1 Mo"so ngo re dalhang: dam: mho: ru we' dakhyo: ngonhaung" wa lhang: tug' mung: qid ne tham: gau: khyo" cao" lo" mung: Sira' bam re myao" sho' su" lhang:2 gam" qin" veko". – Alao" Mo"so ngo re mho: ru wa ce: bam re naonhaung" su"3 lhang: gam" qin" ko". – Qid meim shaid'4 gau: khyo do, lo" gese, . – Amyu" zo: qe re ceru: ein: ta" kyo: wa, Sira' bam dao mae na ko" ra" ni" mao: ni" nhaung: Eso" zo: myid: qe: mug: kyo: gau: khyo" naon- haung" lai: lo" gezai ngaid mung: yao: bam gyaug genae" ai: mathao mae naonhaung"5 lha"ge, . – Yao: bam re daye: zao" tin: ge, yao: bam: mug: myid re naonhaung" re maqo" gae byid: ,khyid khu dakhu lao" ngo mabyid:, Sira' bam re Eso" amyu" re ngo6 sang nhao: to: va". – Naonhaung" wa zo: pho: zao: kho re re: shaug' qid re re: ngaui:7 yang vai zo: vai shaug' ca" genae". – Mo"so wa khyo khe' gau: khao: ngo" mae naon- haung" re min jhaung: byid' ava". Ce: seyo yo qao" no, qaid mae su" lhang: yam: qin" ko" ru re ba: ava". Byid xe zin lam: lam: Mo"so naonhaung" we' daga" na mung: naonhaung" mae pe" ca" qo mabo lo: ko"8 ein: ta" kyo: va". – Ai re" ru: Sira' mang: mae na ko" ra" ngonhaung" mao: nhaung: Eso" zo: myid: qe: anhae khyo" ngon- haung" su" lai: lo" mung: Elaid' , Ezion: , Geba: vo mae" dam: lo" ru jao: gyu" cao" lo" mung: dam: lhang: lo yang: Mo"ba' seyo: gau: khyo" lo" bam va".9 Alao" Mo"so wa Mo"ba' mang: byu jham re daye: zao" tin: ge, gye dashe ge, ai:ra" mang: re naonhaung" re Ngo mabyid: , Lod' amyu" zo: qe re sang nhao:10 pye' va" ga: ngo re mho va". – Geco' ne, mae Anakin: byumyu" ru" ru khyao myhao qaid qi: qhang myo: laug: ra" Emim: amyu"11 qe ai: mang: mae na genhaung. – Ai jham wa Anakim: amyu" ru" ru ngaid mung: yao: bam re byu ze lavao: ja: jho yang: Mo"ba' amyu" qe wa Emim: ga: mho ko"12 ra". – Geco' ne, Sira' mang: mae Hori' amyu" jham na genhaung. Ai jham re Eso" amyu" zo: qe khe' se' jheim" pye' mung: yao: bam: jo, qo mae na ko" ra". Ai re" ru: Mo"so byid' ra" mang: re Israel zo: myid:13 qe kaid' ko" ra". – Ana" to" su" lo" mung: Zered' gyaung: gau" de; lo" ga: mho: ru we' dakhyo: naonhaung" Zered' gyaung:14 re gau" de, veko". – Kadeshaba:nan: mae sao qhid' joe" ra" ayo, mae" ru Zered' lao: khaung: gau" de; lo" ra" ayo, joe" re sam xe: she' zin myao" ra". Mo"so nhang: kheim: ke' to" ru we' dakhyo: gye khe' lai: lo: ra" mo, volo mo, phaung khug mae" shid:15 gain: byaug veko". – Ai: byu jham volo mo, phaung khug mae" shid: gain geshao: ga: Mo"so: lo; yang lao" zhang: to" ra".16 Gye khe' su lhe: alhab' wa byu mo, zhain khug mae" byaug: gain: thao mae17 she , – AsAng Mo"so ngo re mho: ru wa , –18 Mo"ba' mang: Ara' agaung: khyo" ana" ba19 su" ye" lo" ca" nae". – Amon: byu"myu" anhae mae joe" lo" au: yao: bam re daye: the' zao" thaung: , Amon: byumyu" qe na: ra" mang: re nao magai: sang , ai: mang: re Lod' amyu" zo: qe re Ngo byid' pye' va"20 ga: ngo re mho: kyo: va". – Ai: mang: re: byu ze lavao: jham: jo, qo ga: byu myo: sho' mo, jho ko" ra". Geco' ne, ai ru" byu jham na genhaung. Yao: bam re Amon: amyu" qe wa Zamzumim: ga: mhang" ko"21 ra". – Ai: byumyu" qe wa Anakim: amyu" re" ru: gyai qi: gyai qhang myo: laug: ra"22 byu qe ngaid ko" ra". – Ngaid qere: Sira' mang: mae na: ra" Eso" amyu" zo: qe: qhid' kheim: mae" Hori' byu qere Mo"so phyo' se' sin" pye' yang: yao: bam: jo, qo mae Eso" amyu" zo: qe ana" ba joe" sho' na: bam ko" ru we' dakhyo: Amon: byumyu" qe: qhid' kheim: mae" Zamzumim: byu qe re se' sham" khyo" pye' yang: yao: bam: na jao: mae Amon: byumyu" qe na ko" ru23 ngaid: ra". – Ai we' dakhyo: Hazerim: vo mae" Aza: vo joe" sho' na: qu" va" Avin: byu qe re Kadthora' mang: mae" lo: ra" Kadthorim: byumyu" jham re phyo' sin" pye' mung: yao: bam: jo, qo mae na: bam24 ko" ra". – Naonhaung" to" mung: xo' su" lo" yang: Anon: qid gyaung: gau" de; lo" ge, Amori' byumyu" Heshabung: jhaung zug: Shihung: we' yao" mug: myid re nao re qhaug' va" mathao mae ai: mang: re sang: qhid nae" tau: yao: re mang: ye: khaid'25 ge, . – Mug: gaung: agyid' mae na: ra" byumyu" cao jab wa ana" ba nao re gyaug: din: qhid genae" khyo: Ngo kaid' qhu" nae". Naonhaung" lau dao: re the' gyo: mung: gyaug: nin" gaung yug sho: byo; ru qhug' geshao: ga: mho: ra".26 Ngo re: Kedamug' seyo: din" mae" mung: Heshabung: jhaung zug: Shihung:27 jhao" logyo: nhao yang: . – Jhaung zug: pho" mang: gaung: khyo" ngo re lai: phyid' lo" nhao la, hau" mo" khyo khyo" za: cao" mung: lo, kaung: lo, yo khyo thaung"28 mavao nae". – Sira' mang: mae na: ra" Eso" amyu" zo: qe , Ara' mang: mae" Mo"ba' amyu" zo: qe ngo kaid' bao" ko" ru ru: ngo zo: nae" zo: pho: re re: , shaug' nae" qid re re: jhaung zug: wa ngaui kye' we' aung: byid: la, .29 Ngonhaung" khyid: yang za: zab: su" lai: lo" nae" akhang" byid: la, ga: dao: lho"30 we' mho' vhao" ko" qere: , – ngonhaung" su" lai: phyid' lo" nae" tau: Heshabung: jhaung zug: akhang" mabyid: , khoru: ga" re ana" ba myao: na: ru we' dakhyo: naonhaung" AsAng Mo"so wa ai: jhaung zug: re naonhaung" lo, mae qhaug' byid: nae" tau: makhyang" ra" nhag' myid we' nhag' lam: qao: ru yao: mae ke' to: byid'31 ra". – Mo"so wa Shihung: we' yao" mug: myid nao re Ngo byid' qhid va". Ai: mug: myid re sang: yu nae" qhid: lo" se, ga: ngo32 re mho va". – Alao" Shihung: wa yao" byu jham alhab' we' daga" Yahaid' vomo" mae ngonhaung" re lham: khaid' nae" thug' li"33 ra". – Ngonhaung" AsAng Mo"so wa ai: jhaung zug: re ngonhaung" lo, mae qhaug' va" ru mung: yao: mae" da du zo: dau qe mang: byu alhab' re ngonhaung" se' pye'34 bam va". – Ai: au: mae yao" vogaung: jo; gu: re khe' khyaid' lhaid' yu mung: yaug gai myiqe: zoshao jham dayaug re: madang lo: shao" pyaid' sho' phyo' qheim"35 se' pye' bam va". – Gug' nyhug' jham we' vogaung: jham mae" zai gyo" jham re ngonhaung" yao" tau: sham" yu: bam36 va". – Anon: qid gyaung: nhae mae jo; ra" Aro: vo mae" ru Gilaid' vo joe" sho' qid yae cao" yang: jo; ra" vo: gu mae ngon- haung" maqo" qab: yu: ra" vogaung: davo re: majo, lo: . Ngonhaung" AsAng Mo"so wa na mae: na jo, mae: jo, re ngonhaung"37 lo, mae qhaug' byid: va" ra". – Ngaid qere: Amon: byumyu" qe: mug: myid Yabug' qid gyaung: lhang" gam: we' bam dao mae" vogaung: jham re ngonhaung" AsAng Mo"so tam" to: nhao: ra" gu: re kam" wa nao maye: zao" thaung: ngaid: ra".