1 Ana" ai: lau dao: Hazora mang: zug: Yabin the' gyo: lao" Madung: mang: zug: Yobad , Shimyung: mang: zug: Akhashob2 zug: jhao" re: , – qid meim: dau bam jin cao" yang: Genatared qid bang: shaid' nyam" mug: , lao: khaung: , ba vao shaid' Dora mang: mae na: ra" mang: zug: qe3 jhao" re:, – ba thug' ba vao mae na ko" Khanani byu , bam mae na ko" Amori' byu , Hiti byu , Pherezi byu , Yebuti byu , Mizapa mang: Hermon: bam qao: mae na ko" Hivi byu qe na: ra" khyo logyo:4 nhao: ke' mung: – ai: mang: zug: qe wa qid mang: dae: ma coe ru: myo" ra" gye mo" ajham ataung , myao: jham , myao:5 lhin" jham we' daga" thug' li" ako". – Ai: mang: zug: qe alhab' ceim" qham mung: Israel byu qe re gye zin: nae" ga: Merom qid tham: yae da jo, qo mae za: gyetab li" zhaug' ako".6 Mo"so: yang wa yao: bam re dagyaug . Ngo ne, mo" ba ceyo, yao: bam re Israel qe: qhid' kheim: mae shid gau qhaug' byid: nae". Myao: jham: qhao" kao: gyi: qam" phyid' byid: mung: lhin" jham re wa ngha" pye' ca" nae" ga: Yoshu' re mho:7 ra". – Yoshu' re: yao" gye khe' sulhe: qe we' daga" Merom qid tham: yae khyo do, lo" mung: nyag we' ke' gye lo" zin" ra". –8 Mo"so wa yao: bam re Israel qe: lo, mae qhaug' byid: mung: yao: bam re khe' sin" ke' ru we' Sidon Raba vomo" , Misrepho- maim vomo" , ba thug' shaid' Mizapa lao: khaung: joe" cao" khe' mung: dayaug lao"9 maqo" loe, lo: se' tam" pye' veko". – Mo"so pin: to: va" we' dakhyo: Yoshu' wa myao: jham: qhao" kao: gyi: re zin" phyid' pye' mung: myao: lhin" jham re ngha" pye' ra".10 Yoshu' wa ai: ayo, dam: lo mung: Hazora vomo" re khe' sang: yu yang: ai: mang: zug: re se' khyo" pye' ra". Hazora vomo" wa genhae" ai: mang: damang" geim" re zug: gam: lai: lo va" ru ngaid: . –11 Ai: vobyu alhab' re shae: yang se' tam" pye' mung: kao loe, byu dayaug lao" manha: to: lo: jhaid' za: se' pye' mung: vomo" re ngha"12 pye' ako". – Mo"so: jeim Moshe pin: to: va" we' dakhyo: ai: mang: zug: qe ug: gam: ra" vo alhab' we' mang: zug: alhab' jham re Yoshu' khe' aung: yu mung: jhaid' za: phyo'13 pye' ra". – Ai qere: Hazora vo mae" je yang: bam mug: mae" vomo" jham re Israel byu qe myi: mangha" ko". Hazora vo davo14 re za: angha" pye' ra". – Ai: vomo" mae" qo" yu: zai jham we' gug' nyhug' jham alhab' re Israel byu qe khag' re: khag' yao" tau: sham" yu: pye' ako". Byu daui madaui alhab' qo" se' tam: sho' shae: yang mho" ako". Dayaug re lao" adaui manha: to: ko"15 ngaid: ra". – Mo"so: yang yao" jeim Moshe re pin: to: co' we' dakhyo: Moshe: yang Yoshu' re dam: xo' mho: to: ra". Yoshu' re: ai ru: za: zaui" pyang" to" ra". Mo"so: yang Moshe re pin: to: va" mau" zo" daja: lao" matang" to: lo: zaui" ra".16 Ai mung: Yoshu' wa Sira bam khe' do, lo" ra" khyo mae" Haleg bam mae" ru17 Hermon bam qao: – Lebanon: lao: khaung: mae" Bala Gaid joe" sho' , bam mug: ajo, qo mae , qid bang: shaid' , Goshen mang: , lao: khaung: , jao: dae , Israel bam , Israel lao: khaung: we' daga" ai: mang: alhab' re qo" aung: yu mung: mang: zug: alhab' re18 taung" yu se' tam" pye' ra". – Ai: ra" mang: zug: alhab' bam re gyai myao" sho' gye19 zin" ra". – Hivi byu , Gibeon vobyu mae" je yang: Israel qe we' bag phaung: zhaug' zam" khug: ru davo re: mabo. Getau: vo alhab' re gye khe' se' aung: yu: pye'20 ra". – Pe" mung: ga" re apyaid ato: Mo"so: yang Moshe re pin: to: co' we' dakhyo: ai: byumyu" qe re mavai" lao" manhag' khyag' lo: jhaid' za: se' tam" pye' nae" tau: Israel byu qe re lham: vae" tug' se' sho' yao: bam: nhag' lam: re qao nhao: to" ra".21 Ai: yo, re Yoshu' ye" lo" mung: Anaka byu qe re bam mug: Hebron vomo", Debira , Anad , Yuda bam dao , Israel bam jin mae na ko" alhab' re jhaid' za: khe' tam" pye' ra". Yao: bam we' yao: bam: vomo" alhab'22 re jhaid' za: phyo' lhaui" pye' ra". – Gaza, Gata , Azug' vomo" mae" je yang: Israel mang: din" mae" tang" to" ra" Anaka byu23 dayaug lao" mana. – Mo"so: yang Moshe re pin: to: co' va" we' dakhyo: Yoshu' wa ai: mang: dadae: geim" re khe' aung: yu yang: Israel yao: kaung yao: re Ma khyo" gae byid' pye' ra". Ai: damang: dae: geim" re: gye yo: lo" ra".