1 Khin jaung yin" yaug khao: ngo" wa qobo loe; xeim: , qhaug' xeim: alhab' re kug' ngaui" nae" khyo: Mo"so we' tin" ra" mau" zo" mae byu qe: gaung tha" zaui: nae" khyo: byu qe: akhug mae" khyin: yu yang: aya: qhaug' byid: qhug' mo, ngaid:2 ako". – Yao: yao: re: myo: sho' ja: mae qam: nang" qu" yaug ngaid: ru: yang yao: wa nhag' caid' noyaug mung mo, we' shaid' nghung" ra" mo; tau: qo" bo: myid3 byid: . – Ai: akhyo khyo" mung: yao: wa yao" qobo: tau: mae we' su: qobo: tau:4 xeim: ngaui" byid: ca" ra". – Aron: re" ru: Mo"so: yang khai: yu qhug' ra" mo, za: mangaid: re khag' re: yao: yao" tau: khin5 jaung aya: re magai: yu. – Airu: mung: Khristu wa khin jaung yin" aya: re yao: yao: toe' yu: ru mangaid:. Nao wa nga" zo: ngaid: ra".Ana" ba ngo nao re myhung: ke' va" ga: mho yaug: yang khristu re phug'6 te' nga: yhe' ra". – Aimung: jham: dao: dakhyi" mae re: nao wa Melikhizede khu mae zaui: nae" apyaid ato: khin jaung yin"7 ngaid: li" nae" ga: re: ta" to" ra". – Khristu wa byu: sa: sho: khyo" kao daui: na shi" au: shid: ru mae" qo" lhoe' yu: ra" yaug jhao" ngug byid ngug nhe' we' jhaung: mho' yang: yao" jab byang" lam: lang" ra" khyo"8 yang tae" gyo" yu byid: qhug' ra". – Yao: wa Mo" so: yao: zo: ngaid yang: re: yao: qhug' ra" qug: khai: kyi: khyag' khyo" yang mho dao: gyo" ra" akhyo re mho" yu: ra". –9 Aimung: yao: wa jab byang" yaug boe" lo lao" yao" mho dao: re tae" gyo" ra" byu alhab' mo; tau: mae" apyaid ato: khyaid'10 yu: AsAng boe"lo: ra". – Alao" Mo"so wa yao: re Melikhizede khu mae xo' zaui: nae" khin jaung yin" ga: mang mhang" ta" hau: byid' ra".11 Melikhizede akhyo we' tin: yang: ta" kyo: nae" khyo myo: sho' jo; ra". Ngaid qere: naonhaung" wa phyaid za: ba: gyo: mo, mangaid: ko" ru: yang naonhaung" re ta" sho' kyo: nae" qug' ra".12 Naonhaung" wa mho" pho" boe" gai veko" qere: saoqhid' mho" xeim: yu va" tarha" re su jhao" dam: dalhang mho" xeim: yu ca" shi: gemung: naonhaung" zo: shaug' aqao re magai: zo: shi:. Nug' qang:13 re za: agai: shaug' ko" ra". – Nug' qang: shaug' shi" yaug wa zonau" ngaid shi" ru mung: dang main" ra" akhyo re maba14 majhao shi:. – Ai mung: zo: shaug' aqao wa zo: qao" qe tau: ngaid: ra". Yao: bam wa myid: qu" ra" khyo mae gyo" ru , myao: ru mae min: va" mo, ngaid mung: gai: ru we' magai: rure qo" ba: kin: yu mo, ngaid: ako".