1 Israel amyu" qe we" tae" gyo" yu ge, nao tho' je: qi: qhang mung: qam: je: bo: ra" amyu" re re: mug: gaung myhi sho' vo kham" kyae" lhang" to" ra" vomo" jham re2 re: , – Anakim: amyu" qhid' kheim: mae khoyaug qo" ye; na genae" ga" ra" dao: re nao the' gyo: mung: nao ba: ra" Anakim: amyu" ga" ra" gyai qi: qhang: ra" amyu" re re: khe' thug' nae" tau: ana" Yodain: gyaung: thoe te' khyo gau" de, veko". –3 Amung: ni" Mo"so wa ni" qhid' au: mae de; na: ra" myi: re" ru: khyo thang" thin: ye" lo"na: ru ba: to: wa, yao: bam re ni" qhid' kheim: mae phyo' sin" pye' yang: deim" khyo" pye' li" nae". Mo"so nao re mho: ru we' dakhyo: nao yao: bam re khe' thug' mung: phyaid phyaid phyo' qheim" pye' ca"4 nae". – Ni" Mo"so wa yao: bam re ni" qhid' kheim: mae" khe' thug' pye' thao mae nao wa ngo din: main" ra" mathao mae Mo"so wa ai: mang: din" khyo vhao" mung: sang: yu nhao va" ein: nhag' khug mae magai: bo nae". Ai: byumyu" qe: makhyang: ko" ra" mathao mae Mo"so wa yao: bam re nga" qhid' kheim: mae" khe' thug' pye' ru ngaid: ra" ein: nhag' myid khug mae beim:5 so: wa, . – Nao zaui: so" ra" so' ha" khyo" yang re:, din: main" ra" khyo" yang re: ai: mang: re lo" vao: sang nae" mangaid: . Mo"so wa ni" pho" Abraham , Isag', Yaku' bam re dang: to" ra" dao: thang" re zhaug' tang nae" tau: ni" Mo"so AsAng wa yao: bam re ni" qhid' kheim: mae" khe' thug' sin" pye' va".6 Ai ru: mung: ni" Mo"so wa ni" din: main" ra" mathao: yang ai: gai lho" ra" mug: myid re byid' ru mangaid: . Nao wa au: qao:7 ra" amyu" ngaid: ra". – Nao wa ni" Mo"so re seyo segae: mae khoru: zai" yho" lo: ru re dato" myhid', abeim: so" na wa, Egutu mae" thug' lo: ra" ba mae" mung: ce: jo, qo mae joe" sho' Mo"so re tau: lhain: va"8 ra". – Horeb bam mae Mo"so re nhag' zai" yho: yang: nao re phyo' qheim" pye' nae"9 qhi" nhag' yo" ava". – Mo"so wa naon- haung" we' to" ra" dao: thang" tung" to" ra" laug pye: re khae: yu nae" tau: bam dao khyo ngo do, lo" mung: byid xe myi byid xe ba lam: lam: zo mazo: qid mashaug'10 lo: bam dao mae lo" na: na: va". – Naon- haung" ham phaung ko" ra" ne, bam dao mae myi: khug mae" ta" ra" dao: alhab' geim" re Mo"so yao" lo, nyhug' yang yao: tung" ra" laug the: shid' the: Mo"so ngo11 re qhaug' byid: va". – Ba na byid xe lo" byang" ra" au: ai: dao: thang" laug the: shid' pye: Mo"so ngo re byid: mung: , –12 Mo"so wa ngo re to" wa, phyaid gyo" lo" se, . Egutu mae" nao jhui" thug' lo: ra" ni" byu jham wa phaug' lhain" lo" veko" ra". Ngo ta" to" ra" gau: khyo mae" yao: bam phyaid ga: nghung" lo" mung: sheim" ra"13 alho kaid' veko" ra" ga: mho: ra". – Mo"so ngo re dam: mho: ru wa , Ngo ce: amyu" re ba: qu" va" , au: qao: ra" amyu" ngaid14 ko" ra". – Ai ru: mung: Ngo yao: bam re phyo' qheim" pye' mung: yao: bam: mang re mug: gaung: agyid' mae" qab: pye' nae". Nao re kam" wa yao: bam tho' qam: qi: mung: myo: laug nhao nae" ga: ngo re15 mho: va". – Alao" ngo wa laug the: shid' pye: re ci yang: lhang: phaug' mung: myi: nga" na: ra" bam dao mae" gyo" lo va". –16 Alao" ngo qu" ke' re naonhaung" wa naon- haung" Mo"so AsAng re zai" shaid' mung: nung: jaung nau" alho re kaid' ko" ru: yang Mo"so ta"to" ra" gau: khyo mae" phyaid za: nghung: veko" khyo re ngo the' myao: ke'17 au: , – shid' lo, we' zaui" zag: ci: ra" laug the: shid' pye: re naonhaung" qhid' kheim:18 mae be; kho' sin" pye' va". – Mo"so: qhid' kheim: mae naonhaung" mangaid makhung" kaid' mung: nhag' zai" yho: ko" ra" qobo alhab' mathao mae sao qhid' re" ru: ba na byid xe byang" sho' Mo"so: qhid' kheim: mae goe; gam" mung: zo19 mazo: qid mashaug' lona: na va". – Khoru: ga" re Mo"so naonhaung" re hin hin nai: mhain" pye' nae" re ngo gyaug: ra". Ngaid qere: Mo"so wa nga" dao: re dam: tae" gyo:20 byid: va". – Arun: re re: phyo' qheim" pye' nae" ga: Mo"so nhag' yo" na: ra" mathao Arun" tau: mae re: ai: ba ngo mho' bain:21 byid: va". – Naonhaung" qobo ngaid: ra" nung: jaung nau" alho re yu mung: phaid' yhug' qang" pye' mung: aphaui: boe" sho' be; khyoe' mhain" bin lao" bam mae" yug: gyo" lo: ra" qid zo: gyaung: mae pye' zaui: myhung: pye' va".22 Ai we' dakhyo: Tabera' Ma Sa: , Kebrud'- hadtava: jo, qo jham mae re: naonhaung" Mo"so re nhag' yo: nae" khyo:23 kaid' veko" ra". – Kadeshaba:nan:: jo, qo mae re: Mo"so wa do, lo" mung: ngo byid' ra" mang: re lo" sang: yu ge, ein: nhao: ra" au: naonhaung" wa Mo"so: mho dao: re ngag: pye' veko". AsAng re malam" , dao:24 re makhae: yu lo na veko". – Ngo naon- haung" re myao: ra" ba mae" naonhaung" ngo re tug' shai" tau: lhain" na veko" ra".25 Ai re" ru: naonhaung" re Mo"so phyo' sin" qheim" ga: Mo"so ta" ra" mathao mae ngo wa qhid' phyao: re" ru: goe; gam" ru we' dakhyo: byid xe myi byid xe ba goe;26 gam" yang: na: to: va". – Mo"so re re: AsAng we" kheim: so' phung bao: yang: khyin: yu mung: qam: mo" bo: ra" lo; yang Egutu mang: mae" jhui" thug' lo: ra" AsAng: jo, nho" ngaid: ra" ce: byumyu" jham re27 daphyo' qheim" pye'. – AsAng: jeim Abra- ham , Isag' , Yaku' bam re myid: beim: so: byid: la, ce: byumyu" qe wa au: qao: ra" nhag' myid bo mo, ngaid mung: zai" shaid' lo" veko" qobo jham re da xam: byid: la, . –28 Ai ru: mangaid: re , ngonhaung" re jhui" lo: ru the' gyo: mo, re: , Mo"so wa yao" dao: thang" to" ra" mang: khyo yao: bam re maqo" jhui" nhao: ra" mathao mae re: , yao: bam re manug yang: re: seyo segae: khain mae se' jheim" pye' nae" ga: ajhui" pyaung" lo nhaung ga: ta" pye' li" genae". –29 Ce: byu jham wa amo" laha: phung bao we' lo, lam: re qang: ke' yang: jhui" lo: ra" AsAng: khyao kham khyao khae: byu jham ngaid ko" ra" ein: ngo wa jhaung: mho' bain: va".