1 Ai ru: mung: aqhid' mae zhao: yu: ra" tarha" re to: co' mung: suna sag' khyo jhui" ye" ra" Khristu mung dao: re khae: yu gelang: shid: ra" tarha" mae" re: yao: zaui" shaid' ra" qobo: lo, mau" mae" re:2 naung myid qo" mung:. – Baptisma kham: ru , lo, kai" ru , shid: ru mae" daui: to" ru we' apyaid ato: dao: phyid' nae" khyo mae aqao: mavai" na lo: , ai re to" pye' mung: jab byang" ra" khyo myhi sho' mho" xeim:3 yu gelang:. – Mo"so akhang" byid' re ngonhaung" airu: kaid' gelang:. Yao: bam: lam khug: myid mae" phaug' lo" ko" mo, re nhag' myid dam: lhang: lo sho' khoru:4 qo" kaid' nae" i"?. – Yao: bam wa bo" khug mae dalhang kao daui: qu" ru we' mug: gaung: jhaung qhu" jeju tau" qu" va" mo, ngaid: mung: shaogyang" Solo re khae:5 yu: qu" va" mo, ngaid: ako". – Yao: bam wa Mo"so: mung dao: gai: ru we' joe" lo nae" ta we' tin" ra" kheim: so' jham rere: thaung" qhug' qu" va" mo, ngaid: ako". –6 Yao: bam wa lam khug: ra" khyo mae" phaug' lo" byaug veko" ra". Yao: bam wa Mo"so: yao: zo: re pyao: mae be; jin" se' mung: nga: khyoe' ko" ru: yang nhag' lam: tha" lhang: lo nhao nae'' magai: boe" ngaid:7 ra". – Pe" mung: ga" re myid gaung wa yao" adao mae qu: sheim" ra" mug: qid re shaug' mung: qho" caung: na: ra" byu: tau: qhovo: qhoshi: jham re yaug: thug' li" nhao mung: Mo"so: min agyid aso qo" yu:8 ru ngaid: ra". – Ngaid qere: mhin: jam" we' zau: paung" mae yaug: li" ko" ra" gu: wa nhang: kheim: qhug' mung: pe" khyag' mathaid' yang: ngha" jheim" pye' ru qhug' phau: nae".9 Jhid' de; ra" mao: nhaung: qe we" ngonhaung" ceru: ta" sho' ngaid qere: ngonhaung" wa naonhaung" akhyo re gai gai: yao: ba: ra". Naonhaung" khyaid' yu: khyo we' tin" ra" je: gai: ra" min jeju jham naonhaung" qo" genae" rure ngonhaung"10 o ngaui: ra". – Khoru: ein: re naonhaung" shao gyang" mo, re tho' khyo" zho: jhaug' na mung: jhid' kao: myid we' zaui" na11 shi" ru ngaid:. – Airu: mung: naonhaung" myid: nghae" lao" na ko" ra" khyo mae aug' o: lam: shaid' khyo mabo lo: athao" joe" sho' dakhyo: za: zang: zaug taung" qam: ke' thaug' qhao" na genae" rure ngon-12 haung" o ngaui: ra".– Aimung: naonhaung" wa lam jang" ra" nhag' myid khyo" zang: qhao" mung: cao" ra" mo, we' dao: thang" re qo" ra" mo, ngaid: ru mung: danoe" dashoe: na ge, .13 Mo"so wa Abraham re dao: so: to" ra" au: yao: tho' je: qi" ra" yaug re mang lao: mung: jham tang: nae" khag' mana lo" ru mung: yao: yao" mang re lao: mung: jham14 tang: yang: dao: so: to" ra". – Ngo wa nao re khonhae" re: min jhaung: xe: byid' na nae". Nao re je: myo" je" li" nae" jhaung:15 byid: nae" ga: dao: so: to" ra". – Abra- ham wa nhag' lam: qhang qhang za: zang: qhao" lo: ru: yang yao: wa Mo"so dao: so:16 byid' to" rure qo" khae: yu: ra". – Byu qe wa jham tang" ra" au: yao: yao: tho' je: qi" ra" yaug: mang re lao: yang: jham tang: ba: ako". Aire" ru: jham tang" ru wa jho" ngag: byo; ra" akhyo alhab' re athao yab:17 lo" nhao: ra". – Airu: mung: dao: so: re makhae: yu nae" mo, wa Mo"so wa yao: myid: yaung: to" rure khonhae" re: malhai: ga" rure jhaug' za: ba genae" tau: jham tang:18 yang: dang jhaug' nhao: ra". – Aimung: ce shid' ja: re magai zai" lhai: ai mung: Mo"so wa mamhug' ngaid: ra". Yao: wa nyhao: nhaung" re byid' to" ra" lam lam" myid re zaui" zag: ci nae" tau: ye: mo, wa qi: sho'19 qam: byid' ru qhug' yu:ra". – Ce: myid: nghae" ru wa ngonhaung" nhag' lam: jo, to' nghoe: ru" ru ngaid: ra". Ai: ru wa gug' ru we' lam ga" ru ngaid mung: mug: gaung: yham mae" qe, kyo pin: lung: re lai: vao lo" yang: shaogyang" ra" jo, qo khyo joe"20 ra". – Khristu wa Melikhizede re" ru: qam: mo" bo: thao" khin jaung yin" boe" mung: nyhao: nhaung" gaung tha" ai: jo, qo khyo nyhao:nhaung" qhid' khyo ye" lo" ava".