1 Mo"so: yang xo' mho: ru wa nao dagy- aug. Nhag' lam: dabyo, . Gyezo: qe re jhui: yang: A:I' vomo" khyo do, lo" wa, . Ai: mang: zug: we' yao" byu qe , yao" vomo" , yao" mug: myid re ni" lo, mae Ngo qhaug'2 nae". – Yerikho" vomo" we' mang: zug: re kaid' re" ru: , Ai: vomo" we' zug: re kaid' ca" nae". Ai qere: lhaid' yu: ra" zai jham gug' nyhug' jham yao: yao" tau: sham" yu ca" nae". Vo: nhaung thao" mae qu" gam gyetab to: ca" nae" ga: Yoshu' re mho: ra".3 Alao" Yoshu' we' gyezo: qe alhab' bam: wa A:I' vomo" khyo gye khe' nae" lo" ko" ra". Yoshu' wa qam: bo: ra" sulhe: sam tug khyin: yu mung: myi" re nhao: ke' ra". –4 Yao: bam re naonhaung" Ai: vomo" re gye khe' nae" tau: vogaung: thoe shaid' mae goe; vho' na ge, . Vomo" we' mataung" jho" va: lo: za: na: na ge, . Daqam: daqhi jin" jin"5 seim" nyhang" to: ge, . – Ngo we' daga" ngo mae bo: ra" mo, wa vomo" khyo qui" te' ye: nae". Yao: bam sao qhid' lhang ru: gye khe' nae" ga: thug' lo: ra" au: ngonhaung" yao: bam: qhid' kheim: mae tao" phao: qhu"6 nae". – Yao: bam cao" khe' nae" ga: thug' lo: re mabeim: maso: vomo" mae" va" lin: ru mabeim: sho' cao" khe' li" genae". Pe" mung: ga" re yao: bam: qhid' mae ngon- haung" phao: qhu" yang: sao qhid' lhang ru: ngonhaung" qhid' mae phao: sin: veko"7 ga: mho: li" genae". – Ai: au: naonhaung" wa vho' jo; ru mae" to" mung: vomo" re khe' aung: yu ca" nae" , naonhaung" AsAng apyaid ato: Mo"so: yang naonhaung" lo,8 mae qhaug' byid: nae" ngaid: . – A:I' vomo" re qo" aung: yu gethao ngha" pye' ca" genae". Mo"so pin: to: va" khyo: zaui: so: ca" genae". Ce re" khyo: ein: naonhaung"9 re ngo pin: to" lhe" ga: mho: ra". – Yoshu' pin: to" we' dakhyo: yao: bam vho' na jao: kaid' nae" tau: ye: mung: Bethela we' A:I' vomo" gyo: A:I' vomo" nhaung thao" jo, qo ye: yu: ako". Yoshu' ai: myi re mo, mo" byu phaung mae na: na: ra".10 Ne, seim no' mae" to" mung: byu qe re zhag' yu yang: Israel kao qi: va" mo, we' daga" A:I' vo khyo qhid' au: she: do,11 lo" ra". – Yoshu' mae bobo: ra" gyezo: qe wa cao" mung: vo yae joe" co' yang: vomo" qid meim: dau shaid' mae lo" zhag' na ko" ra". Yao: bam we' vomo" gyo: lao:12 khaung: jho" kyo: ra". – Yao: wa byu lam: ngo" taung kho kho' yu mung: A:I' vomo" nhaung thao" Bethela we' gyo: mae vho'13 lham nhao: to" ra". – Ai re" khyo: vomo" qid meim khyo re: , nhaung thao" mae re: jo, qo bin: khyo" vho' lham: to: bin thao Yoshu' wa ai: myi lao: khaung: agaung:14 khyo ye" lo" ra". – Ai: akhyo re Ai: mang: zug: myao lao" vomo" mae" yaug gai qe no' mae" to" mung: mye, za: seim" nyhang" yu yang: mang: zug: pho" wa byu qe re jhui: yang: Israel qe re gye khe' nae" tau: jho" dang: to" ayo, re jao: dae khyo thug' ye"15 ra". – Yoshu' we' Israel amyu" zo: qe gye seim" va" ave, qhu" zo" seyo gau: khyo"16 phao: ako". – Yao: bam re cao" khe' nae" tau: A:I' mang: zug: wa vomo" mae na: ra" yaug gai alhab' re khai: zhag' yu mung: vobyu qe wa Yoshu' re cao" khe' ru , vomo" we' va: lin: ru maba sho' va: lin: byaug17 va". – Ai: we' Bethela vomo" shid' lam: mae Israel qe re macao" khe' ra" yaug gai dayaug lhao" madang lo: sho' vo re to" pye' co' mung: Israel qe re cao" khe' ako".18 Mo"so wa nao ci: ra" lhae re A:I' vomo" khyo yheim" ke' wa, . Ai: vo ni" lo, mae Ngo qhaug' nae" ga: Yoshu' re mho: ru Yoshu' re: yao: ci: ra" lhae re Ai vo khyo19 yheim" qang: ke' ra". – Qang: ke' lao" jao" vho' lham: na: gyezo: qe to" lo mung: vomo" khyo mye, mye, tao" vao yang: khe' zag: aung: yu mung: vo re hin hin ngha"20 pye' ako". – Ai: vomo" byu qe lhang: qu" ke' re vo nga" na: ra" myi: khug' jham mug: khaung zaung" do, lo" ru re myao lao" khai: khyo re: maba: phao: byaug lo: ko" ngaid: ra". Seyo khyo phao: lo" ra" mo, re: cao" khe' lo: ra" mo, re gye tug' khe' ako". –21 Vho' lham: na: ra" gye jham vo re qo" yu mung: vo mae" myi: khug' do; ru re Yoshu' we' Israel amyu" zo: qe myao lao" lhang: tug' lo" mung: Ai: vomo" byu qe re cao"22 se' ko" ra". – Vo khug mae" mo, re: thug' lo mung: gye khe' geyang: Israel qe: yang Ai: byu qere nyhae" to: yang: gye se' ko" ru mung: dayaug lao" maloe, madang lo:23 qo" se' pye' ako". – Ai: mang: zug: re adaui taung: yang: Yoshu' jhao" jhui" lo: ako".24 Israel amyu" zo: qe wa jao: dae mae re: , yao: bam re cao" khe' ra" seyo mae re: , Ai: vobyu qere lham: tug' se' mung: alhab' re shae: yang bin: qam" je; tam" pye' thao Israel byu qe wa Ai vomo" khyo dam: lo mung: shae: yang jhaid' za: se' nhau"25 pye' ko" ra". – Ai: ba re Ai: vobyu yaug gai myiqe: alhab' datug: shid' taung kho shid:26 gain: pye' va". – Ai: vobyu qe re mabin: se' tam: tam: wa Yoshu' yao: qang: ci: to" ra"27 lhae mathang: pye' ngaid: ra". – Ai qere: Mo"so: yang Yoshu' re pin: to: va" we' dakhyo: Ai vo mae" gug' nyhug' we' qo" yu: zai jham re Israel qe wa yao: yao" tau:28 zhang" yu: ako". – Yoshu' re: Ai: vomo" re ngha" pye' mung: ana" ba joe" Mo"so phyo' pye' ra" boe, said bam boe" byaug:29 ra". – Ai: mang: zug: re myi" thao joe" sag' gae mae taui" lhao" to: mung: mug: caid' lao" Yoshu' mho: to" we' dakhyo: shid mao re sag' gae mae" khyo" yu yang: vomo" kham: dung: mae pye' to: co' mung: shid mao adao mae laug baui myo: sho' bam co' ako". Ai: laug bam ana" ba joe" jo; jo; ra".30 Yoshu' wa Ebala bam dao mae Israel Mo"so: tau: mae ngaui" phain re zhaug'31 ra". – Mo"so: jeim Moshe: yang Israel qe re pin: to: co' mung: Moshe; khang" dao: jham mae tung" xam" to" we' dakhyo: jo, to' zai maci lo: za: mago, magyae: lo" laug: yang ngaui" phain zhaug' ra". Ai mae Mo"so: tau: mae" phaid' ngaui" xeim: , zam" khug xeim: jham re ngaui" byid' ra". –32 Yoshu' re: ai: laug dao mae Moshe: khang" dao: tarha" re Israel byumyu" qe: qhid'33 kheim: mae tung" kai" yu: ra". – Israel qe re min jhaung: byid: nae" tau: Mo"so: jeim Moshe pin: to: va" we' dakhyo: Israel kao qi: va" mo, zug: tarha" agyi , mo, byu qe khin jaung Levi' qe vo; ra" Mo"so: dao: thang" bain" shid' shaid' mae ye, mung: mang: byu gyang" we' taung bug zo: qe bobo yang: Gerizim bam dao mae byu agaung: kho'dathaui: , Ebala bam dao mae agaung: kho' dathaui: nha: to: yang: , –34 khang" dao: jham mae tung" to: va" min dai jhaung: we' nhang: kheim: tarha" re nghe'35 qhu" ra". – Yoshu' wa Moshe pin: to: va" dao: dakheim: lao" matang" to: myiqe: , zoshao , taung bug , zo: qe bobo: ra" byu mo, thaui: qhid' kheim: mae gain kyab' sho' nghe' phaid' qhu" ra".