1 Naonhaung" zo: myid: qe wa naon- haung" AsAng Mo"so re gyaug phug'2 mung: , – ngo byid' to" ra" khang" dao: tarha" alhab' geim" re dapyaid dato cao" na nae" ru we' kao qhang so' she: na nae" akhyo naonhaung" lo" vao: sang: yu nae" mang: din" mae cao" na nae" tau: naonhaung" re mho" shid' byid: nae" naonhaung" Mo"so khang" to" ra" khang" dao: tarha" jham3 wa , – Israel amyu" qe we" phug' pho" qe: Mo"so: dao: so: jo; ru we' dakhyo: nao nung: nug' we' byo: yhid yug: ra" mang: mae yaug yo mung: gyai na: je: nae" khyo tae" gyo: wa, lha" zo" re" cao" wa, .4 Israel amyu" tae" gyo: ge, ngonhaung" AsAng Mo"so wa daso za" Mo"so ngaid: . –5 Ni" Mo"so AsAng re nhag' myid lam: maug6 qam: o: alhab' we' jhid' de, wa, . – Ana" ne, ngo pin: ra" dao: re nhag' kao" vhao"7 yu wa, . – Ai: dao: kheim: jham re ni" zo: ni" dau qe re qhao" yang: mho" shid' ca" nae". Yham mae zaung: jo; au: ngaid ngaid , khyo su: zo" ngaid ngaid , yab: lo" to" li" au: ngaid ngaid ai: dao: re ta" kyo:8 ca". – Ai: dao: kheim: re ni" lo, mae ve, lho boe" nae" ve; ci wa, ni" myo, jid' agyo: mae9 so: xam: boe" na: li" nae". – Yham kham: dung: vomo" kham: dung: jham mae re: tung" to: ca" nae".10 Ni" Mo"so AsAng ni" phug' pho" Abra- ham , Isag' , Yaku' re dao: so: dang: to" ra" mang: mae nao re jhui" vao lo" mung:11 nao made" to" ra" vogaung: jham , – nao maqho: qaung" to" ra" dai kham we' byang" ra" yham , nao madau" ra" qid thaung: , nao maqho" yhaug' ra" sabyi'' khyae we' Zhainlun gae jham nao re byid: mung: nao gyi: gyi: baug baug qhug' the' zo" ra" au:12 mae , – Egutu mang: jeim doe; na: ru mae" jhui" thug' lo: ra" ni" Mo"so AsAng re mato"13 myhid' nae" tau: lha" wa, . – Ni" Mo"so re gyaug phug' ca" nae". Ai: Mo"so re za: goe; pa" ca" nae". Yao" mang khyao: khyo" yang14 jham magai: tang: nae". – Getau: mo"so ni" lhang" gam: mae na ko" ra" byumyu" qe: mo"so jhao" magai: te' ye: , magai: pa"15 nae". – Ni" Mo"so AsAng wa nao mae qobo qo" ein: lam" laui: ra" Mo"so ngaid: ra". Ni" Mo"so wa nao re nhag' gyid' mung: myid kin: dao mae" phyo' paui: sin" pye' nae" ru re gaung yug: na ca" nae".16 Nao wa Ma: Sa' jo, qo mae re" ru: ni"17 Mo"so re lag yu: ru magai: kaid'. – Ni" Mo"so AsAng nao re to" to: byid' ra" khang" dao: , sagso: dao: we' cao" khyao jin kham jham re dang dang cao" pyang" ye" lo" ca"18 nae". – Nao na gai yaug yo: ru qo" nae" tau: Mo"so: dao: so: jo; ru we' dakhyo: gyevo alhab' re ni" qhid' kheim: mae" thug' pye' mung: ni" phug' phyid' qe re dao: thang" to" ra" mug: myid agai khyo qo" vao: sang19 nae" ru wa , – Mo"so: qhid' kheim: mae dang main: yaung" lho" ra" mau" re nao zaui: so: ca" nae".20 Thao phyao" qae: mae ni" zo: wa ngon- haung" Mo"so to: byid' to" ra" ce: sagso: dao: , cao" khyao jin kham jham wa pe" ru: mho nug: ru ngaid: laug i" ga: myid: ko"21 re , – nao wa ngonhaung" Egutu mang: mae Pharaoh" jeim doe; na: au: Mo"so wa qam: mo" bo: ra" lo, lam" yang ngon- haung" re Egutu mang: mae" khyaid' khyi:22 yu va". – Mo"so wa qi" thao" ra" ve, lho we' mug' pho" mau" Egutu mang: dao mae re: Pharaoh we' yao" yham byu qe: adao mae re: ngonhaung" myo, qao: tae mae23 kaid' qhu" bin lao" , – ngonhaung" phug' pho" qe re dao: thang" to" ra" mang: mae lo" qo" na nae" tau: ai: mang: mae" jhui"24 pyaung" lo va". – Mo"so wa ana" ba joe" sho' jeju kaid' ru re" ru: ngonhaung" so' kao re khau nae" tau: ngonhaung" Mo"so re gyaug phug' zo" re" ce: khang" dao: jham re cao" pyang" nae" to" to: byid: va" ru25 ngaid: . – Ai ru: mung: Mo"so khang" to" ru we' daru: ce: khang" dao: alhab' geim" re re: din: main" ra" gau: khyo joe" li" nae" ein: dam: ta" kyo: ca" nae".