1 Ai ru: mung: nao wa ni" Mo"so re jhid' de, ca" nae". Cao" khyao jin kham khang" to" ra" khang" dao: jham re cao" pyang" ye"2 lo" ca" nae". – Ni" Mo"so mho" shid' ra" ru re: phung bao kheim: so' re re: qam: mo"3 bo: ra" lo, lam: re re: , – yao" mug' pho" ve, lho jham: yang Egutu mang: mae Egutu jhaung zug: Pharaoh we' mang: byu qe re4 kaid' qhu" ra" mau" re re: , – Egutu mang: mae" gye phung: mo, thaui: ngaid: ra" myao: jui: sulhe: myao: lhin" jham re kaid' ra" mau" re re: , naonhaung" re cao" khe' ko" ra" mo, re qid ne dae deim" nhab' nhao mung: ana" ba joe" sho' phyo' qheim" pye'5 ra" akhyo re re: , – ce: jo, qo khyo majoe" shi: re seyo segae: mae lae" lhang: na: qin" yo, mae naonhaung" re kaid' ra" mau" zo"6 jham re re: , – Rubin: kaung mae" Eliaba' yao: zo: Dathain: we' Abiram: kaid' ra" mau" re re: , myid gaung go; gyae: nhaid' ho" li" mung: yao: bam we' yham byu ma" ho' seim zaung jham: mae jo, qo" ko" ra" jo, nho" jham re Israel zo: myid: qe: agaung: mae" myug: pye' ru re mamyao maba: ra" naonhaung" zo: dau qe re ngo mata" nug.7 Naonhaung" yao: xam: ge, . – Mo"so kaid' lo: ra" mau" aqi: angai jham re naonhaung" yao: myao: lo veko".8 Ai ru: mung: nao vao: sang nae" mang: re qam: zang o: mo" ke' mung: vao: sang:9 yu nae" we' , – Mo"so naonhaung" phug' qe mae yao: bam we' yao: bam: amyu" zo: qe re byid: nae" ga: dao: thang" to" ra" mang: nung: nug' we' byo: yhid yug: ra" mang: mae naonhaung" kao qhang myo, myi: nae" tau: ana" ba ngo pin: kyo" to" ra" khang" dao: jham re cao" pyang" ca"10 genae". – Naonhaung" lo" vao: sang: yu nae" mang: wa naonhaung" thug' lo: ra" Egutu mang: we' dau: ru mangaid: , yo kaid' re" ru: qho vo: shi: sin: mung: khyid: yang qid sheim: byid: ca" ra" mang: din"11 mangaid: . – Naonhaung" lo" sang nae" mang: wa bug gaung lao: khaung: myo" ra"12 mug: qid qo" shaug' ra" mang: , – naon- haung" AsAng wa ai: mang: re nyhang" shaung mung: zin gyam xaung: khe' qu" gam: na: ra" mang: ngaid: ra".13 Naonhaung" AsAng Mo"so re nhag' myid lam: maug jhid' de, mung: mau" re vin vo, nae" akhyo ana" ba ngo ta" pin: ra" khang" dao: jham re gelho: za: tae" gyo"14 cao" ko" ngaid: re , – naonhaung" gaug zo maui: lam: sabyi' qang: xau jham qo" jham" yu nae" yo, gin joe" zin vao mug: mae" ru la jham: mug: ga" ru naonhaung" we' tin" ra" mang: mae ngo mug: qu qid byid:15 nae". – Ni" gug' nyhug' jham: tau: din" yo mae mhin: zo: laung la yaug: taid' nhao mung: nao gyi: gyi: baug baug qhug' zo" li"16 nae". – Ngaid qere: naonhaung" mamyid: shaid' lo: getau: mo"so jham re magoe; pa" nae" tau: yao: yao" gaung re lha" na ge, . –17 Ai ru: mangaid: re Mo"so nhag' yo: mung: ni" mug: myid mae qhovo: qho shi: maqo" yaug nae" khyo: mug: maqu: khyo" byid: lo: mug: re tam" pye' li" nae". Alao" Mo"so byid' ra" gai: thao" ra" mang: mae" naon- haung" phyaid xoe, na: thao" na: gain: lo" li" genae".18 Ai ru: mung: nga" dao: kheim: ceru re ni" aung khug: nhag' myid mae ke' to: mung: naonhaung" lo, mae ve, lho sagso: boe" nae" tau: mae re: ni" myo, jid' agyo: mae so: xam: ce' ru: taui" lhao" ci ca"19 genae". – Ai: dao: kheim: jham re yham mae zaung: jo, qe re: , su" lhau: au: re: , yab: au: to" au: ngaid qere: dao: ce re ta" na ca" nae". Zo: dau qe re re: mho" shid' ta"20 kyo:ca" genae". – Yham kham: dung: , vo kham" kham: dung: jham mae re: tung" te'21 to: ca" nae". – Ai re" ru: ngaid ko" re naon- haung" phug' pho" qe re byid: nae" ga: dao: so: to" ra" mang: mae nao we' ni" zo: myid: qe: suna ban: wa mug: myid: dao mae mug: gaung za: agang" tang: jo, jo, wa na:22 qi: na: qhang genae". – Naonhaung" wa naonhaung" Mo"so re jhid' de, yang: yao" gau: khyo re cao" mung: yao: mae khug ngha malam: lai: nae" khyo: ngo pin: to: va" khang" dao: jham re lha" zo" re" cao"23 ko" re wa , – naonhaung" Mo"so wa ce: byumyu" alhab' geim" re naonhaung" qhid' kheim: mae" khe' thug' pye' mung: naon- haung" tho' qam: qi: mung: myo: laug: ra" amyu" qe re qo" ug gam: yu genae" ngaid:24 ra". – Naonhaung" qo" the' zab: nao" ra" gu: alhab' qo" sang yang: seyo yo qao" mae" Lebanon: bam joe" , Uphared' qid gyaung: mae" ru qid dae mo" joe"sho' re: , naon-25 haung" mug: myid boe" genae". – Khag' re: naonhaung" qhid' kheim: mae qo" thang" qhao" ye, genae" mangaid: . Naon- haung" the' joe" nao" zab: ra" jo, qo mae na: ra" mo, alhab' geim" wa naonhaung" re qu" din: gyaug genae" khyo: naonhaung" Mo"so wa dao: so: jo; ru we' dakhyo: kaid' li" naeva".26 Qu" wa, ana" ba jeju min we' nhang: kheim: ce shid' lam: re naonhaung" qhid'27 mae ngo to" to: va". – Ana" ba ngo naon- haung" re ta" kyo" ra" naonhaung" Mo"so: khang" dao: jham re tae" gyo: ko" ngaid: re kam" wa min qo" nae" khyo ngaid:28 ra". – Naonhaung" Mo"so: khang" dao: re re: matae" gyo: , ana" ne, ngo pin: to" ra" gau: khyo re jao" pye' yang: mamyao maba: ra" mo"so mae khug ngha: lo" ko" re kam" wa nhang: kheim: re ngo to" to:29 va". – Naonhaung" lo" vao: sang: yu nae" mang: khyo naonhaung" Mo"so wa jhui" vhao" bin lao" min jhaung: re Gerizim: bam dao mae nhang: kheim: re bam dao30 mae byid' to: nae" ngaid: ra". – Ai: bam shid' lam: wa Yodain: gyaung: thoe te' ba vao shaid' Khanain: byumyu" na jao: ga" ra" More: shiqae pau: anhae Giligala' jao: gyu" we' tin" ra" jao: mae jo; ra" mangaid: i"? –31 Naonhaung" Mo"so byid' to" ra" mang: re vao: sang nae" tau: mae Yodain: gyaung: thoe te' khyo gau" lo" mung: ai: mang"32 mug: myid re vao: sang: na ge, . – Ana" ba ngo pin: to" ra" cao" khyao jin kham jham re naonhaung" cao" pyang" na: ye" lo" ca" genae".