1 Airu: mung: naonhaung" wa Mo"so dao: thang" to" ra" yaug yo mug: khyo vao nae" akhang" qo" jo, gau re naonhaung" daqhae: maqo" vao genae'' rure sang: kho"2 ra". – Pe" mung: ga" re nyhao:nhaung" wa yao: bam we' da khyo: za: ai: ngaui bau: dao: re the' gyo" yu: bam va". Yao: bam wa mung dao: re the' gyo: gengaid yang: re: lam jang" myid we' malham: khae: yu gemung: ai: mung dao: wa yao: bam: tau:3 pe" so' ha" maqo" ko". – Nyhao: nhaung" kam" wa aimung: dao: thang" re lam" yang: Mo"so: yaug yo: ra" khyo vao lo" bam va". Ngo wa nhag' gyid' mung: yao: bam re ngo dao: thang" byid' to" ra" yaug yo jao: khyo maqo" vao genae" ein: ta" ru we' da khyo: ngaid: ra".Yao: wa mug: thug' sao peim mae" bin: zaui" to: va" yaug yo: ru re ta"4 nug: ra". – Jham: tung" datau mae nhaid' ba we' tin: yang: ta" to" ru wa Mo"so wa nhaid' ba ein: ra" ba mae yao" mau" zo" re zaui" kyab' mung: nhaid' ba ein: ba re5 dug no" na: ra". – Jham: dadau: mae dam: ta" ru wa yao: bam wa nga" yaug yo: jo, qo khyo maqo" vao genae" ga: mho: to"6 ra". – Airu: mung: daqhae: wa qo" vao veko". Ngaui bau: mung: dao: re sao qhid' qhug' gyo: mo, wa malam" geyang: maqo" vao ko" ngaid: ra".7 Ai mae" ru ana" ba ga" ra" dao: kheim: re ce myhao" myao" sho' ta" lai: lo va" thao mae ba na dane; akhyo re Davi nhaid'8 thoe khyo" kyo' sho' to" ashi". – Yao" dao: kheim: wa ce ru: ngaid: ra". Ana" ba naon- haung" wa yao" dao: thoe re tae" gyo: ko" ngaid: re naonhaung" nhag' lam: daqao ge,9 ga: ta" ra". – Airu: mung: Mo"so: byumyu" qe: tau: mae" ngaui bau: yaug yo: ru daja:10 dang: jo; ashi". – Mo"so wa yao" mau" zo" kyab' yang: yaug yo: za: dug no" na: ru we' dakhyo: Mo"so: dug no: jao: khyo qo" vao: ra" mo, re: mau" zo" bin lao" yaug11 yo za: dug no" na li" genae". – Airu: mung: Israel byumyu" qe lam khug: myid mabo gemung: tha" lang: ko" ru: nyhao:nhaung" wa matha"lang: gejhao" ai: yaug yo jao: khyo qo" vao nae" tau: qam: ke' gelang:. –12 Mo"so: mung dao: wa kao daui: na: ru we' qo" tha" kaid' boe" ra" qam: so' bo mung: shae su: shid' shaid' geim" tho' ra" kheim: so' re: je: tho' ru mung: kao we' solo rere: , sho: qug: sho: qae we' qug: khyao jham re kho' khaui: mung: qo" jhoe" khyao" ba: ra". Byu: nhag' myid rere: myao: kyao"13 ra". – Mo"so: qhid' kheim: mae pe" ja: re: mamyao lo: sho' maqo" nyham" to: ngaid: ra". Phain" to" ra" gu: alhab' wa yao" myo, le, mae de: de: za: ngaid: jo; ra". Nyhao: nhaung" alhab' mo, yao: yao" akhyo re Mo"so jhao" japhin: qhaug' byid: ca" nae" ngaid: ra".14 Mo"so: yao: zo: Khristu wa nyhao: nhaung" qi" thao" ra" khin jaung yin" ngaid: ra" yaug re qo" bam va" ru re qu" mung: nyhao:nhaung" hau" kyo: phung" qhu" ra" akhyo jham re gang: tang taung" za: zaui"15 zag: ci gelang:. – Khoru: mung: ga" re nyhao:nhaung" khin jaung yin" wa nyhao: nhaung" qam: nang" rure nhag' maba: khyag' yaug mangaid:. Ja: khao: ngo" mae nyhao:nhaung" re" ru: ju" phyo' ru qhug' qu" yaug ngaid: qere: qobo maqo" ra" khin jaung yin" nyhao: nhaung" qo" bam va". –16 Airu: mung: nyhao: nhaung" wa vae" vae" za: Mo"so nhag' myain" ra" la kin tao" khyo qui" vao ye: gelang:. Alao" nyhao: nhaung" re bao" thaug' byid: nae" nhag' khyag' nhag' myain" ra" jeju re nyhao: nhaung" qo" khae: yu nae" ngaid:.