1 Yodain: lao nhaung thao" shaid' , bam mug: we' lao: khaung: mae re: , Lebanon: bam thoe shaid' qid mo" laha: dadae: geim" mae re: na ko" Hiti , Amori' , Khanani , Yephazi , Hivi , Yebuti byumyu" mang: zug: qe wa lau dao: re the' gyo: gelao" –2 Yoshu' we' Israel qe re gye khe' nae" tau: daqam: daqhi qham phaung: ako".3 Gibeon vobyu wa Yerikho" vomo" , A:I' vomo" mae Yoshu' zaui" qhu" ra" mau" the'4 gyo: gelao" – Juyi khyug' mung: logyo: nhao: ke' yang: myao: dao mae thaung axug' jham re kai: mung: pho: to" phaid' xug' no, qaid sabyi' thaug' shoqid am yu:5 ci: ako". – Pho: to" khyid zhaung: xug' re zhaung" ci mung: , axug' amyid' mai bau: re re: ve; ci: ako". Zao: kho re bao" jaung"6 to" va" jham re yu: ci mung: – Yoshu' na: ra" Giligala mae joe" vao li" ko" ra". Ai: mae ngonhaung" wa lozam" lokhug kaid' nug yang: mug: va: mang: mae" joe" li" ru ngaid: ga: Yoshu' we' Israel qe re ye: zhao:7 kyo: ako". – Israel qe wa naonhaung" ngonhaung" ayae mae na: ru mana: ru maqo" ba. Pe" ru: lozam" lokhug gai: kaid'8 nae" ga: Hivi byu jham re ta" ako". – Yao: bam wa ngonhaung" wa ni" jeim qe ngaid: ga: Yoshu' re zhao: ako". Yoshu' re: naon- haung" pe" ru" mo, ngaid ko"? Khai: mae"9 li" ko" ga: myid' ra". – Yao: bam wa ni" Mo"so AsAng apyaid ato: Mo"so: mang kheim" yang ni" jeim ngonhaung" gyai va" ra" mug: mae" li" ru ngaid: wo". Mo"so: mang hau: lau dao: re re: , Egutu mae kaid'10 qhu" ra" jham re re: , – Yodain: lao ba thug' shaid' mae na: ra" Amori' mang: zug: , Heshabung: jhaung zug: Shihung: , Asha- tharod vo mae na: ra" Bashain: jhaung zug: Oga' jham re kaid' lai: lo va" khyo re re: qo"11 the' gyo" bam va". – Ai mung: ngonhaung" mae kao qi: va" mo, we' mang: byu alhab' qe wa zao: kho seim" vin yang: yao: bam re ye" tug: yu nae" tau: ye: ge, . Ngonhaung" wa yao: bam: jeim ngaid: ra" akhyo we' lozam" lokhug kaid' nug ra" akhyo re ye:12 zhao: kyo: ge, ga: pyang: ke' ako". – Naon- haung" re tug: yu nae" tau: thug' lo: ra" ba zao: kho ein: yao: yaug yao" yham mae" vin: ra" cinmain" ce jham laung laung za: angaid: . Ana" qu" wa, . Sug' byaug yang:13 bao" jaung" lao" to" va". – Sabyi' qang: byang" sho' bo: ra" ce: shoqid: am re: asag' ngaid qere: qu" wa, ana" jaid bung" lo" na va". Ce: ve, mai bau: , ce: khyid zhaung: jham re gyaung: khyo gyai va" ru mung: axug' boe" byaug va" ga: zhao: kyo" ako". –14 Israel byu qe wa Mo"so: akhang" malao" lo:15 ai: jham: zao: kho re yu zo" ako". – Yoshu' re: yao: bam we' gye makaid' lo: kao loe, nae" tau: dao: so: byid: zam" khug: ra". Volo byu qe: zug: qe re: ai re khae: yu: ako".16 Lazam" lakhug kaid' mung: sam ba lai thao ai jham wa yham kyo: cao: ngaid mung: anhae mae na ko" ru re Israel byu17 qe qo" ba: yu ko" ra". – Ai mung Israel byu qe ye" lo" yang: sam ba ein: ba yao: bam: vo khyo joe" ako". Yao: bam: vo jham wa Gibeon , Khephiya , Berug' , Kiyared'18 Yarim jham ngaid: . – Volo byu qe: zug: jham Israel Mo"so apyaid ato: Mo"so mae kheim: ke' myid vang" to: veko" ru mung: Israel amyu" zo: qe wa pe" makaid' lo: ko". Yao: bam: au: she qe re za: qobo vhin ko"19 ra". – Au: she qe re: ngonhaung" wa Israel Mo"so mae nhang: kheim: ke' myid qhug' to: va" ru mung: yao: bam re magai: zao", –20 yao: bam kheim: jho" ke' to: va" ru mung: qobo lau: nae" re gyaug ci" ca" ra". Kao loe, nae" akhang" byid: va" mathao khoru: kaid'21 nae" ein: re – au: she qe: dao: so: ta" to: va" we' dakhyo: kao loe, nhao mung: volo byu qe: tau: thao: qho su , qid khae su boe" nhao nae" ga: mo, byu qe re dam: sho' kyo" ako".22 Yoshu' re: yao: bam re khai: yu mung: naonhaung" wa ngaonhaung" we' daga" za: na: na zo" va" ra" mug: mae" li" ru ngaid:23 ga: pe" mung: mhug' vhain" ko". – Ana" kam" naonhaung" wa nhang: kheim: ke' to: va" mo, ngaid: ru mung: jeim kaid' yang: nga" Mo"so: jhaung: yham tau: thao: qho , qid khae mau" dayaug re: magai: pyag' nae"24 ga: mho: ra". – Yao: bam re: ce: mug: da mang" geim" re naonhaung" re byid: mung: mang: byu qe re naonhaung" qhid' kheim: mae se' tam" pye' nae" ga: ni" Mo"so apyaid ato: Mo"so wa yao" jeim Moshe re pin: to: co' ra" khyo ni" jeim ngonhaung" qo" the' gyo" na: ru mung: naonhaung" lo, mae kao je, nae" gyai gyaug: ra" mathao ceru: kaid'25 ru ngaid: . – Ana" re: ngonhaung" ni" lo, khug mae na: bam: shi". Nao ngonhaung" re gai: khyo: kaid' ang: khyo: kaid' la, ga:26 Yoshu' re dam: zhao: kyo" ako". – Yoshu' ai re" khyo: kaid' yang: yao: bam re mase' pye' lo: Israel byu qe: lo, mae" khyaid' yu:27 ra". – Ai: ba Yoshu' wa yao: bam re Mo"so khyin: sain: to" jo, qo mae" phain tau: mae" we' mo, byu qe: tau: mae" thao: qho su we' qid khae su khyo" dao: so: byid' to: va" mung: ana" ba joe" bona: na: ako".