1 Airu: mung: nyhao: nhaung" wa daui: mung dao: qo" gyo: va" rure malhag' ke' lo: za: gang: tang taung" nhag' khug mae2 zaui" zag: ci ca" ra". – Mug: logyo: qe khyo" yang nyhao: nhaung" re myhao" to" ra" dao: wa dang: ru ngaid mung: aire macao" ra" mo, shaid' lhoe" ra" mo, wa3 qobo dae qhug' nae" main: qi" ra". – Airu: mung: nyhao:nhaung" wa ai qhi" qi" ra" khyaid' yu: ra" khyo re pe" shui manho lo: na: bam: ngaid: re wa ai: qobo dae qhug' nae" ru mae" khoru: qo" loe; bam nae"?. Ce: khyaid' yu: khyo re AsAng yao: shi" saoqhid' ta" kyo: mung: aire the' gyo" ci: ra" mo, wa ngonhaung" re sagso: kham:4 byid: veko". – Ai: tho' mago" Mo"so yao: re: ve, lho aja: ja: we' qu" mug' nae" ru" akhyo jham we' mung: mug' pho" mau" ja: nam jab we' shaogyang" Solo: jeju jhaung qhu" jham re yao: myid: o: ru we' dakhyo: gae byid' ra" yang yao: bam sagso: kham: ru mae bo: laung: mung: sagso: qhu" byid' ra".5 Mo"so wa ana" nyhao: nhaung" ta" na: ra" joe" lo nae" myidkin mae mug: logyo: qere ug nae" akhang" mabyid: ngaid: ra".6 Jham: dao: dadau mae dayaug sagso: kham: ru wa nao myid: beim" na: ra" Sosu byu qe we' nao li" kam: gun: na: ra" Byu: yao: zo: wa pe" ru" ru ngaid: i"?.7 Yao: re mug: logyo: qe: o mae dajhid' zo: za: nyham mung: nha: to" ra". Aimung: phung bao we' langa: khyo" dain zi maug re zhaung: byid: mung: cao jab alhab' re ug: nae" zug: kaid' nhao: ra".8 Jham: tung" mae Mo"so wa ja: nam jab alhab' re yao" khyid qao: mae to" to: byid' ra" ein: ta" re mato: byid' ra" ru da ja: re: majo, nae". Ngaid qere: ana" wa ja: khao: ngo" yao" khyid qao: mae majo, shi"9 rure nyhao: nhaung" myao: na: ra". – Airu: mung: byu Sosu alhab' mo; tau: Mo"so: jeju khyo" yang shid qhug' nae" tau: Khristu wa mug: logyo: qe: o mae mavai" zo: nyham: khyo" to: mung: ai: thao shid kham yang: au: mae phung bao we' langa: dain zi maug10 zhaung: byid' ru qhug' ra". – Khoru: ga" re byu myo: sho' re loe; beim: nhao mung: phung bao min re qhug' khae: yu genae" tau: jhui" au: she: ra" yaug wa qug: khai: kyi" khyag' qhug' yang: jab byang" shao: ga: alhab' re phain: to: mung: ug: na: ra" AsAng wa nyhang" to: byid' ru ngaid: ra". –11 Airu: mung: shaokyang" byid: yaug we' shao kyang" qhug' mo, alhab' geim" wa da boe: za: ngaid: aveko". Ceru: mung: yao: wa yao: bam re mao: nhaung: ngaid: ga: mhang" nae" yao: ma qho' ngaid: ra".12 Ni" mang kheim: re nga" mao:nhaung: qere ngo hau" kyo: nae".Volo mo, phaung mo" mae ngo wa nao re caung: khin" nae". Aimung: ngo wa Mo"so re lam khug: na nae".13 Dam: dakheim: Mo"so: yang ngo re byid' to" ra" zo: dau qe we' daga" ngo ce14 jo, qo mae na: na; ga: re: ta" ra". – Ai: zo: dau qe wa sa: sho: bo: ra" mo, ngaid ko" ru: yang Yesu yao: yao: re: yao: bam we' dakhyo: Sosu byu: ve, khyao khae: yu: ra". Ceru wa yao: shid kham: ra" khyo" yang shid zug: re ug: na: ra" satain: yui re aung:15 pye' nae" tau: ngaid: ra". – Aimung: yao: bam wa shid re gyaug geyang: dapyaid geim" jeim doe; na ko" ru mae" loe, beim nhao: nae" ga: sa: sho: gaung khyao khyo"16 kao daui: ru ngaid: ra". – Pe" mung: ga" re Khristu wa mug: logyo: qere bao" thaug' ru mangaid:. Abraham: zo: myid: qere bao"17 thaug' yaug ngaid: ra". – Aimung: Khristu wa yao" mao: nhaung: qe we' ja: khao: ngo" mae dau ca" ra" alao" Mo"so we' tin" ra" gu: mae nhag' khyag' sho: no mung: jhaug' zaug: ra" jaung yin" boe" mung: Sosu byu qe: qobo: mathao mae nyang nyhang"18 nae" tau: ngaid: ra". – ju" phyo' rure yao" gaung yao: dayae dayo: phau" lo: qu" yang: ju" phyo' ru qhug' ra" mo, re qo" bao" thaug' byid' ra".