1 Nun" yao: zo: Yoshu' wa jo" qu" byu shid' yaug re Shitin vo mae" sab za: nhao: ke' zo" Khanain: mang: we' Yerikho" vo re yequ" lo ge, ga: mho: ke' ra". Yao: tao ye" lo" mung: Rahab’ ga: mang: ra" yaug zhang: myhi" yham mae ye vao: khug: na:2 ako". – Ai: au: Yerikho" mang: zug: re ce: mang: re lag yu: qu" nae" ga: Israel byu ana" myi ce: vo khyo vao lo va" ga: lau3 ye kyo" ako". – Yerikho" mang: zug: wa Rahab’ re nao jhao" joe" li" mung: ni" yham vao li" ra" byu jham re phoe' byid: la, . Yao: bam damang" geim" re ca: qu" nae" tau: vao lo va" ga: amyin" we' mho nhao: ke'4 ra". – Rahab' wa ai: jo" qu" byu shid' yaug re vho' nhao: to: mung: ngo jhao" byu joe" li" ru dang: ra". Ai qere: khai: mae" li" lo:5 ru re maba: ke'. – Mug caid' lo mung: vo kham" kham: pyid' nae" yo, yao: tao thug' lo" veko". Khoshaid' thug' lo" ko" ru maba: ke'. Mye, cao" khe' qu" ge, . Myhi: re myhi:6 shi: nae" ga: lham: ta" ra". – Ai ru: ga: mho qere: ai shid' zo: re yham khug tho' mae do; na nhao: to: mung: kyotho' mae myhung" khao" to" ra" jid: mo" bam mae khug' vho'7 nha: to" ra". – Mang: zug: nhao: ke' ra" daui mung mo, wa Yodain: lao gau" de; ra" khe' khyo cao" ako". Vogaung: taung gaung joe" thao za: vokham" kham: jham re pyid' ako".8 Jin" byu tao mayab shi" au: ai: myiqe: wa yao: tao na: ra" yham khaung dao do,9 ye: mung: – Mo"so wa naonhaung" re ce" mang: byid' to: va" khyo re , naonhaung" re ngonhaung" gyaug: mug' byaug mung: naonhaung" mathao: yang ce: mang: byu qe byo din: lae" byaug veko" ru re: , ngo ba:10 ra". – Naonhaung" Egutu mae" thug' lo ko" au: Edom qid mang: re Mo"so: yang kyaug' khyi li kaid' pye' ra" khyo re re: , Yodain: lao thote' mae phaui: lhug daid mhain" pye' ra" Amori' zug: , Shihung: we' Oga' re naonhaung" kaid' ko" akhyo re re: , ngon-11 haung" qo" the' gyo: va". – Ai: lau dao: the' gyo" au: , ngonhaung" byo din: lae" mung: naonhaung" mathao: yang dayaug lhao" vae" ra" myid mavai" zo: lhao" mabo lo: pe" mung: ga" re naonhaung" Mo"so apyaid ato: Mo"so wa mug: gaung: tho' zhao" myhao mae re: , myid gaung jo, gye,12 mae re: ug gam: na: Mo"so ngaid: ra". – Ai ru: mung: naonhaung" mae ngo jeju kaid' lhoe' ke' va" ru mung: naonhaung" re: nga" mao: nhaung: qe mae jeju tug' yang: –13 nga" myhi" pho" , nga" bai: nhaung: , nga" maung bam we' tin" ra" alhab' bam: re mase' lo: kao lhoe' byid: nae" ein: Mo"so mae ngo, yang: jham tang: ge, . Dang jhaug' ra" sagso: ve, lho re re: byid: co' gela, ga:14 mho: ra". – Ai tao wa nao ngonhaung" akhyo mata" phung" ngaid: re ni" kao: qhid' mae" ngo tao: kao wa pokham: kham" ru ngaid shao: . Ce: mang: Mo"so byid' ra" ba re nao mae dao: so: dang jhaug' za: jeju tug' nae" ga: khae: yu: ako".15 Ai: myiqe" yham wa vokham" nhae mae ngaid: ru mung: yao: tao re bao: zo" kham: dung: khyo" taui: yang shoe" khyo"16 ke' zo" mae" – naotao re cao" qho: ra" mo, we' majho" qhug' nae" tau: bam khyo phao: lo" mung: sam ba lo" vho' na ge, . Cao" qho mo, tug' phao: lo" thao za: alo" ge, ga: cao"17 mho: ke' ra". – Yao: tao re: nao ngo tao re jham tang: nhao: ra" mathao: yang ngo tao mae qo bo mabo shao: .18 Ce mang: khyo ngonhaung" joe" li" lo: au: ana" yhoe" khyo" ke' ra" bao: zo" kham: mae ce: taui: ne re lhao" te' to: yang: ni" myhi" pho" , mao: bai: , maung qe re ni"19 yham mae khai: lhaung" to: ca" nae". – Ai: au: ni" yham mae" khyo thug' su" lae" lo" ra" yaug kam" wa shid: ngaid: re yao: cao" qho: shid: ru ngaid: shao: . Ngonhaung" kam" wa qobo loe, shao: . Ni" yham mae na: na yaug khag' re ngaid qere: zao" se' ngaid: re ai yaug xao au: gye laug: ngon- haung" mae jo, shao: .20 Ngonhaung" akhyo re nao ta" pug: ngaid: re wa ngo tao re nao jham tang: nhao: ra" akhyo mae ngonhaung" qobo21 loe, veshao: ga: yao: re ta" xo' ako". – Ai myiqe: re: naotao dao: we' dakhyo: ngaid:, shao: ga: khae: yu zo" nhao: ke' mung: yao: tao re: lo" byaug: ako". Myiqe: re: ai: taui: ne re bao: zo" kham: mae taui" lhao" khyo"22 to" ra". – Ai tao re: bam khyo joe" sho' lo" mung: cao" qho mo, phao: lo" sho' sam ba na: na ko" ra". Cao" qho mo, wa khyo thao" sho' qho ko" qere: mathe' qho: myao ko"23 ngaid: ra". – Ai: byu shid' yaug re: bam mae" phao: gyo" lo mung: qid gau" de, yang: Nun" yao: zo: Yoshu' jhao" joe" lo" ako". Ai mung: yao: tao re: thaung" qhug' lo ko" jham alhab' re lo zhao: kyo: zo", –24 dang dang Mo"so wa thoe mang: damang" geim" re ngonhaung" lo, mae qhaug' byid' to: va". Ngonhaung" mathao: yang mang: byu qe alhab' bam: qam: shain: bam veko" ga: Yoshu' re zhao: kyo" ako".