1 Ai: ayo, mae Mo"so wa sao qhid' mae" laug pye: ru" ru laug pye: shid' pye: kho' nyhang" wa, . Amung: bam khyo ci: do, lo2 wa, sag' bain" re re: kaid' wa, . – Nao pye' khyoe' kho' pye' ra" laug pye: mae de; ru we' dakhyo: ai: laug pye: dao mae tung" byid: shi: nae". Ai: laug pye: re bain" mae3 ke' to: wa, ga: ngo re mho va". – Ngo re: jam no; sag' khao" yang bain" kaid' mung: sao qhid' lhang mae" laug pye: re" ru: ai: laug pye: kho' mung: ai: laug pye: shid' lam: re ci mung: bam dao khyo do, lo"4 va". – Naonhaung" ham phaung ko" ra" ba mae Mo"so wa bam dao myi: khug mae" ta" ra" khang" tarha" daxe re sao qhid' lhang mae tung" ru we' dakhyo: Mo"so wa5 tung" mung: nga" lo, mae byid: va". – Ngo re: lhang: phaug' mung: bam dao mae" gyo" lo yang: kaid' to" ra" bain" khug mae ai: laug pye: re ke' mung: Mo"so ta" ru we'6 dakhyo: ai: bain" mae bo: jo; ra". – Ngo wa bam dao mae sao qhid' lhang re" ru: byid xe ba lam: lam: dam: na mung: ai: au: naon- haung" re maphyo' qheim" nae" tau: nga"7 dao: re Mo"so gyo: byid: va". – Mo"so re: to" wa, ce: amyu" re byid: nae" yao: bam: phug' pho" dao: dang: to" ra" mang: re vao: sang: yu vegeshao: yao: bam: qhid' mae8 su: wa, ga: ngo re mho va". – Israel amyu" zo: qe wa Mosera' joe" sho' su" lo" mung:9 Binyakain: jo, qo mae thang ko" ra". – Ai mae" dam: to" su: mung: Hara'gid' gaid' jo, qo mae thang ko" ra". Ai mae" dam: to" su: mung: qid zo: gyaung: myo" yug: ra" Yubada: jo, qo mae thang ko"ra". Ai: jo, qo mae" dam: to" su: mung: Ebyo"na' mae thang ko" ra". Ai mae" ru Zeyung: Gaba: mae thang ko" ra". Ai mae" to" mung: Zina' seyo: din" Kadesha: mae thang ko" ra". Ai mae" ru Hora' bam mae thang ko" ra". Ai: jo, qo mae Arun: shid mung: shaung: nyhab' ko" ra". Yao: zo: Eliaza wa yao: pho" khu mae khin jaung mau" xo' zaui:10 va". – Levi amyu" zo: qe wa Mo"so: sagso: bain" re vo, nae" re: , AsAng: qhid' kheim: mau" vin vo, nae" re: , kheim: so' we' min qo" yu genae" re: , ana" ne, joe" sho' yao:11 bam re qo vhin: to: va". – Ai ru: mung: Levi amyu" zo: qe wa yao" mao: nhaung: qe re" ru: mug: myid gae bam maqo" sang genae". Ni" Mo"so AsAng: dao: so: jo; ru we' dakhyo: Mo"so wa yao: bam Ma ngaid: ava".12 Israel amyu" zo: qe we", ni" Mo"so re gyaug phug' mung: yao" gau: khyo cao" ru: ni" Mo"so re gaung khyao nhag' myid alhab' yang jhid' kao mung: mau" re vin vo;13 ru , – nao na: gai nae" tau: ana" ne, ngo ta" kyo" ra" ni" Mo"so: khang" dao: re cao" pyang" ru mae" jain" yang: ni" Mo"so wa pe" ja" mau" zo" re vin nhao shi" ra" i"? –14 Mug: gaung we' mug: nyug la sung" mae re: myid gaung we' myid gaung mae jo; ra" jham alhab' re re: ni" Mo"so sang: ci: ra". –15 Mo"so wa ni" phug' kai: jham re jhid' de, mung: ana" ne, re" ru: yao: bam: akaung anyaug qe ga" ra" nao re byumyu" cao jab16 alhab' khug mae" khyin: yu: ava". – Ai ru: mung: ni" nhag' myid nyaug phyid' wa,17 thao phyao: au: da qao lo: . – Khoru: ga" re ni" Mo"so AsAng wa Mo"so qe: Mo"so ngaid: ra". Ni" AsAng qi" thao" ra" Mo"so , kheim: so' phung bao byang" jab mung: gyaug pho" ra" Mo"so , yao: wa myo, nho nga: lao: makhyin khug vag: mayu zo:18 lo: , – cug' mo" cug' zo: qe: thao de, yang: dao: phyid' mung: su lae" bang" vo qe jhid' mung: zo: shaug' we' ve, mai bau: byid:19 yaug ngaid: ra". – Ai ru: mung: bang" vo qe re jhid' kao ge, khoru: ein: re naonhaung" wa Egutu mang: mae bang" vo ru: boe" qu"20 veko". – Ni" Mo"so re gyaug phug' na wa, yao" mau" vin vo, wa, yao: mae khug ngha mung: yao" mang khyao: lao: yang: jham21 tang: ca" nae". – Mo"so wa ni" myo, nho nga: lao: , ni" Mo"so AsAng ngaid: ra". Ni" tau: mae qu" gyaug pho" ra" mau" zo" jham re ni" myo, qhao: tae mae zaui" kaid' qhu"22 va". – Ni" phug' pho" qe ga" ra" byu lam: nhaid' xe yaug za: Egutu mang: khyo gyo" li" ko" ra". Ana" kam" wa ni" Mo"so AsAng wa mug: gaung mae" kyi nho" nao re na: je: na: myo: nhao va" ra".