhaid' wa lo:tin: nhaid' ru"ru ngaid: .Mao jaung: wa yao" qam: o: la kin tao" re we' kheim: so' re: ai: zoqhid re3 bo: byid' ke' ra". – Yao" au: da au: wa shid nae" qhi" dae de' qu" va" ru ngaid qere: ai: dae wa gai: lo" byaug: ava". Myid kin byu qe mug' hao" byaug gemung: ai: zoqhid:4 thao cao" ye" lo" ako". – Ai: zoqhid: re kheim: so' byid' ra" mao jaung: re yao: bam goe; pa" ako". Zoqhid rere: goe; pa" zo" re" khoyaug yao: we' dau qo" tau" nae" i"?. khoyaug wa yao: we' gye kaid' mai qo"5 qhi" genae" i"? ga: ta" ako". – Ai: zoqhid wa Mo"so re khyoe' dao: jhau nae" we' thoe mo" jhau nae" akhang" byid' to: qhug' mung: lho" mo" byid xe: shid' khye' ai ru: xo' jhau: na nae" akhang" byid' to" ru qhug'6 ra". – Yao: wa nhaid' ho" yang: Mo"so re khyoe' ra" khyo" yang yao" mang kheim: we' seim zaung rere: , mug: gaung: zo: qere qobo vhin dao: gaui: na: ra".7 Shao gyang" mo, re gye khaid' mung: aung nae" we' byumyu" khao: ngo" we' re: myain" acao ajab qe: adao mae ug8 nae" akhang" byid' to: qhug' ra". – Se' pye' qhug' ra" yao nau" ja phin: paug' mae mug: thug' sao peim mae" mang mabo: ra" myid gaung: byu alhab' mo; wa zoqhid re9 goe; pa" ra" mo, ngaid: ako". – Gyo: nae"10 no: de, mo, wa gyo" yu geshao: . – Su re myag: cam" ra" yaug wa yao: re myag: cam" ru qhug' li" nae". Su re shae: yang se' ra" yaug wa yao: re: shae mae shid nae". Ce mae ja: khao: ngo" re zang: qhao" ra" shao gyang" mo; lam jang" myid re qhu" nae" khyo bo: ra".11 Ai: thao zoqhid getau dadau: myid gaung mae" thug' li" ru re ngo myao: . Yao: wa yao nau" khyug ru"ru khyug shid' khyug yaug mung: maojaung: we' dakhyo:12 dao: jhau: ra". – Ai: zoqhid wa sao qhid' re" dau: qo" ra" kheim: so' alhab' re yao: li" zaui" qhu" ra". Shid lho danin: dae de' ra" zoqhid re myid gaung dao mae na: ra" mo, goe; pa" nae" tau: maqaid maqui" deim"13 zag mung: nhao: ra". – Mug' pho: mau" zo" aja: ja: re zaui" qhu" ra". Byu myo: sho' myo, qao: tae mae mug: gaung mae"14 myi: re gyo" li" nhao: ra". – Sao qhid' re" zoqhid: qhid' kheim: mae kaid' qhu" nae" akhang" qo" ra" ai: mug' pho: ve, lho jham: yang myid gaung byu qe re mho" pyag' yu: ra". Shae: yang dae te' qhug' ngaid yang: re: adaui: na shi" ra" zoqhid: alho kaid' nhao:15 ra". – Zoqhid ai: dau: wa sao qhid' dau" alho re dao: ba: jhau nae" we' ai re magoe; pa" mo, re se' pye' nae" khyo: qo" kaid' nae" tau: ai: khyao dau alho mae so' maid: taui:16 ke' nae" akhang" re: qo" ra". – Ai: zoqhid wa qi: mo, , ngai mo, , qo" mo, , myaung sho: mo, , jeim qere , jeim mangaid: mo, rere: khag' re: khag' yao: yao" lo, yo lo, mangaid: lao" nga: lao: mae so:deim: aso:17 daja: ja: re te' nhao: ra". – Zoqhid mang mangaid: lao" yao" mang aso: ai: gu: mae" da ja: ja: re mate' ci: ra" yaug wa zai vai zai aung: gau pai: maqo" kaid' ngaid: ako". –18 Ceru mae juyi bo: ra" sozo: du" ra" yaug wa ai: zoqhid: qugso: nghe' xam: geshao: . Ai wa byu dayaug: qugso: ngaid: ra". Ai: qug so: wa khyaug' yo: khyaug' xe: khyaug' ngaid: ra".