1 Mao: nhaung: qe we" dayaug we' dayaug jhid' jhid' kug' kug' za: na: ye" lo"2 ge, . – Naonhaung" yham mae bang" vo qere bang" da" byid: nae" dato" myhid' ge, . Airu: bang" da" mo, damyo" wa mabeim: maso" ru mug: logyo: qere bang" qhug' da"3 byid' ako". – Naonhaung" wa kyam: laung" jo, mo, we' daga" kyam: bo laung" jo; ra" khyo" myid: yu mung: kyam: laung" na mo, re myid: beim: ge,. Pe" mung: ein: re naonhaung" re: dagaung dasho: akhug mae4 ceim" qham: na mo, ngaid: ako". – Byu Sosu alhab' geim" wa myi: vhin" phaung: vhao" rure phug' te' nga: yhe' ca" ako". Mo"so wa magai: phavae mau" zaui: mo, we' myi: lao shaid' ra" mo, re dao: phyid'5 li" nae". – Naonhaung" na qab ye, bao mae ngaui hhang re myo, dano, ge, naonhaung" yao: qo" ra" gu: nhag' dag: na ge, pe" mung: ga" re AsAng ngo wa nao re malhaui" pye', nao re mageim: manha: lhae" to: ga: dao:6 so: to" ra". – Airu: mung: Mo"so wa ngo re bao" thaug' yaug ngaid mung: ngo re pyi qho: ra" mo, re ngo magyaug ein: nyhao: nhaung" wa vae" vae" za: qo" ta" nae" akhang" qo" ra".7 Naonhaung" re Mo"so: mung dao: ta" kyo: ko" ra" qhid' phyao: mae" naonhaung" au: she qere myid: beim: ge, yao: bam khoru: kao daui: lo ko" rure we' khoru: na: lai: lo" byaug ko" ra" akhyo re dam: tug' myid: qu" mung: yao: bam: lam jang" khyo re myhi sho' cao" ge, .8 Yesu Khristu wa ayenhe' , ana" ne, , thao: bain: , apyaid ato daru: za: ngaid:9 na: ra". – Asag' mho" shid' khyo aja: ja" yang naonhaung" re dajhui" nghung: ge, zo: shaug' khyo" yang nhag' lam: gang" tang: ru mangaid: lo za: jeju khyo" yang qo" gang" tang: to" re akyu" bo: ra". Zo: shaug' re au: am" ra" mo, wa akyu" maqo"10 ko" mangaid:i"?. – Dao: thang" bain" re qu" caung: na: ra" mo, magai: yu zo" ra" phain dagye, re nyhao: nhaung" qo" ra". –11 Khin jaung yin" wa qobo gyaid nae" tau: gug' nyhug' sa: re shaogyang" ra" qe, khyo ci: vao mung: xeim: dau: ashid gaung re seim zaung taung gaung mae ngha" ngaui"12 ke' ra". – Ai we' dakhyo: Yesu re: yao" sa" yang byu qere shaokyang" yu nae" tau: vogaung: yae taung gaung mae shid kham13 va". – Airu: mung: pa" caung: seim zaung taung gaung shaid' khyo thug' ye: mung: yao: qhug' ra" qug: khai: kyi" khyag' ye: bo:14 leim" gelang: – Khoru: mung: ga" re byu na cebain: mae apyaid ato: vomo" majo, ngaid: ra". Nyhao: nhaung" thao phyao: joe" lo nae" mang: din" re za: ceim" qho:15 na: bam:. – Aimung: nyhao: nhaung" wa Mo"so: jeju re khae: yu mung: nhaid' dao: thoe khyo" caung: khin" zo" Yesu Khristu khyo" yang Mo"so: qhid' kheim: mae16 khyao za: qhaug' byid: gelang:. – Jeju kaid' ru , jo, nho" gae: myho" byid' mau" dato" myhid' ge, airu" xeim: re Mo"so gyai qam: qo" ra".17 Naonhaung" au: she mo; mho dao: re tae" gyo: yang: nyham: khyo" myid we' kaid' cao" ge,. Khoru: mung: ga" re yao: bam wa naonhaung" Solo re kho ru: qu" caung ko" ga" akhyo re khyao: zhao: kyo: ca" ako". Japhin: qhu" ra" au: naonhaung" re akyu" maboe" nhao: ja: nhag' kaug' ra" ja: ru" khyo" mangaid: lo: ngaui bau" ra" myid we' qo" qhu" genae" tau: yao: bam: ug: gam: rure khae yu: na ge, .18 Ngonhaung" tau: jhaung: bao" mho' byid' na gela, Ngonhaung" aung khug nhag' lam: wa gyang: gyang: za: ngaid: ru ngonhaung" yao: ba: ra". Pe" mung: ga" re ayo, akhin: khao: ngo" jo: ra" khyo" kaid'19 nae" o nug yang: ngaid: ra". – Ngo naon- haung" jhao" mye, mye, dam: joe" li" nae" khyo: jhaung: bao" mho' byid: gela, ein: ngo naonhaung" re mho' pyang: ke' ra".20 Qi" thao" ra" yao zam: yaug ngaid: ra" nyhao:nhaung" AsAng Yesu Khristu re shid: ru mae" dam: daui: to" yu: ra" yaug21 yo: AsAng Mo"so wa – Pyaid da du gang: tang: ra" dao: thang" sa: khyo" mung: yao" nhag' myid re cao" pyang" nae" tau: gai: ra" mau" zo" khao: ngo" mae qu" ngaui nae" ru" mau" zo" jham wa naonhaung" akhug mae daui lab: na shao: Khristu wa apyaid ato phung bao qab qi" qhang: jo, shao: wo". Amen.22 Mao: nhaung: qe we" ce: qam: byid: mung dao: zang: qhao" yang: tae" gyo" yu genae" tau: mae" ngo naonhaung" re mho' bain" ke' ra".Tung" vhin: ke' ra" ce: tung" khye' wa lang" lang" za: ngaid:.23 Ngonhaung" yao: nhaung: Timoti kyam: laung" ru mae" loe; thug' lo" byaug va" rure ngo naonhaung" re ba nhao nug: ra". Yao: phyaid za: ngo jhao" joe" lo: ngaid: re wa ngo naonhaung" re li" qhug' ra" au: re ngo we' daga" yao: re jhui" li"24 nae". – Naonhaung" au: she alhab' mo, re we' Mo"so: byu qe alhab' re ngonhaung" au" ke' ra" akhyo ta" kyo: byid: gela,. Itali: mang: mae" mao: nhaung: qere: naon- haung" re au" ke' ako".25 Mo"so: nhag' myain" jeju wa naon- haung" alhab' mo; we' daga" ngaid: na shao: wo". Amen.