1 Mug: myid cegye, mae naonhaung" daui: na: ra" dalo: gyo: mae sang zo" na nae" tau: ni" phug' pho" qe: Mo"so byid' to" ra" mang: din" mae naonhaung" cao" ci: na nae" cao" khyao jin kham we' dao: phyid'2 nae" tarha" jham wa , – naonhaung" khe' thug' pye' nae" amyu" qe wa bam zo: bam zang dao nyug lao qam" ra" sag' gae vo bao qao: mae yao: bam: mo"so re goe; pa" jao: mae jo; ra" gu: re phyo' sin" pye' ca"3 nae". – Yao: bam: xeim: ngaui" phain re phyo' pye' ca". sulho jham re phyo' khyo" ca". Yao: bam: Ashera alho jham re myi: ngha" pye' ca". Co' kyaung" ra" gyoe lho jham re thau: lhang" pye' ca" nae". Ai: jo, qo mae ai: mo"so qe: mang re re: sham"4 lhaui" pye' ca" genae". – Yao: bam kaid' ra" khyo: cao" mung: naonhaung" Mo"so5 AsAng re magai: kaid' lo: za: , – naon- haung" AsAng Mo"so wa naonhaung" amyu" geim" mae yao" mang khyao: na: na nae" tau: mae khyin: nyhang" to" ra" jo, qo ga: yao: li" khug ngha nae" jo, qo qho6 mung: nyhang" de" to: ca" genae". – Ai: jo, qo khyo myi: phaid' ngaui" xeim: ru" jham; daxe bam dabam jhaung qhu" , vo; lhaui: ngaui" xeim: jhaung qhu" , dao: so: we' tin" ra" jhaung qhu" mae" ru , yao , nung: jaung , au: khaui: qhid' yao nau" ,7 nung: nau" jham re ci: li" ca" genae". – Ai: jo, qo mae naonhaung" Mo"so AsAng: qhid' kheim: mae zo: shaug' mung: naonhaung" zaui: so" ra" khyo khe' gau: khao: ngo" mae Mo"so min byid: mung: nao yao: we' yham byu ma" ho' ngaui bau: ngaui lho"8 taung" na genae" ngaid: ra". – Ana" ne, cemae kaid' ru we' dakhyo: ai: jo, qo mae yao: yaug yao: o ngaui: khyo: gai: kaid' nae"9 mangaid: . – Ana" au: naonhaung" Mo"so byid' ra" yaug yo: khug khyo naonhaung"10 maqo" vao: joe" shi: ko". – Naonhaung" wa Yodain: gyaung: gau" de, mung: naon- haung" khae: yu nae" mug: myid Ma Mo"so byid' ra" mang: mae na: lo" ko" au: avai: ayae gye vo: lo, mae" naonhaung" re khyi:11 yu mung: yaug yo za: qo" na gelao", – yao" mang khyao: jo; tang: na nae" naonhaung" Mo"so khyin: yu: ra" jo, qo jo, ca" nae". Ai: jo, qo khyo ngo mho: to" ru we' dakhyo: myi: phaid' ngaui" xeim: , xe bam dabam jhaung qhu" , vo; lhaui: xeim: jhaung qhu" Mo"so re dao: so: jo; ru we' dakhyo: phug' de; ra" jhaung qhu" jham re ci: li"12 ca" genae". – Ai: ba na mae nao yao: mae" qhid mung: zo: dau qe jeim pho" , jeim myhi" qe yao: yao" tau: Ma maqo" mung: naonhaung" mae khug ngha: na: ra" Levi zo: qe re: naonhaung" Mo"so: qhid' kheim: mae ngaui bau: ngaui lho" zai ngaid ko"13 ra". – Thaung" qhug' ra" jo, qo khyi" khao: ngo" mae ni" myi: phaid' ngaui" xeim: re14 macaung da" nae" lha" wa, . – Naonhaung" amyu" damyu" mae Mo"so khyin: nyhang" to" ra" jo, qo mae phaid' ngaui" xeim: re caung da" mung: ngo pin: to: va" gu: alhab" geim" re kaid' cao" ca" genae".15 Ngaid qere: ni" Mo"so min jhaung: byid' ru we' dakhyo: ni" na jao: khyi" khao: ngo" mae zo: nug: ra" ru mae cao" yang: gai: se' zo: nae" akhang" qo" ra". La cid layo: sho: re zo" ru ru: shao lho" mo, mashao lho" mo, daga" gai: zo: genae"16 ngaid: ra". – Ngaid qere: sa: re magai: zo: nae". Qid vhe' khyo"re" ru: myid gaung17 dao mae vhe' khyo" pye' ca" nae". – Ni" gaug zo sabyi' qang: , xau , daxe bam mae" dabam caung da" ru , yao , nung: jaung jham: , au: khaui: qhid' yao nau" , nung: nau" , dao: so: tin" ra" jhaung qhu" ,vo; lhaui: caung da" jhaung qhu" daja: re re: yao: yao" na jo, qo mae nao gai: zo: nae"18 mangaid: . – Ni" Mo"so AsAng khyin: to" ra" jo, qo mae nao yao: we' ni" zo: dau qe ni" jeim myhi" jeim pho" qe we' nao mae khug ngha: na: Levi byu re: ni" Mo"so: qhid' kheim: mae gai: zo: nae" ngaid mung: nao kaid' ra" ja: khao: ngo" mae ni" Mo"so: qhid' kheim: ngaui bau: ngaui lho" ru kaid'19 ca" genae". – Mug: myid: dao mae nao kao daui: na: ra" dalo: gyo: mae Levi byu qe re magai: to" myhid' nae" ru re lha" na wa, .20 Ni" Mo"so nao re mho: to" va" ru we' dakhyo: ni" mug: myid ce" lae byid' lo: ra" au: nao sho: zo: nug: au: nung: sho: re ngo zo: nae" ga: myid: re , zo: nug: ra" au:21 gai: zo" ra" akhang" jo; ra". – Ni" Mo"so wa yao" mang khyao: tang: na jao: khyin: to" ra" jo, qo ni" na jao: we' saung" va" ru ngaid: re Mo"so nao re byid' ra" nung: , yao re ngo mho: to" ru we' dakhyo: se' mung: ni" na jao: mae zo: shaug' nug: au: gai: zo:22 nae" akhang" jo; ra". – La cid layo: sho: jham re zo" ru re" ru: mashao lho" mo, shao lho" mo, daga" zam" zaung mung: zo:23 shaug' nae" akhang" qo" genae". – Ngaid qere: sa: re mabo: zo: nae" lha" wa, kao wa sa: mae bo: ra". Sho: we' daga" kao24 re magai: zo: genae". – Ai ru: mung: sa: magai: zo: , qid vhe' khyo" ru re" ru: myid25 gaung mae vhe' khyo" pye' wa, . – Nao wa Mo"so o ngaui: ra" mau" re kaid' ru: yang nao yao: mae" qhid mung: ni" zo: myid: qe yaug yo taung" na gai geshao: sa:26 re magai: bozo: nae" lha" wa, . – Nao mae shao lho" ra" caung da" jhaung qhu" , dao: so: khyo" caung da" ra" jhaung qhu" jham re yu: ci mung: Mo"so nyhang" khyin: to"27 ra" jo, qo khyo ye: ca" nae". – Ni" phaid' ngaui" xeim: re sho: we' sa: qhain: mung: ni" Mo"so: xeim: phain mae caung da" ca" nae". Xeim: dau: mae" sa: re Mo"so: phain mae vhe' sheim: mung: sho: re zo: zai28 ngaid nae". – Ni" Mo"so o ngaui: ra" dang main: mau" re zaui: so: yang: nao yao: we' ni" zo: myid: qe apyaid ato na gai vegeshao: ngo nao re khang" to" ra" dao: kheim: jham re cao" pyang" na wa, .29 Nao lo" vao: sang nae" mang: mae na ko" ra" byumyu" jham re ni" Mo"so wa ni" qhid' kheim: mae" sham" lhaui" khyo" pye' yang: yao: bam: jo, qo mae30 nao vao: sang: na: au: mae , – yao: bam ni" qhid' kheim: mae" byo; baui: lo" byaug thao mae yao: bam: ave, cao" mung: nao qobo maqo" shao: ai: amyu" qe yao: bam: mo"so re khoru: caung da" ko" khyo: ngo re: kaid' cao" nae" ein: macao" myid' ca31 nae" tau: lha" wa, . – Yao: bam kaid' ru ru: ni" Mo"so: khyo mae nao gai: kaid' nae" mangaid: . Yao: bam wa Mo"so ma o mangaui: ra" ca' pho: mau" re yao: bam: mo"so re kaid' veko". Yao: zo: yao: dau qe re lao" yao: bam: mo"so re phaid' ngaui"32 byid: veko". – Ngo pin: to: va" gu: alhab' re cao" pyang" wa, laung: re: dalaung: , yu re: dayu: pye'.