1 Ai: thao mae Moshe wa Mo"ba' jao: gyu" mae" thug' ye" lo" mung: Yerikho" vo we' tau" te' Nebo" bam Pisga: bam nyaug khyo do, lo" ra". Alao" Mo"so wa yao: re Gilaid' mang: we' Dain: joe" sho' , –2 Nabthali' mang: , Ephrim: , Manashe: mang: we' daga" va" thao" ra" qid dae joe"3 sho' , Yuda mang: geim" , – qid bang" mang: we' Zora vo joe" sho' , xaung" pa vogaung: ga" ra" Yerikho" vo jo; ra" lao: geim: jao: dae jham re ceim" shid' qhu"4 ra". – Mo"so wa Abraham , Isag' , Yaku' bam re dao: so: to: mung: ni" amyu" akaung ako' jham re byid: nae" mug: myid re qu" wa, ni" myo; yang yao: myao co' nae" akhang" Ngo byid' ra". Ngaid qere: nao qo" gau" de; lo" nae" mangaid: ga: mho: ra".5 Ai re" ru: Mo"so mho: ru we' dakhyo: Mo"so: daui nhao logyo: Moshe wa Mo"ba' mang: ai: jo, qo mae shid: lo" byaug6 mung: , – yao: re Bed'-pegura' vo we' tau" te' Mo"ba' mang: , lao: khaung: dalam: mae shaung nyhab' veko". Moshe; lab re ana" ne, joe" sho' khag' maba mamyao7 ko". – Moshe kao gyo" lo" au: kao dayo: shid' xe zin ngaid: ra". Yao: myo, gyang: no: gyang: shi". Qam: o: re: mayeim shi: . –8 Israel amyu" zo: qe wa Moshe re myid: beim: so: mung: Mo"ba' jao: dae mae sam xe ba sam xe myi kaug' myain" qhu thoe9 mung ko" ra". – Ana" Nun" yao: zo: Yoshu' wa solo byang" mung: juyi bo yaug ngaid: ra". Khoru: ga" re yao" au: dao mae Moshe lo, kai: byid: va" ru mung: Mo"so Moshe re khang" to: va" ru mung: Mo"so Moshe re khang" to" ru we' dakhyo: Israel zo: myid: qe re: Yoshu' mho dao: re tae" gyo: ko" ra".10 Mo"so nhao: ke' mung: Egutu mang: mae Pharaoh jhaung zug: mae" re agyi khaung: mhao: jham we' mang: din" geim"11 mae , – mug' pho: ve, lho aja: ja: kaid' qhu" mung: Israel amyu" zo: qe: qhid' kheim: yao" kheim: so' mo" yang gyaug12 pho: mau" re ci: qhu" ru mae , – Mo"so we' yao" gaung yao: myo; myao ra" lapa Moshe ru" ru wa Israel amyu" mae thao phyao: dayaug re: mabo: thug' li" lo: nae".