1 Ai qere: Israel amyu" zo: qe wa ai: nhang: kheim: ke' pye' va" zai mathao yang qobo qo" bam veko". Pe" mung: ga" re Yuda kaung mae" Zera akaung Zabadi anyaug Khami yao: zo: A:khain: wa ai: jham tang" ke' to: va" zai re yu: ra" mathao Mo"so nhag' gyid' na: ru Israel amyu" zo: qe: adao mae byang" jo; ra".2 Yoshu' wa Yerikho" vogaung: mae" Bethela ba thug' shaid' Bed'lavain a nhae mae" A:I' vogaung: khyo byu nhao mung: ai: mug: re ye lhau" jo" qu" ge, ga: nhao: ke' ra". Ai: byu qe do, lo" mung: A:I' vogaung:3 re lo" qu" ko" ra". – Ai bam wa Yoshu' jhao" dam: lo mung: byu alhab' maye: ca". Shid' sam taung za: ye: yang: A:I' vo re gye ye khe' geshao: . Vobyu qe mataung" myo" ru mung: lam" myo" re zai" myaung: za:4 angaid: ga: mho: ako". – Ai ru: mung: byu lam: sam taung kho za: do, lo" yang: A:I' vobyu qe: qhid' kheim: mae phao: sin: ca"5 ko" ra". – A:I' byu qe: yang yao: bam mae" byu sam xe: khyaug' yaug re se' pye' ru we' vo kham: dung: mae" Shebarim mae joe" gyo" lo: ra" to' mae joe" sho' cao" se' ako". Byu qe: nhag' myid pyaung" byaug mung: aqang: ru: boe" byaug veko".6 Alao" Yoshu' wa yao" bau: lao" caid' pye' mung: yao: we' Israel au: she ade, qe wa yao" au: mae myid phaui: zhab' sin: yang: Mo"so: dao: thang" bain" qhid' kheim: mae myi" thao joe" sho' gam" goe,7 na: ako". – Yoshu' wa aga" Mo"so we" ce: byu jham re Amori' byu qe: lo, mae qhaug' yang: phyo' pye' nae" tau: Yodain: lao cete' khyo" pe" mung: jhui" de; lo nae"? Ngo- nhaung" Yodain: lao thoete' mae nhag'8 jo, yo na: na naeva" mhao". – Mo"so we" Israel amyu" zo: qe wa gyevo qe: qhid' kheim: mae" yengho: phaug' lo ko" ru mung: ngo kho ru: tho' ta" nae" yha". –9 Khanani byu qe we' ce: mang: mae" byu qe ce: lau dao: the' gyo: genaeva" mung: ngonhaung" re li" lhang" kham" to: yang: ngonhaung" mang: re myid gaung dao mae" mhain" phaui" pye' genaeva”. Ai ru: mung: ni" qi" qhang: ra" mang khyao: tau: khoru: kaid' nae" ga: mho' yao: ra".10 Mo"so wa Yoshu' re to" wa, pe" mung:11 gam" goe; na: i"? – Israel amyu" zo: qe shaid' nghung: veko". Ngo ta" to" ra" dao: thang" re lao" phyo' lhaui" pye' veko". Yao: bam nhang: kheim: ke' to" zai yu yang: khug' re: khug' , mhug' re: mhug'. Yao:12 yao" zai mae ke' nyham" to: va". – Ai ru: mung: Israel zo: qe: wa nhang: kheim: phau: geyang: gyevo qe: qhid' kheim: mae maqo" qhao" ru we' ngo; phao: lo" ko". Nhang: kheim: zao" to" ra" yaug re za: ma va: pye' pye' wa Ngo naonhaung" we' daga"13 mana. – To" wa, byu qe re shao kyang" pye' wa, . Ne, mo" ba: tau yao: yao" gaung shao lho" pye' ge, ein: ta" wa, . Israel amyu" Mo"so apyaid ato: Mo"so mho: ru wa O" Israel byu amyu" we" nhang: kheim: ke' va" zai naonhaung" mae bo: jo; ra". Ai re naon- haung" akhug mae" mavha: pye' pye' wa gyevo qe: qhid' kheim: mae naonhaung"14 qo" thaug' qhao: genae" mangaid:. – Ne, kao ne, seim mae byu kaung nhae cao" yang: qui" te' li" ca" nae". Mo"so khyin: xam" to" ra" amyu" wa akaung cao" yang: qui" te' li" ca" nae". Mo"so khyin: xam" to" amyu" yham khaung cao" yang: qui" te' li" ca" nae". Mo"so khyin: xam" to" amyu" wa yham khaung byu yaug nge, qui" te'15 li" ca" nae". – Nhang: kheim: ke' pye' va" zai shaung: to" ru qo" khyin: thug' ra" yaug kam" wa Mo"so: dao: thang" lai: lhoe" pye' va" mung: Israel qe mae mashab makhy- ang" mau" kaid' thug' ra" mathao yao: re yao: qo" mae" qo" alhab' we' ngha" pye'16 ca" nae" ga: mho: ra". – Yoshu' re: ne, seim no' no' to" mung: Israel byu kaung anhae dakaung we' dakaung jhui" qui" te'17 lo" re Yuda kaung re khyin: yu: ra". – Yuda kaung re jhui" qu" te' ye" re Zera akaung re yu: ra". Zera kaung yham khaung dalam: we' dalam: jhui" qui" te' ye" re Zabadi18 yham khaung re khyin: yu: ra". – Ai: yham khaung dayham geim" re jhui" qui" te' ye" re Yuda amyu" , Zera , Zabdi , Kami jham mae" gyo" lo: ra" A:khain: re khyin: yu:19 ra". – Yoshu' wa A:khain: re nga" zo: we" Israel Mo"so apyaid ato: Mo"so re caung: khin" mung: yao" qhid' kheim: mae ni" qobo mho' khyaid' wa, . Mazug' to: lo: ta"20 la, ga: mho: ra". – Alao" A:khain: wa ngaid: ra" Israel Mo"so re ngo shaid' va" wo". Ngo21 zaui" shaid' ra" mau" zo" jham wa, – lhaid' yu: ra" zai mae" phug' de; ra" Babilon: bau: qhang , ngaui shid' joe: , hhang thaung: kye' ngo" xe re ngo myo, nyaid yang: khug' nyham" ci va". Ai: zai re nga" zaung akhug' mae" myid mae nyhab' to" ra". Ngaui re a thai: mae ke' to" ga: Yoshu' re ta" kyo"22 ra". – Alao" Yoshu' wa daui daui mo, re nhao: ke' mung: yao: bam: zaung khyo ye: tao" qu" ko" re ai: zai jham yao" zaung myid khug mae nyhab' to" ra". Ngaui re re: athai"23 pyae mae the' myao: ako". – Ai: zai jham re yao: bam: zaung mae" she: thug' mung: Yoshu' we' Israel byumyu" qe alhab' bam: qhid' khyo yu: lo yang: Mo"so: qhid' mae24 to" to" ako". – Yoshu' we' Israel alhab' mo, wa Zera yao: zo: Akhain: we' ai: ngaui , bau qhang , hhang thaung: , yao: zo: yaug gai myiqe: nau" , yao , nung: , myao: we' zaung , yao: mae jo, mae" jo, re Akho: lao:25 khaung: khyo jhui" ye" lo" ako". – Ai: tau mae Yoshu' wa ngonhaung" re pe" mung: jhui" nhaung" ra", ana" ba Mo"so nao re nhaung" khoe' veshao: ga: ta" zo" Israel mo, mo" byu qe wa laug baui: yang pye' ako". Laug baui: yang pye' mung: myi:26 ngha" pye' ko" ra". – Yao" adao mae laug baui pye' bam" to" ru mung: ai ru: ana" ba joe" jo; jo; ra". Mo"so: nhag' gyid' ru re: tae" lo" byaug va". Ai: mathao: yang ana" ba joe" ai: lao: khaung: re Akho: Lao: khaung: ga: mhang" ko" ra".