1 Ceru wa Yodain: gyaung: thoete' seyo din" Parain: , Jophela' , Labain: , Hazerod' we' Dizahab' agyo: Tupha: we' tau" te' jao: geim" mae Moshe Israel amyu" zo: qe2 re ta" kyo" ra" dao: ngaid: ra". – Horeb' bam mae" Sira bam gau: khyo" do, lo: re Kadeshaba:nan: joe" sho' daxe: daba myao"3 ra". – Heshabung: tao" zaung: ra" Amori' jhaung zug: Shihung: re re: , Edri mang: Ashatharod' vo mae" Bashain: zug: Oga' re4 se' pye' thao mae , – Moshe wa byid xe zin ein: zin lho" daxe: dakhye' sao qhid' ba: ne, mae Mo"so yao: re khang" pin: to" ru we' dakhyo: Israel zo: myid: qe re dam: zhao:5 kyo" ru wa , – Yodain: gyaung: thoe te' Mo"ba' jao: gyu" mae ce: tarha" re Moshe6 ta" kyo" gu: wa , – ngonhaung" AsAng Mo"so wa Horeb bam mae ngonhaung" re mho: ru wa naonhaung" ce: bam mae na:7 myao" veko" ra" , – to" su" lo" gese, Amori' byu qe na: ra" bam mug: we' ai: bam we' jhao" ra" jao: gyu" bam khyae gyo: , lao: khaung: , qid bang: khyo qid mo" Khanain: mang: Lebanon: bam mae" Uphared' qid8 zang gyaung: joe" sho' lo" ge, . – Qu" ge, ai: mang: din" re naonhaung" qhid' kheim: mae Ngo to" to: va". Naonhaung" yao: pho" Abraham: , Isag' , Yaku' bam we' yao: bam: zo: myid: qere byid: nae" ein: jham tang: dao: thang" to" ra" mang: re vao: sang: yu gese, ga: mho: ra".9 Ai: au: mae ngo naonhaung" re ta" va" ru wa , ngo yao: za: naonhaung" re maqo"10 tho' qu" gam , – naonhaung" Mo"so wa naonhaung" re byu je: jhaung: byid: mung: mug: gaung: kyi ru: myo: laug nhao va". –11 Naonhaung" AsAng Mo"so wa naonhaung" re ana" tho' mae je mung: atug atid akug myo: laug nhao veshao: . Dao: thang" to" ru we' dakhyo: min jhaung: byid: veshao: wo".12 Naonhaung" qug: khai: khyo mau" vin vo; ra" khyo we' gye khe' mau" zo" re ngo dayaug za: khoru: qo" vin vo, nae" yha". –13 Juyi laba lajhao bo mung: lam: lang" ra" mo, re naonhaung" amyu" qe: khug mae" khyin byid: gela, yao: bam re zug: agyi aya: tang: byid: nae" ga: mho: ra". –14 Naonhaung" re: nao asang mho: ru we'15 dakhyo: gai: ra" ga: dam: tau: veko". – Ai ru: mung: naonhaung" kaung khao: ngo" mae" juyi laba lajhao bo: ru we' lam: lang" byu jham re ngo khyin: thug' yu mung: au: she nae" dataung ug dayo ug ngo" xe ug16 daxe ug re aya: tang: byid: nae". – Tarha" agyi qe re re: naonhaung" wa naonhaung" mao: nhaung: qe: mau" re tae" gyo" qu" mung: amyu" yao: cao: ngaid ngaid getau: byumyu" we' ngaid ngaid dang main" ra"17 khyo" tarha" dao: phyid' ge, . – Tarha" mau" zo" zaui: so" ra" au: myo, nho magai: khyin nae". Byu ngai qe: dao: thoe byu qi: jham: dao: re" ru: khae: yu ca". Khag' re re: gyaug maca". Khoru: ga" re tarha" mau" zo" re Mo"so a'sang: ra". Naonhaung" dao: maqo" phyid' ra" gu: re ngo jhao" lhai: ke' gela, ngo tae" gyo: nae" ein: pin: to: va". –18 Naonhaung" cao" zaui" pyang" nae" mau" zo" re re: ai: au: ngo naonhaung" re pin: to: va".19 Ngonhaung" Horeb bam mae" to" thug' lo mung: Mo"so mho: to" ru we' dakhyo: Amori' byu qe na ko" ra" bam lhae" gau: khyo" lo: re naonhaung" the' myao co' ra" qu" gyaug sho' ra" seyo segae: jham re lai: phyid' mung: Kadeshaba:nan: joe" bam20 va". – Ailao" ngo naonhaung" re ngon- haung" AsAng Mo"so ngonhaung" re byid' ra" Amori' byu qe na: ra" bam mug: khyo21 naonhaung" joe" veko". – Qu" ge, naon- haung" AsAng Mo"so wa ni" qhid' kheim: mae ai: mang: din" re byid' to: va" ra". Naonhaung" phug' pho" qe: Mo"so khang" to" ru we' dakhyo: do, lo" mung: sang: yu ge, dagyaug ge, nhag' lam: dalai: ge, ein:22 mho va". – Alao" naonhaung" alhab' mo, re: ngo jhao" zang" ham: li" mung: ngon- haung" qhid' au: khyo jo" qu" nae" byu shi" gin qhid' nhao: ke' qu" gelang: , yao: bam ai: mang: re lo" qu" lhang" lo lao" ngonhaung" khogau: khyo" lo" re kho mug: joe" nae" ga:23 gau: khyo re lo: ta" kyo: genae". – Ai: dao: re ngo re: gyo" ngaui mung: naonhaung" mae dakaung mae" dayaug yaug byu da xe:24 shid' yaug re khyin: to: va". – Ai bam wa bam mug: khyi" khao: ngo" cao" qu" lhang: qin" mung: Eshkola lao: geim: joe" sho' qu"25 to: co' veko". – Ai: mang: mae" shi: yao: bam phyo' ci: lo mung: nyhao: nhaung" Mo"so ngonhaung" re byid' ra" mang: din" wa gai: ra" mang: din" ngaid: ra" ga: lo: ta" kyo: gengaid yang: re: ,26 Naonhaung" wa mado, qaid ko" tho' mae Mo"so khang" to" ra" dao: thang" to"27 ra" dao: tug' shai" mung: , – Mo"so wa ngonhaung" re manug , Amori' byu qe: lo, mae qhaug' pye' mung: byo; qeim geshao: ga: Egutu mang: mae" jhui" pyaung" lo28 nhaung wo". – Ngonhaung" khokhyo lo" zai i"? Ngonhaung" mao: nhaung: jham wa ai: mang: mae" byu qe wa khoqhi" khoqhang" mo, za: ngaid ko"ra". Vo jham re: vo kham" re: mug: gaung joe" sho' ru za: ngaid: ra". Ai: mang: mae Anakin: amyu" jham re re: ngonhaung" the' myao co' va" ga: ngonhaung" nhag' lam: re phyo' qheim" veko" ga: naonhaung" seim zaung mae tug'29 ru kaid' veko". – Ai: au: ngo wa dali" ge,30 yao: bam re dagyaug ge, , – naonhaung" qhid' au: mae ye" lo" ra" naonhaung" AsAng Mo"so wa naonhaung" myo, qao: tae mae31 Egutu mang: mau" re: , – naonhaung" su" lai: lo va" khyo thao" qang" ce: jo, qo joe" sho' yao: pho" wa yao: zo: re vo; lo: ra" jeju re seyo segae: mae re: , naonhaung" tau: zaui: so" lo: ru we' dakhyo: naonhaung" bo: de, mung: mang: bozin" li" nae" va"32 ein: ta" ngaid qere: , – naonhaung" thang: na nae" jo, qo qho mung: naonhaung" su" ye" lo" nae" gau: khyo re ceim" shid' nae" tau: myi" mae wa myi" yang na" mae jham thaui: mae naonhaung" qhid' au: khyo su" ye" lo" na: ra" naonhaung" Mo"so re , –33 ce: mau" zo" mae naonhaung" malam" genhaung i"?34 Naonhaung" dao: thoe re Mo"so the' gyo: mung: nhag' gyo" gyid' ru we' , –35 naonhaung" phug' pho" qe re Ngo byid: nae" ein: dao" thao: ce' to" ra"mang: khyo Yephuna' yao: zo: Kaleb' mae" jain" yang: ce: makhyang: mashab: ra" byu qe dayaug36 re: qo" vao genae" mangaid: . – Ai: yaug wa Mo"so: thao mae lam: maug cao" mung: qo" vao: myao nae". Yao: lo" zab: ra" mug: myid re yao: we' yao" zo: myid: qere Ngo byid: nae" ga: yang: jham tang" to: va" ra".37 Naonhaung" mathao mae AsAng Mo"so wa ngo re re: nhag' yo: mung: nao re: ai: mang: khyo qo" cao: vao nae" mangaid: . –38 Ni" qhid' kheim: mae ye; jo; ra" Nun" yao: zo: Yoshu' wa qo" vao nae" ngaid: ra". Ai: yaug wa Israel zo: myid: qe ai: mang: din" re jhui" sang: yu nhao nae" yaug ngaid39 mung: yao: qam: pin" byid: wa, . – Gyevo jham lhaid' lo" li" genae" ga: naonhaung" ta" ko" ra" zoshao jham we' pe" maba mase" shi" ra" naonhaung" zo: dau qe wa ai: mang: mae qo" vao lo" mung: ngo yao: bam re qhaug' zai ngaid mung: yao: bam ai:40 mang: re sang: na: lo" li" genae". – Naon- haung" kam" wa lhang: tug' mung: qid ne tham: cao" mung: yo qao" no, qaid khyo dam: su" ye" lo" shi: ge, ga: mho: ra".41 Alao" naonhaung" wa ngonhaung" Mo"so re zai" shaid' bam va". Mo"so ngonhaung" re mho: to" ru we' dakhyo: mang: zin: to" nae" va" ga: ngo re ta" zo" re" byu alhab' wa shae lhae ci yang: seim"42 na veko". – AsAng Mo"so wa yao: bam re ceru: ta" kyo: wa, ngo naonhaung" thao made; ra" mathao dado, lo" ge, mang: dakhaid' ge, khaid' ko" ngaid: re naon- haung" re gyevo qe: yang aung genae" ga: Mo"so ngo re mho: ru we' dakhyo: ngo43 naonhaung" re ta" kyo: va" , – ngaid qere: naonhaung" matae" gyo: , Mo"so: dao: re tug' shai" mung: ngaid beim" nhag' myid:44 yang bam mug: khyo do, veko". – Ai: bam dao: mug: mae na: na va" Amori' byu qe wa byo: ham: lo: ru ru: naonhaung" re lham: kaid' ko" Sira' bam we' Homa' vo45 joe" sho' cao" khe' se' veko" ra". – Naon- haung" dam: tug' phao: lo mung: Mo"so: qhid' kheim: mae goe; pa" ngug veko". Ngaid qere: Mo"so matae" gyo: mayhin:46 byid:. – Ai: mathao mae Kadesha: jo, qo mae sao qhid' re na: ru we' dakhyo: ayo, myao" sho' dam: na: bam veko".