1 Ce: Melikhizede' wa Salem: jhaung zug: ngaid mung: myhao: thao" ra" Mo"so: khin jaung ngaid: ra". Abraham wa jhaung zug: qe re khe' mung: dam: tug' lo" ra" au: Melikhizede wa Abraham re lham: tug: yu2 yang: yao: re min gam byid' ra". – Abra- ham wa yao: qo" lo: ra" zai yo alhab' geim" mae" daxe bam mae" dabam qhaug' byid: co' ra". Melikhizede zug: saoqhid' mang lase" wa dang main" ra" jhaung zug: ga" ru ngaid: ra". Dam: yao" mang wa yaug yo: ra" jhaung zug: ga" ru re: ngaid: ra". Aimung: Salem: jhaung zug: re: ngaid: ru: yang yao" mang wa yaug yo: ra" jhaung3 zug: ga" rure: ngaid: ra". – Melikhizede wa pho" aqao: re: mabo myhi" re: mabo byu jao: xag' qug: re: majo, yao: khau: li" ra" akhyo re: majo, yao" kao re: thao" ga" ru majo, ngaid: ra". Aimung: yao: wa Mo"so: yao: zo: we' dau mung: apyaid ato: khin jaung angaid: na: ra".4 Ana" byu ce yaug wa khoqhi" qi" ga" akhyo re myid: qu" ge, nyhao: nhaung" yao: phug' Abraham lao" re: yao: qo" lhaid' lo: ra" zai gyo" alhab' mae" daxe bam mae"5 dabam yao: re byid' ra". – Abraham zo: myid: qe za: ngaid geyang: re: Levi yao: zo: re wa yao: mao:nhaung: nhae ho' mae" tarha" cao" yang: daxe bam mae" da bam yu6 nae" akhang" qo" ako". – Melikhizede wa Levi boe: mae" gyo" lo: ru mangaid: qere: Abraham mae" daxe bam mae" dabam re khae: yu: ru we' Mo"so: dao: thang" the' khae: yu: ra" yaug re min gam byid' ra".–7 Je: qi" ra" yaug wa je: ngai: je: nyham: ra" yaug re min gam byid' ru wa yao" akhyo8 yao: va". – Ai mae" getau shid ba: ra" mo, ngaid: ra" Levi qe za: xe bam re yu: ako". Ngaid qere: ai: ayo, akhin: mae wa daui: na yaug ngaid: ra" ga" yaug xe bam re gaug:9 yu: ra". – Ai: thao mae ceru: ein: gai: ta" ra" xe bam re khyui: yu: ra" Levi wa Abra- ham khyo" yang daxe bam mae" dabam10 byid' lo: ru ngaid: ra". – Khoru: mung: ga" re Melikhizede Abraham we' jho" qhug' ra" au: mae Levi wa yao: pho" akhug mae shi" ana:.11 Dagau: wa Levi amyu" khin jaung bug yug khyo" jab byang" khyo jo: ngaid: re getau: khin jaung wa Aron: we' dakhyo: mamhang" lo: Melikhizede ru" ru getau: khin jaung ajain" dayaug thug' li" ca" shi"12 i"?. – Khin jaung: a khyao tha" pye' lao" yang tarha" akhyao rere: tha" lhag' pye' ca"13 ru ngaid: ra". – Ceru: ein: ru wa ce: dao: kheim: we' tin" ra" yaug wa getau: amyu" mae bobo: na: ru mung: ai: amyu" mae" khag' re: ngaui" phain mae mau" zaui" qu"14 ru mangaid:. – Pe" mung: ga" re nyhao: nhaung" AsAng wa khin jaung mau" zo" we' tin: yang: Moshe lao" pe" mata" qu" ra" Yuda, zo: myid: mae" bo: thug' li" ru wa de: de: ngaid: ra".15 Airu: mung: ce: akhyo re de: de: myao: ra" ru wa Melikhizede we' dau: ra" getau: khin jaung dayaug na: li" ru dang: re khin jaung amyu" tha" va" ein: ru wa je yang: de:16 de: ngaid: ra". – Ai: khin jaung wa gaung sho: khyo" cao" yang: jaung: nha: to" ru mangaid:. Yao: wa mathao" magain: kao so' qam: o: khyo" khin jaung poe" qhug'17 ru ngaid: ra". – Pe" mung: ga" re jham: tung" mae yao: sagso: kham: ru wa nao wa Melikhizede akhug mae xo' ra" apyaid ato: khin jaung ngaid: li" nae" ga: ta" ra". –18 Airu: mung: khang" dao: tarha" xug' wa qam: nang" ru we' khyag' mathaid' lo" ru19 mung: to" pye' ru qhug' ra". – Pe" mung: ga" re khang" dao: tarha" wa daja: re lao" majab byang". Aimung: nyhao: nhaung" wa ana" je: gai: ra" myid: nghae" akhyo re the' yu: ra" mung: ai: myid: nghae" ru khyo" yang Mo"so jhao" qui" te' ye" bam20 va". – Yao: bam jham tang" ru makhae: yu lo: za: khin jaung boe" lo mo, ngaid: ako". Yesu kam" wa jham tang: mung: khin jaung21 boe" lo: ra". – Yesu re khin jaung khyo" khae: yu: ra" au: Mo"so wa yao: re nao wa Melikhizede zug: we' dakhyo: apyaid ato: khin jaung yin" boe" veshao: ga: jham tang: mung: AsAng wa yao: re lhai" pye' nae"22 mangaid: ga: ta" ra". – Ce ru: mung: Khristu wa je: gai: ra" dao: thang" tau: ama' kham:23 yaug boe" va". – Yao: bam wa khin jaung myo: sho' yaug na ca" ako". Khoru: mung: ga" re shid: lo" mo, ngaid geyang: mau" zo" re xo' yang: maqo" zaui: ko" ngaid: ra". –24 Yesu wa apyaid ato daui: na: yaug ngaid yang: malam: lai: lo" ra" khin jaung aya: qo"25 yaug ngaid: ra". – Airu: mung: yao: bam wa yao: khyo" mung: Mo"so jhao" joe: li: ra" mo, re ayo, maqho lo: qo" khyaid' yu: ra". Yao: wa ai bam: tau: agyo: mae khyaid' yu: ru jab byang" byid' na: .26 Aimung: Yesu nyhao: nhaung" qo ca" ra" khyo re qo" bao" thaug' byid' ra" khin jaung yin" ngaid: ra". Yao: wa shao gyang" yaug yug no mabo yaug qobo qo" mo, mae" gao" lin: na yaug , mug: gaung mae je: myhao sho' vo; to' qhug' to: yaug wa27 nyhao:nhaung" we' dau: li" nae". – getau: khin jaung qe wa yao: yao" qobo tau: re: , su: qobo tau: mae" re: , ne, khao: ngo" xeim: tang ngaui" ca" ru ru: xeim: mathang ngaui" ca". Pe" mung: ga" re yao" gaung re dalhang za: xeim: ngaui" qhaug' pye' ru:28 yang bin: zaui" pyang" pye' ava". – Khang" dao: tarha" wa qobo qo" ra" mo, re khin jaung toe' to" ra". Ngaid qere: khang" dao: tarha" thao mae Mo"so jham tang" to" ra" dao: so: wa apyaid ato: jab byang" ra" yao: zo: re khin jaung yin" khyo" kheim: vhin: to: va".