1 Lam khug: myid ga" ru wa myid: lao" ra" ja: re gai gai: yao: nhag' dag: ru we' mamyao: qu" shi" ra" ja: jham re dang dang ba: tau" se" to" ra" akhyo ngaid: ra". –2 Genhae" mae" byu qe wa yao: bam: lam jang" myid mathao mae caung: khin" ru qhug' ako".3 Mamyao: qu" shi" ru mae" the' myao: ra" ja: boe" thug' li" nae" tau: mae" Mo"so: mung dao" yang myidkin re phain" to" ru ngaid: ga" rure lam jang" myid khyo" yang ngonhaung" ba: yu: ra".4 Abela, wa Ka:in: tho' je: gai: ra" xeim: ngaui" byid' ru wa lam" myid: mathao: yang ngaid: ra". Mo"so wa yao: qhaug' byid' rure aso: zhaug' byid' ra" au: dang main" ra" ga" akhyo re hau" kyo" ke' ru qhug' va".Abela, shid: byaug ngaid qere: ana" yao: mung5 dao: hau" na: ashi". – Lam jang" myid khyo" yang Enug wa shid: ru maqhug' lo: adaui phe, Mo"so jhui" to' yu: ru qhug' ra". Mo"so: yang yao: re jhui" to' yu: ru mung: khag' re: mamyao lo ko". Pe" mung: ga" re yao: re jhui" to' yu: ru maqhug' shi: mae" Mo"so o ngaui: ra" yaug ngaid: ra" ga: jham:6 mae ta" to" ra". – Lam jang" myid mabo re Mo"so re khoru: maqo" nhag' dag nhao. Khoru: mung: ga" re Mo"so jhao" ye: mo, wa Mo"so na: na: rure lam jang" ca" ra". Alao" za: Mo"so wa yao: re cao" qho mo,7 re jeju byid: nae". – Noa' wa qhid' phyao: dalhang re: mamyao: qu" shi" ra" ja: re Mo"so: yang li" ta" peim: lao" lam jang" myid khyo" gyaug mung: yao" yham byu qe re lhoe' yu nae" qid lha zhaug' ra". Yao" lam jang" myid khyo" yang myidkin re dao: phyid' ru qhug' va". Lam jang" myid we' tin" ra" dang main: ga" khyo rere: Ma khyo"8 the' yu: ra". – Abraham wa Ma khae: yu nae" mang: khyo ye" lo" nae" Mo"so khai: ra" au: yao: kho mug: khyo ye" lo" na: ga" ru yao: maba: ru lam jang" myid khyo" tae"9 gyo: mung: thug' ye" lo" ra". – Yao: wa lam jang" myid khyo" yang dao: so: byid' to: va" labug byumyu" qe: mang: mae bang" vo re"ru: na: ra". Yao: re byid' to" dao: so: Ma khyo" khae: yu nae" ai: mae Isag' , Yaku'10 pha: re: bo: na: ako". – Khoru: ga" re Abra- ham wa Mo"so nyhang" jaung: kaid' nae" ra" gang: tang vomo" re myid: lao" na: ra". –11 Abraham wa Mao: zo: ngaid: lo" ru we' yao" yham sang myhi" Sa:ra: re: kao gyai: qi: thao gaung la" li" ru wa dao: so: to" ru we'12 lam" myid: yang ngaid: ra". – Abraham wa sa: sho: khyo" yang yaug gai ashid ru: ngaid qe re: yao: dayaug mae" za: mug: gaung: kyi ru: qid dae yae mae" matho' nghe' lo" ma coe jham nho" na: je" ra" zo: myid: qe myo" laug: li" ko" ra".13 Byu ai: gu: alhab' mo; geim" wa dao: thang" to" ra" khyaokham khyaokhae: re bang" vo re" ru: su" lhang" qin" ko" ra" au: mae maqhug' khae: yu lo: ko" ngaid yang: re: lam jang" myid mae ge; yu ko" ru mung: zaui" qhu" co' yang: shid: lai: lo" veko". –14 Airu: mung: ge; yu: ra" mo, wa yao: bam sang nae" phug' pho" qe: mug: myid mang: din" re qho mo, ngaid ko" rure de: de: za:15 myao: ra". – Yao: bam to: co' ra" mang: din" re myid: beim: ko" ngaid: re ai: mang: din" khyo dam: tug' lo" nae" akhang" yao:16 bam qo" ako". – Yao: bam wa je: gai: ra" mang: din" ngaid: ra" mug: gaung; mang: din" re nhag' nghae" na mo, ngaid: ako". Aimung: Mo"so wa yao: bam: Mo"so ngaid: ga: mhang" nae" ru maqho' ngaid: ra". Pe" mung: ga" re Mo"so wa yao: bam: tau: mae" vo gaung: mo" davo nyhang" te" to: byid' ra".17 Abraham wa lag yu: ru qhug' ra" au: lam jang" ru we' Isag' re xeim: ngaui" byid'18 ra". – Isag' mae" ni" amyu" nyaug xo' ye" lo" zai ngaid: ga: dao: so: re khae: yu yaug wa yao" zo: te: zo: re xeim: khyo" ngaui"19 qhaug' byid: va". – Mo"so wa shid: ra" mo, mae" lao" dam: daui: to" yu nae" qam: o: qo" ra" ga" akhyo re yao: wa lam jang" ra". Airu: mung: Isag' wa shid: ra" mo, mae" dam: byid' to" yaug ngaid: ra" ein: gai: ta"20 ra". – Lam jang" myid khyo" yang Isag' wa joe" lo nae" ayo, tau: mae Yaku' we' Eso" tao21 re min jhaung: byid' ra". – Yaku' wa goe, mung: jhaung: mho' nho hab yao" zaung: bao" mae thaug' qhao: yang: Yoseb' yao: zo:22 tao re min gam byid' ra". – Lam jang" ru: yang Yoseb' wa yao" bain: gain: lo" na lao" Israel byumyu" qe Egutu mang: mae" phao: thug' lo" nae" khyo re ta" kyo: mung: yao" mao gaung re khoru: kaid' nae" rure dao: pin: to: co' ra".23 Moshe khau: li" ra" au: lam jang" myid khyo" mung: yao: myhi" yao: pho" tao wa lho" mo" sam khye' yao: re nyham" to" ako". Moshe gyai yaung" zo: nau" ngaid: rure yao: tao wa jhaung zug' amyin" re lhoe" pye' nae" magyaug ko" ngaid: ra". –24 Moshe wa kao qi" lo lao" lam" myid khyo" mung: jhaung zug: nau" ga: mhang" nae"25 rure ha: pye' ra". – Airu: mung: qobo khug mae" pyo" ra" ja: jham re mage; yu lo: za: Mo"so: byu qe we' daga" qug: khai: kyi" khyag' qhug' nae" khyo re khyin: yu: ra". –26 Khritu; mathao su jung" ru , qug: khai" ru wa Egutu mang: mae" jo, nho" dai kham bin sho' tho' mae je: phug' de; ra" ga: myid: ra". Pe" mung: ga" re yao: wa joe" lo nae" ayo, mae qo" khae: yu nae" ra" jhaung qhu" re nhag' nghae" na yang: ngaid: ra". –27 Lam jang" ru: yang jhaung zug: nhag' yo: nae" rure magyaug lo: Egutu mang: mae" phao: thug' lo: ra". Khoru: ga" re myo; yang mamyao: ra" Mo"so re the' myao: ruru: dam: kai" qo" nae" jeju jham re myid:28 nghe" na: ra". – Lam jang" ru: yang Moshe wa Israel byumyu" yaug gai zo:qhid' qere mase' genae" tau: lai loe, poe kaid' mung: sa: pyi" sheim" to: genae" tau: amyin" byid'29 ra". – Israel byumyu" qe wa lam jang" myid khyo" yang qid ne tham: mae taung gaung we' dakhyo: qo" su" lai: lo ko" ra". Egutu byu qere: ai ru: su" lo: na ko" au: yao: bam alhab' re qid: mae myung: nab: pye' ko"30 ra". – Israel byumyu" qe wa lam jang" myid we' mung: Yerikho" vomo" re nhaid' ba lam: lam: bin: su" gam: gethao re Yerikho" vo kham" laug zao jham wa byo; sin" lo" ra". –31 Yaug zhang: myhi" Rahab wa lam" myid we' mung: Israel jo" qu" ru tao re nyang" za: lham: tug: yu: ru: yang: yao: wa malam mo, we' se' pye' ru ma qhug' ngaid: ra".32 Ngo xo' ta" qo shi: nae" i"?.Gidon: , Barag' , Yebtha , Samsun: , Samuel , Davi we' lapa qe: akhyo jham re ta" nae" tau: ngo33 ayo, matho' laug ngaid: ra". – Byu ce gu: wa lam" myid khyo" yang mang: din" jham re gye khe' aung: pye' ako". Dang main" ra" mau" re kaid' ako". Dao: so: rere: qo" khae: yu: ako". Yao: bam wa lo: tin: nhaid'34 re pyid' pye' ako". – Khyeim" mo" myi: shae re qo" se' pye' ako".Aimung: gye khe' jao: mae" dae made; lo: za: qo" lai: thug' lo: ako". Yao: bam wa qam: nang: mo, ngaid geyang: re: gye khe' ru mae gai: lo: boe" mung: labug gyevo qere dam: khe' tug' pye' nae" qam: o: re qo" yu mo, ngaid: ako". –35 Lam jang" myid khyo" yang myiqe: qere: shid: byaug va" zo: dau qe kao dam: daui: li" rure qo" khae: yu: ako". Getau damyo" wa loe; beim nae" khyo re makhae: yu lo: ha: pye' gemung: kyam: lhaung" yhin" ru36 qhug' yang: shid: lo" veko". – Da myo" wa taui" zhaung: to: mung: khang: nhau: be, khyaid' , Kyam: mae lhaung" ru , laug baui:37 yang pye' ru qhug' ako". – Da qhae: wa lang byid sa: sheim , adau atam" phyid' pye' ru , yao: bam yham yo re: maqo", mai bau: xug' khye' re: maqo" mung: caid' qid , yao38 qid za: ve; ako". – Ce: myid gye, wa yao: bam we' ma main: qi" ngaid: ra". Yao: bam seyo segae: mae,laug aug' khug mae , myid dung: khung: khain mae cao" qho: phao: na: qin" ako".39 Cebam alhab' mo, wa lam jang" myid: yang jeju qo" caung: qere: yao: bam wa Mo"so byid' to" ra" dao:so: we' jeju re40 maqhug' khae: yu ko" ngaid: ra". – Khoru: ga" re yao: bam wa nyhao: nhaung" mabo bo qere dang byang" jao: joe" genae" mangaid: Mo"so wa nyhao:nhaung" tau: je: gai je: jab byang" ra" jo, qo re vai: to: byid' ra".