1 Mo"so wa avai: ayae mae" gyevo qe: lo, mae" Israel amyu" re khyaid' yu mung: yaug yo myain cae: za: nha: ru gyai myao" byaug va" mathao Yoshu' re: mao" lo"2 va". – Ai: au: Yoshu' wa Israel zug: ade, qe zug: jhaung qe , tarha" zug: qe we' mo, byu alhab' bam: re khai: yu yang: ngo kao qi:3 va" ru mung: mao" lo" va". – Naonhaung" Mo"so apyaid ato: Mo"so wa naonhaung" tau: mae ce: byu alhab' qe mae kaid' qhu" va" jham re the' myao veko". Naonhaung" Mo"so: pyaid da du Mo"so wa naon- haung" thao de, mung: mang: bo: khe'4 va". – Yodain: qid lao mae" ba vao shaid' qid mo" tham: joe" sho' ngo khe' va: pye' va" byumyu" qe we' daga" ce: ana" dang: na shi: ko" mo; mang: din" re naonhaung" myid gaung na jao: boe" nae" tau: ngo pha"5 se: khyo" yang: kho' gae byid: va". – Naon- haung" Mo"so apyaid ato: Mo"so: dao: so: to" we' dakhyo: ce: byumyu" jham re khe' thug' pye' mung: naonhaung" mathe' myao lo: sho' va: pye' yang: yao: bam: myid gaung6 naonhaung" qhug' the' sang veko". – Ai ru: mung: naonhaung" wa Moshe: khang" dao: jham: paug' mae" lo, yo , lo, kaung: khyo manghung: lo: cao" pyang" na ye,7 ge, . – Naonhaung" mae dang: na shi" ce: amyu" we' mazam" lo: , yao: bam: mo"so: mang mayu , ai: mang khyao" yang nhang: kheim: mamho lo: , magoe; mapa" kug'8 lo: , – ana" ba joe" sho' phug' cao" na: ru: naonhaung" Mo"so apyaid ato: Mo"so9 mae vae" vae" za: phug' cao" na ge, . – Pe" mung: ga" re Mo"so: yang naonhaung" qhid' kheim: mae qam: bo ru we' qi" qhang: ra" amyu" re khe' pye' byid: va" ru mung: ana" ba joe" naonhaung" qhid' kheim: mae khag' re: maqo" to" ye, ko". –10 Naonhaung" re mho: to: va" we' dakhyo: naonhaung" thao mae apyaid ato: Mo"so naonhaung" AsAng wa gye bokhe' na: ru mung: naonhaung" mae" dayaug wa getau: byu dataung re qo" khe' sin" pye' nae". –11 Ai ru: mung: naonhaung" Mo"so apyaid ato: Mo"so re jhid' de; na nae" tau: yao:12 yao" nhag' lam: gyai lha" na ge, . – Ai ru: mangaid: lo: naonhaung" mavai" zo: qam: nang" lo" mung: ana" naonhaung" mae boleim" dang: na shi" ra" ce: byumyu" we' axo' ataui: kaid' yang: myi: yu myi: byid: kaid' mung: yao: bam we' zam" khug na ko" re kam" wa naonhaung" Mo"so apyaid ato: Mo"so wa thao: bang: re ce: byumyu" re naonhaung" qhid' kheim: mae" khe'13 pye' byid: lonae" mangaid: . – Naonhaung" Mo"so pyaid da du Mo"so: yang byid' to: va" ce: dau nyang" ra" mang: din" mae" naonhaung" mana: dam" pye' pye' re wa yao: bam naonhaung" tau: dam: zo: we' lha" yang , nae dain: kyao" , naonhaung" myo, mae zau: boe" zai ngaid: ru re dang dang ba se" na ge, .14 Ngo kam" wa myid gye, byu qe ye" lo" nae" ra" khyo dang gau: khyo ana" ba su" lo" zai va". Naonhaung" AsAng Mo"so wa naonhaung" tau: ta" to: va" jeju dagau: re: mayeim" lo: za: byang" jab lo va" ru re naonhaung" yao" nhag' lam: aung khug15 mae ba se" to: veko". – Naonhaung" Mo"so apyaid ato: Mo"so mho: to: va" jeju gau: khao: ngo" naonhaung" mae byang" dang: lo va" we' dakhyo: naonhaung" Mo"so: apyaid ato: Mo"so naonhaung" re byid: va" ce: mang: din" gai: ra" khug mae mana: dam: maqab: yu: lo" lo" wa naon- haung" adao mae qug: khai: qam" aja: ja: Mo"so boe" nhao: ke' li" nae".16 Naonhaung" wa naonhaung" Mo"so mho: to: va" dao: thang" re lai: lhoe" pye' yang: getau: so re pa" kug' lo" ru we' phaug' lo" byaug ko" ngaid: re wa Mo"so: nhag' gyid' kheim: naonhaung" mae joe" mung: AsAng naonhaung" re byid' to: va" ce: mang" din" agai khug mae" mye, za: dam" lo" byaug: pye' geli" nae" ga: mho: ra".