1 Mo"so: yang Israel qe gau" de; lo" nae" tau: Yodain: lao re kyaug' khyi li poe" ke' ra" khyo re Yodain: lao ba vao shaid' mae na: ra" Amori' mang: zug: jham , qid mang dae yae mae na: ra" Khanani mang: zug: jham the' gyo: ko" au: gyo" mug' gyo" din: lae" byaug gemung: Israel byu qe: mathao nhag' lam: thao" byaug veko".2 Ai: au: Mo"so: yang Yoshu' re khai: yu mung: nao laug shae tho: kaid' yu yang: Israel byu qe re anyaug lhai" ra" khyo dam:3 kaid' byid: wa, ga: mho: ra". – Yoshu' re: laug shae tho: kaid' yu yang: Gibayalug' jo, qo mae Israel amyu" zo: qe re nyaug4 lhai" phyid' byid' ru kaid' ra". – Yoshu' yao: bam re nyaug lhai" phyid' byid' ra" ru kaid' byid' khyo wa ceru: ngaid: ra". Egutu mang: mae" thug' lo ko" gye ba: khe' mo, alhab' bam: gyaung: khyo mae shid: thao"5 veko". – Ai: mang: mae" thug' lo: ra" mo, alhab' bam wa nyaug phyid' ra" li khae: yu veko". Seyo gyaung: khyo mae khau myhung: ra" mo, kam" wa nyaug phyid' li6 makhae: yu shi: ko". – Egutu mang: mae" thug' lo: ra" gye qo" khe' sulhe: qe wa Mo"so: dao: matae" gyo: geyang: mabin: shid: gain gain wa Israel byu qe zin lam: byid: xe lam: lam: seyo mae su" lhang" qin" ako". Mo"so wa Ngo byid: nae" ein: phug' pho" qe re nhang: kheim: ke' to" mang: nug' we' byo: yhid' yug: ra" mang: re ai jham mathe' myao genae" ga: kheim: ke'7 ra". – Yao: bam: gaung tha" boe" ra" zo: qe wa khyo le; mae nyaug lhai" ra" li mathe' khae: yu shi: ko" ru mung: Yoshu' nyaug lhai" phyid' ra" li kaid' byid' ru ngaid: . –8 Byu alhab' bam: nyaug lhai" li bin: khae: yu thao no dae magai gai wa no: qo mae na:9 na: ako". – Mo"so khyo" re: Egutu mang: we' tin" ra" jung" khyoe' gaui: ra" dao: kheim: re naonhaung" mae" mung: ana" ba Ngo vha: pye' va" ga: Yoshu' re ta" kyo" ra". Ai ru: mung: ai: jo, qo re Giligala ga: ana" ba joe" mho: na ko" ra".10 Israel amyu" zo: qe Giligala jo, qo mae thang: na mung: ai: lho" khye' daxe: byid ba re myi" re Yerikho" jao: dae mae lai loe,11 poe kaid' ako". – Lai loe, poe bin: kaid' ra" thao: ba re Khanain: gaug: yang kaid' ra" bai" phaui: mabo: cinmain" we' gaug baug12 the' zo" ako". – Khanain: mang: gaug re zo" ra" thao: ba re yao: Mana' magyo" lo: . Mana' ga: ru thao re Israel qe maqo" lo: ko". Ai: zin re khanain: mang: mae" qhovo ashi: the' zo: veko".13 Yoshu' wa Yerikho" anhae mae na: na zo" byu: qu" ke' re shae she: ci mung: apyi dang" ye; jo; ra" byu dayaug re myao: ra". Yoshu' wa yao: jhao" ye" lo" mung: nao ngonhaung" jhao" de; i"?. Ngonhaung"14 gyevo: thao de; i"?. ga: myid' qu" ra" , – ai: yaug wa mangaid: , Mo"so: gye mo" thaui: re ug: ra" sin: thu mo" ngaid mung: ana" li" lo: ga: ta" ra". Yoshu' re: khyo dang mae gam" goe, pa" kug' mung: nga" AsAng we" ni" jeim ngo re pe" pyang ca" ru bo:15 ra" ga: ta" ra". – Mo"so: gye mo" thaui: re ug ra" sin: thu mo" wa Yoshu' re ni" khyid zhaung: khyaid' wa, . Nao nao" to" jao: wa myid myain lho" ngaid: ga: mho: ra". Yoshu' re: mho: ru we' dakhyo: kaid' ra".