1
Ana" byu qe alhab' bam Yodain: lao bin: gau" de, lao" Mo"so wa Yoshu' re –2
Byu kaung akhug mae" dakaung mae" dayaug yaug byu daxe: shid' yaug thug'3
mung: , – yao: bam re Yodain: lao agaung: khin jaung qe nao" ye; jo; ra" jao: mae" laug daxe: shid' baui yu: vo; lo" yang: ana" myi lo" zang" na nae" mae to" to: ca" nae" khyo4
kyo" to: wa, ga: mho: ra". – Yoshu' re: khin jaung nha: to" Israel byumyu" dakaung mae" dayaug byu daxe: shid' yaug re khai5
mung:, – naonhaung" AsAng apyaid ato: Mo"so: bain" qhid' kheim: Yodain: lao agaung: khyo ye: yang: Israel byu kaung khyo" cao" yang: byu dayaug laug zang6
dazang yedao: lo ge, . – Ai wa naonhaung" tau: sagso: ngaid: jo, nae". Thao: bang: mae naonhaung" zo: myid: qe ce: laug wa7
pe" lase" ngaid: ga: myid: ko" re , – naon- haung" wa Mo"so: dao: thang" bain" yang Yodain: lao lai: phyid' au: dao: thang: bain" qhid' au: lheim" yang: qid lao gao" go; byid: lo" khyo ta" kyo: ca" genae". Ai ru: mung: ce: laug baui jham wa Israel qe pyaid da du mae myid: beim" na genae" tau: ngaid ca" genae" ga: Yoshu' re pin: to" ra".8
Israel amyu" zo: qe wa pin: to: va" we' dakhyo: zaui: so" ako". Mo"so: yang Yoshu' re mho: to: va" we' dakhyo: Israel qe: nhae khyo" cao" yang: Yodain: lao mae" laug zang daxe: shid' zang gaug: yu mung: no: qo thang jao: mae joe" sho' lo" gaug:9
vo; to" ako". – Dao: thang" bain" re vo; ra" khin jaung qe nao" ye, nae" ra" Yodain: lao agaung: mae" laug zang daxe: shid' zang re Yoshu' zhaug' to" ru ana" ba joe" sho'10
jo; ra". – Yoshu' wa Moshe pyang: to" we' dakhyo: , byu qere dakai" ta" kyo: nae" tau: Mo"so pin: to" jham alhab' re bin: zaui" kyab' ra" ayo, joe" sho' dao: thang" bain" re vo; ra" khin jaung qe Yodain: lao agaung: mae yena: ako". Byu qe re: qam: phin: yang:11
su" gau" de; ako". – Mo, byu qe alhab' bin: su" gau: thao Mo"so: dao: thang" bain" we' daga" khin jaung qe wa byu jham: myo, le,12
mae su" gau" de; ako". – Rubin: , Gaid' , Manashe kaung agaung: dano" wa Moshe pyang co' va" we' dakhyo: lo, sin: jham re yu: ci yang: Israel amyu" zo: qe: qhid' mae13
gau" lo" ako". – Ai: kaung wa byid tug kho bo mung: gye khe' nae" ga: seim" nyhang" zo" Mo"so: qhid' kheim: Yerikho" jao: dae14
khyo gau" ye" lo" ako". – Ai: ba re Mo"so wa Israel amyu" zo: qe: qhid' kheim: mae Yoshu' re tau: yhe' ra". Yao: bam wa Moshe re gyaug phug' ko" ru: Yoshu' re re: yao: bam: kao daui bang: dabang" geim" mae gyaug phug' ko" ra".15
Dam: Mo"so wa sagso: bain" re vo; ra"16
khin jaung qe – Yodain: lao mae" thug' lo17
nhao se, ga: mho: ru we' dakhyo: – Yodain: lao mae" thug' lo gese, ga: khin jaung qe re18
Yoshu' mho: ke' ra". – Mo"so: dao: thang" bain" vo; ra" khin jaung qe Yodain: qid lao agaung: mae" thug' lo mung: khyid vo" yang bug gaung nao" zab: ke' we' Yodain: gyaung: mae" qid jham wa a zhao: re" khyo: dam: xo' bang: lo" mung: qid lao dalao geim" dang: byang" sheim: lo" sho' ngaid: byaug: ra".19
Sao qhid' lho" khye' , daxe ba re byu qe wa Yodain: lao mae" thug' lo mung: Yerikho" vomo" qhid' au: mae" Giligala jo,20
qo mae zang" qham: na: ako". – Yodain: lao mae" gaug: vo; lo: ra" laug daxe: shid' zang re Giligala jo, qo mae Yoshu' zhaug'21
to" ra". – Israel amyu" zo: qere re: thao: ta mae naonhaung" zo: myid: qe ce: laug zang jham wa pe" re lase" qhu" nug: ra" ga: pho"22
qe re myid' lo: re – naonhaung" wa Israel byu qe myid gaung mae su" ru: ce: Yodain: qid lao re gau" su" de; lo: ru ngaid: ein:23
zo: qe re ta" kyo: ca" nae". – Apyaid ato: Mo"so wa phung bao qi" ra" khyo re myid gye, byu alhab' bam: ba se" genae" tau: we' naonhaung" AsAng apyaid ato: Mo"so re naonhaung" khonhae" re: gyaug phug' na genae" khyo: ,24
Ngonhaung" Edom qid mang: re gau" lai: au: thote' maqo" bin: de, de, wa naon- haung" AsAng apyaid ato: Mo"so wa ngon- haung" qhid' au: qid mang: re kyaug' khyi li poe" ke' re" ru: , naonhaung" Yodain: lao gau" de; au: thote' maqo" bin: de, de, wa naonhaung" qhid' mae qid lao re kyaug' khyi li" poe" ke' ra" ga: Yoshu' mho: ra".