1 Mo"so: jeim Moshe mana: byaug lo: thao Moshe bao" thaug' Nun" yao: zo:2 Yoshu' re Mo"so khyo" yang – Nga" jeim Moshe mana: byaug lo: . Ai ru: mung: nao we' nao mae bo: ra" ce: byu alhab' bam: ana" to" mung: Yodain: lao thote' gau" de, ge, . Israel amyu" zo: qe re Ngo byid'3 to" mang: khyo vao zo: ge, . – Moshe re Ngo dao: so: byid' to" we' dakhyo: naon- haung" nao" to" myid gaung alhab' geim"4 naonhaung" re Ngo byid: nae". – Seyo mo" mae" ru Lebanon: bam joe" , Uphared' gyaung: mae" ru Hiti damang" geim" bobo yang: ba vao shaid' qid mang: joe" sho' wa naonhaung" mug: myid kyo: dam: ngaid5 nae". – Nao kao daui: na: daban" geim" ni" qhid' kheim: mae khag' re: maqo" ye; din" jo, nae". Moshe we' daga" Ngo bo: ru: nao we' re: daga" Ngo bo: na nae". Ngo nao re mapye'. Mato" lhae" nae". Qam: yu6 mung: vae" vae" zaui: wa, . – Phug' pho" qe re byid: nae" ein: nhang: kheim: ke' to: va" mang: re nao ce: mo, byu qe re Ma7 khyo" kho' gae byid: ca" nae". – Ai mung: Nga" jeim Moshe pyang: to: va" tarha" we' dakhyo: zaui" na nae" ein: qo" cao" nae" tau: qam: yu mung: gyai vae" ra" myid bo wa, . Tau" yaung: to" gu: alhab' aung myaug nae" tau: ai: tarha" re cao" na wa, . –8 Tarha" paug' mae bo: ru we' dakhyo: qo" zaui" cao" na nae" tau: jham: tarha" paug' re nhaid' xaui: mange' lo: mana. Myi" na" qu" na ca" nae". Ai ru: lao" za: nao tau" da9 aung myaug: lo nae". – Nao re Ngo pin: to: va" mangaid: la,? qam: yu mung: vae" vae" zaui" ye: wa, . Dagyaug qam: dashain , su" lo" khyo khe' khao: ngo" mae ni" Mo"so apyaid ato: Mo"so na: lhe" ga: mho: ra".10 Alao" Yoshu' wa zug: qe re khai: yu mung: ceru: ga: amyin" byid' ke' ra". –11 Zang" qham: na: seim zaung dajao" geim" khyo ye: ge, . Ni" Mo"so apyaid ato: Mo"so byid: nae" mang: qo" vao: sang nae" tau: sam ba: aqho" mae ce: Yodain: lao thote' khyo gau" de, nae" mung: zo: kho re seim" nyhang" na genae" tau: byu qe re hau" nhao" ke' ge, ga: pin: ke' ra".12 Xo' yang: Yoshu' wa Rubin: kaung , Gaid' kaung , Manashe: kaung agaung:13 kho' dano" khai: yu mung: , – Mo"so: jeim Moshe naonhaung" re pyang co' ra" dao: kheim: jham wa ni" AsAng apyaid ato: Mo"so wa naonhaung" re ce: mang: mae14 na jao: kho' byid' ava". – Naonhaung" zo: myid: , zo shao jham we' gug' nyhug' jham wa Yodain: lao ba thug' shaid' Moshe byid' to" mang: mae na: thang: gyo" ca" genae". –15 Mo"so naonhaung" re jo, qo khyo" to: byid' we' dakhyo: ni" mao: nhaung: qe re jo, qo mabin: khyo" byid: byid: wa naonhaung" AsAng apyaid ato: Mo"so byid' ra" mang: re yao: bam malo" vao: sang sang naon- haung" mae qam: gai: ra" sulhe: alhab' lo, ci sin: jham yu: ci yang: naonhaung" mao: nhaung: qe we' daga" gau" de, mung: bao" yu ca" genae" ga: pyang: to" dao: re myid beim: ca" genae". Ai: thao lao" za: Mo"so: jeim Moshe; yang Yodain: lao ba thug' shaid' mae byid' to" naonhaung" sang: ra" mug: khyo lo: dam: qo" vao zo: genae" ga:16 mho: ra". – Ai bam re: naonhaung" au: she yaug mho: we' dakhyo: ngonhaung" cao" nae". Nhao: ke' ra" gau: khao: ngo"17 khyo ye: nae". – Ja: nam jab mae Moshe dao: tae" gyo" ru: ni" dao: re re: tae" gyo: phug' cao" na nae". Ai ru: mung: apyaid ato: Mo"so wa Moshe we' daga" na: ru18 nao we' re: daga" na shao: . – Ni" kheim: so' re lheim" yang: , amyin" dao: re matae" gyo" ra" yaug kam" wa se' pye' ru qhug' vegeshao: . Ai ru: mung: qam: yu wa, . Vae" vae" za: phin: wa, ga: Yoshu' re dam: tug' ta" ako".