1 Ana" Yoshu' wa Israel amyu" zo: qere Shekhim: mae khai: qham yang: Israel ade, qe , zug: qe , tarha" agyi qe , au: she qe re yao" qhid' kheim: khyo qui" te' nhao:2 ra". – Ai: au: Yoshu' khyo" byu alhab' bam: re hau" kyo" ru wa Israel Mo"so apyaid ato: AsAng mho: ru wa Abraham we' Nakho: yao: pho" Tera' mae" tho' zhao" naon- haung" phug' pho" qe wa geco' ne, re qid mo" yae dashaid' mae na mung: getau: so3 re pa" kug' lo ko" ru ngaid: . – Ai: au: naon- haung" yao: phug' Abraham re qid mo" yae thote' mae" khai: thug' yu yang: Khanain: damang" geim" yao: re jhui" su" kam" qin" mung: yao" byumyu" myo" je" lo nhao4 yang: Isag' re byid: va". – Isag' re re: Yaku' we' Eso" tao re Ngo byid: yang: Eso" re re: Sira bam sang: yu nhao: va". Yaku' we' yao" zo: qe wa Egutu mang: khyo ye" lo" ko". –5 Moshe we' Arun: re Ngo nhao: ke' yang: Egutu byu qe re kaid' qhu" va" we' dakhyo: Egutu mang: re mho" shid' co' mung: naon- haung" re jhui" byaung" thaid' she: lo va". –6 Ai re" khyo: naonhaung" phug' pho" qe re Egutu mang: mae" jhui" byaung" lo mung: yao: bam Edom: qid mang: joe" lo veko". Egutu byu qe re: myao: lhin" we' myao: jui: gyezo: qe bo yang: ai: qid mo" lao joe" sho'7 cao" khe' veko". – Yao: bam Mo"so re zag hug' ke' ko" au: naonhaung" we' Egutu qe: gyo: mae mug: caid' aqi: kyo: dam: to: byid: mung: yao: bam adao mae ai: qid nhai" lheim" zag: pye' nhao: ru we' yao: bam re lheim" nhai" pye' va". Egutu mae Ngo zaui" qhu" va" mau" re naonhaung" yao: qo" the' myao veko" ra". Seyo mae ayo, gyai myao"8 sho' na: lai co' veko". – Ai: thao Yodain: lao ba thug' shaid' mae na ko" Amori' byu qe na: ra" mang: khyo Ngo naonhaung" re jhui" vhao" yu yang: yao: bam naonhaung" re gye lham: zin: ko". Ai: au: yao: bam re naonhaung" lo, mae Ngo qhaug' pye' byid: va" ru mung: yao: bam: mug: myid naon- haung" qo" na: sang: pye' ko" ra". Yao: bam re re: naonhaung" myo, le, mae Ngo jhaid'9 za: kaid' pye' byid: va". – Mo"ba' jhaung zug: Zipo yao: zo: Balag' lham: tau: lhain: mung: Israel re gye lham: khe' ra". Naon- haung" re nhang" se' pye' nae" tau: Bora'10 yao: zo: Balam: re khai: yu: ako". – Ngo wa Balam: dao: matae" gyo: byid: . Yao: wa naonhaung" re xo' min byid' na: ru mung: yao" lo, mae" ngonhaung" re khyaid'11 yu va". – Ai mae" naonhaung" Yodain: gyaung: gau" de, yang: Yerikho" vomo" joe" vao veko" ra". Ai: tau Yerikho" byu , Amori' byu , Pherazi byu , Khanani byu , Hiti byu , Giragashi byu , Hivi byu , Yebuti byu qe naonhaung" re gye lham: kaid' gemung: yao: bam re naonhaung" lo, mae12 Ngo qhaug' byid: va". – Naonhaung" shae: yang re: mangaid: , lhae: yang re: mangaid: naonhaung" qhid' au: mae tau mo" re Ngo nhao: ke' mung: Amori' jhaung zug: shid' yaug re naonhaung" qhid' kheim: Ngo khe'13 thug' pye' va". – Naonhaung" qam: make' to" ra" mug: myid , naonhaung" mate" to" vogaung: jham Ngo naonhaung" re byid: mung: ai: mae naonhaung" qo" sang: na ko" ra". Naonhaung" maqho" yhaug' ra" sabyi' khyae we' Zhainlun: khyae mae" naonhaung" qhug' the' zo: ko" ra" ga: Mo"so mho: na: ra".14 Ai ru: mung: Mo"so re gyaug phug' na mung: nhag' lam: phyu taung" zang: zaug za: pa" kug' na wa, . Qid lao thote' mae" we' Egutu mang: mae naonhaung" phug' pho" qe goe; pa" ra" mo"so re to" pye' yang:15 Mo"so re pa" kug' na ge, . – Ai ru: mangaid: Mo"so re pa" kug' nae" ma-o ngaui ko" ngaid: re kam" qid lao thote' mae" naon- haung" phug' pho" qe: lam khug: lo: so jham we' ana" naonhaung" na: ra" mang: mae" Amori' byu qe so mae" kholam: re lam: lam khug nae" ru ana" ba yao: khyin: yu ge, . Ngo we' nga" yham byu qe kam" wa apyaid ato: Mo"so re za: pa" kug' lam khug: na nae" wo" ga: mho: ra".16 Alao" amyu" zo: qe wa Mo"so re naung phaug' pye' yang: getau: so cao" goe; pa" nae" akhyo wa ngonhaung" we' va" lin:17 jo, veshao: wo". – Egutu mang: jeim toe' ko" jo, qo mae" ngonhaung" we' ngon- haung" phug' pho" qe jhui" she: lo mung: ce: mug' pho" ve, lho aqi: ngonhaung" qhid' kheim: mae lho: qhu" ru we' ngon- haung" su" lo: gyaung: khyo alhab' mae ngonhaung" lai: vao lo: ra" byumyu" cao jab qe: tho' mae ngonhaung" re gelo gam: ru wa ngonhaung" AsAng Mo"so ngaid:18 ra". – Ce: mang: mae na ko" Amori' byu qe re ngonhaung" qhid' kheim: mae khe' myhi" pye' ru re: Mo"so ngaid: ra". Ai ru: mung: Mo"so re pa" kug'na nae". Ai: Mo"so za: ngonhaung" AsAng apyaid ato: Mo"so ngaid: ra" ga: dam: phaug' tau" ako".19 Alao" Yoshu' wa naonhaung" Mo"so re maqo" pa" kug' genae". Ai: Mo"so wa shao gyang" lho" ra" So , qobo bo: ra" ga: lam" laui: ra" Mo"so ngaid: ra". Ai ru: mung: naonhaung" shaid' lhoe" ra" qobo re qo"20 khyaid' byid: nae" mangaid: . – Naon- haung" Mo"so re naung phaug' pye' co' mung: getau: so re ye pa" kug' ko" ngaid: re wa naonhaung" mae jeju byid' to: yang: dam: tug' mung: phyo' lhaui" pye' li" nae"21 ga: mho: ra". – Alao" mo, byu qe wa ai ru: mangaid: nae" ngonhaung" Mo"so re lam khug pa" kug' na nae" ga: Yoshu' re dam:22 tug' phaug' jhau: ako". – Dam: Yoshu' wa mo, byu qe re Mo"so re pa" kug' nae" ga: naonhaung" AsAng re khyin: yu veko" ra" akhyo naonhaung" yao: sagso: ngaid va" ga: mho: ra". Yao: bam re: ngaid: wo" ga: mho:23 ako". – Alao" Yoshu' wa are kam" naon- haung" pa" kug' ra" getau: so jham re shao: pye' mung: naonhaung" myid nhag' lam: Israel Mo"so shaid' khyo lhang: lo geri: ga:24 mho: ra". – Mo, byu qe re: ngonhaung" AsAng Mo"so re pa" kug' na naeva" ga: Yoshu' qhid' kheim: mae khae: yu: ako". –25 Ai ru: mung: Yoshu' wa ai: ba re mo, mo" byu qe we' dao: thang" to: mung: Shekhim: vo mae mho" myain" mho" thoe dao: so:26 to" to" ra". – Ai: mho" myain" dao: kheim: jham re re: Mo"so: jham: tung" mae tung" to: mung: Mo"so shao gyang" jao: seim zaung yae mae" shiqae gae agyid' mae laug27 baui mo" tau: yhe' to: yang: – Yoshu' wa qu" ge, ce: laug baui mo" wa ngonhaung" tau: sagso: boe" li" nae". Mo"so mho: ra" dao: kheim: alhab' qo" the' gyo" bam va". Ai ru: mung: naonhaung" Mo"so re naon- haung" mazao" ngag; pye' veshao: ai wa naonhaung" tau: sagso: boe" jo; na va" ga:28 mo, byu qe re hau" kyo" ra". – Ai bin: ta" thao kaung khao: ngo" re yao: yao" mug: myid sang jao: khyo lo" nhao: ke' ra".29 Ai: mau" zo" zo, thao Mo"so: daui mung su Nun" yao: zo: Yoshu' wa kao dayo: daxe joe" mung: kao bain" byaug va". –30 Ephrim: bam mug: , Gasha bug gaung qid meim shaid' jo; ra" yao: sang: mug: myid Timanatama vomang: mae nyhab' shaung:31 ke' ako". – Yoshu; ban: daban" geim" mae re: , Israel qe: tau: Mo"so kaid' qhu" va" agin alhab' ba se" geyang: Yoshu' thao yao: re the' myhi: myao: ke' ra" ade, qe: ban: daban" geim" mae re: , Israel byu qe Mo"so re lam khug pa" kug' ako".32 Israel byumyu" qe wa Egutu mang: mae" yu: ci: lo: Yoseb' sho: qug: re Shek- him: yao: pho" Hamo amyu" qe mae" ngaui dajoe: yang Yaku' vai co' ra" Shek- him: mug: myid gaung mae nyhab' ako". Ai: myid gaung wa Yoseb' kaung qe sang:33 ra" mug: myid ngaid: . – Arun" yao: zo: khin jaung mo" Eliaza: re: kao bain" byaug va". Yao: zo: Phinahad' re byu qe byid' ra" Ephrim: bam mug: Phinahad' bug gaung mae nyhab' ko" ra".