1 Israel qe: mathao: yang Yerikho" vomo" re tang: za: pyid' to: gemung: vao thug' kaid' byu dayaug re: mana lo: .2 Ai au: Mo"so wa qu" ge, Yerikho" vomo" , Yerikho" mang: zug: we' daga" qam: bo: ra" gye khe' sulhe: qe re ni" lo,3 mae Ngo qhaug' va". – Ai ru: mung: vo re lhang" ca" nae". Israel amyu" zo: qe khyaug' ba lam: lam: su" lhang" ca"4 genae". – Khin jaung nhaid' yaug wa dao: thang" bain" qhid' au: mae jubili labo" nhaid' lam: ci yang: su: ca" nae". Nhaid' ba ein: ba re vogaung: re nhaid' yab su" lhang" mung: khin jaung qe labo" maid ca"5 genae". – Jubili labo" re thoe qhang qhang za: maid mung: labo" thoe the' gyo: lao" byu alhab' bam: wa thoe mo" we' zag: hug' yang: vokham" alhab' byo; sin" lo" li" nae". Ai: au: byu qe khag' re: khag' vang" vang" vao lo" ca" nae" ga: Yoshu' re mho:6 ra". – Nun" yao: zo: Yoshu' wa khin jaung qe re khai: yu mung: ai: dao: thang" bain" vo, yang: Mo"so: dao: thang" bain" qhid' au: mae khin jaung nhaid' yaug we' jubili labo" nhaid' phau: ci yang: su: ge, ga: mho:7 ra". – Yao: bam re: mo, mo" byu qere to" gese, . Vo re su" lhang" gelang: . Mo"so: dao: thang" bain" qhid' au: mae gye khe' sin: zo: qe ye" lo" gelang: ga: ta" ra".8 Yoshu' khyo" mo, byu qe re bin: ta" zhao: kyo: thao jubili labo" nhaid' phau: re ci: ra" khin jaung nhaid' yaug wa Mo"so: qhid' kheim: mae labo" maid: su" ako". Mo"so: dao: thang" bain" wa yao: bam:9 thao mae su" ra". – Labo" maid: ra" khin jaung qe: qhid' mae gye khe' sin: zo: qe su: mung: mo, mo" byu qe wa dao: thang" bain" vo; ra" thao mae cao" su" ako". Khin jaung qe re: labo" maid zo" su" ye" lo" ko"10 ra". – Yoshu' re: naonhaung" zag: hug' nae" ru ngo ta" to" ba na majoe" joe" wa magai: zag: hug'. Pe" thoe re: dazai" thug' ge, . Dao: dakheim: re: magai: jhau nae". Ai: ba joe" lao" za: zag: hug' ke' zai angaid:11 ga: pin: to" ava". – Ai re" khyo: Mo"so: dao: thang" bain" wa vo re dalhang su" lhang" bin thao thang jao: khyo dam: lo yang: myi" na: lhai: ke' ako".12 Yoshu' ne, seim no' no' to" mung: khin jaung qe re: Mo"so: dao: thang" bain" yu:13 vo; ako". – Mo"so: dao: thang" bain" qhid' mae jubili labo" nhaid' phau: vo; ra" khin jaung nhaid' yaug re labo" maid yang: su" ako". Gye khe' sin: zo: qe re: yao: bam qhid' au: mae su" ako". Mo, mo" byu qe wa Mo"so: dao: thang" bain" thao mae cao" mung: labo" maid zo" su" ye" lo" ko"14 ra". – Shid' ba ein: ba re: ai re" khyo: vo re dalhang su" lhang" bin thao thang jao: khyo dam: lo: ako". Ai re" khyo: khyaug' ba lam: lam: su" lhang" ako".15 Nhaid' ba ein: ba re wa mug: bo" zo" ne, seim no' no' to" mung: ge-au: su" lhang" ru: vogaung: re nhaid' yab gam: sho' su" ako". Ai: ba re za: vo re nhaid' yab su"16 gam: ko" ra". – Nhaid' yab ein: lhang re khin jaung qe labo" maid: au: Yoshu' khyo" yang zag: hug' ge, . Mo"so wa naonhaung"17 re vogaung: qhaug' byid: nae" ngaid: . – Vo we' ai: mae jo; ra" alhab' bam: re Mo"so re qhaug' pye' nae" tau: jham tang" pye' va". Yaug zhang: myhi" Rahab' re za: yao: we' yao" yham mae na mae" na jham re lhoe' nha: to: ca" genae". Yao: wa ngonhaung" nhao: ke' ra" logyo: tao re khug' lhoe' ke'18 byid: va". – Naonhaung" re: jham tang: kheim: ke' to: va" ja: jham re lha" jao" ge wa, . Ai ru: mangaid: ai: zai jham yu yaug re re: , Israel amyu" zo: dathaui" geim" re re: nhang: kheim: zao" mung: anhaung" akhoe' phau: nae" re myid: ci" ca". –19 Hhang ngaui re re: , gyid: zai , jo, to' zai re re: , Mo"so: tau: shao kyang" to: mung: yao" bain" khyo vhao" ca" nae" ga: byu qe re Yoshu' pin: to" ra". Labo" maid zo" byu20 qe daga" ceim" zag: hug' ke' ako". – Labo" thoe the' gyo: mung: thoe mo" ke' yang: zag: hug' ke' ko" re vo kham" wa alhab' byo; lang" pye' ra". Byu qe re: vo khug khyo vang" vang" ceim" vao mung: zag: aung:21 yu: ako". – Vo khug mae na: ra" yaug gai , myiqe: , ngai qi: , yao , nung: , myao: alhab' jham re shae: yang jhaid' za: se' tam" pye' ko" ra".22 Ai: mug: mae li" jin" qu" ra" tao re Yoshu' wa naotao nhang" to: veko" we' dakhyo: ai: yaug zhang: myhi" yham ye: mung: yao: we' yao" yham mae na mae:23 na ye jhui" lo ge, ga: mho: ke' ra". – Jo" qu" byu kaid' ra" tao re: vao ye: yang: Rahab' we' yao" myhi" , pho" , mao: nhaung: jham we' yao: mae na mae" na re re: , yao" ba nam alhab' re re: jhui" lo yang: Israel byu qe na: ra" anhae mae lo:24 nha: to" ako". – Vogaung: we' ai mae jo, mae jo, alhab' re wa ngha" pye' ko" ra". Hhang ngaui we' gyid: jo, to' zai jham re25 za: Mo"so: bain" mae ke' to" ako". – Yerik- ho" re jo" qu" nae" Yoshu' nhao: ke' ra" logyo: tao re Rahab' lham: vho' lhai: ko" va" mathao Yoshu' wa yao: we' yao" yham byu qe re re: , yao: qo" mae qo" re re: , kao lhoe' ke' ru mung: yao: wa Israel amyu"26 zo: qe we' ana" ba joe" na: na: ra". – Ai: thao Yoshu' wa khoyaug Yerikho" vo ce re dam: te" re ai: yaug Mo"so: qhid' kheim: mae nhang: kheim: zao" veshao: . Ai yaug wa zoqhid' au" yang aqao: vai" zhao" to' mung: zothao" bang: mae vo kham: dung: qo" tau: yhe' shao: ga: jham tang: nhang:27 kheim: ke' ra". – Mo"so Yoshu' we' daga" bobo: ru mung: yao" akhyo damang: dae" geim" hau" nhao" lo" ra".