1 Ni" Mo"so wa nao re dai kham byid' ra" mang: din" re nao lo" vao: sang: na:2 ayo, mae , – ni" Mo"so byid' ra" mang: din" mae sao qhid' mhang" qae" li" ra" ashi: acao ajab re yu mung: gyain mae ke' yang: ni" Mo"so: mang khyao: tau: khyin: to" ra"3 jo, qo khyo ye: mung: , – ai: ayo, akhin: mae khin jaung kaid' yaug jhao" ye: yang: Mo"so wa ngo re byid: nae" ga: phug' pho" qe dao: thang" to" ra" mang: mae ngo joe" na va" ein: AsAng: Mo"so re ngo khae: yu va" ein: khin jaung pho" re ta" kyo: ca". –4 Khin jaung pho" re: ni" lo, mae" gyain re yu mung: ni" Mo"so: xeim: phain: qhid'5 kheim: mae to" to: nae" ngaid: ra". – Nao ta" nae" ru wa nga" pho" wa khyi" khao: khyi" ngo" su" lhang" qin" ra" Shuri' amyu" ngaid: ra". Byu dajhid' za: we' Egutu mang: khyo gyo" ye: mung: ye: khug: na: ru: myo: laug qi: qhang kheim: so' qo"6 ra" amyu" boe" va". – Egutu byu qe wa ngonhaung" re yhin" pyam" mung: maqaid7 maqui" jeim toe' nhao zo: veko". – Alao" ngonhaung" phug' pho" qe: Mo"so re khai: yao mung: Mo"so tae" gyo: byid: yang: ngonhaung" thaung" qhug' mau" we' qug: qae" myaung: qhaid' ru myao byid: va". –8 Alao" Mo"so wa qam: o: kheim: so' bo: ra" lo, re yheim: mung: mug' pho: ve, lho aja: ja" yang ngonhaung" re Egutu mang:9 mae" jhui"she: thug' yang: , – Nung: nug' we' byo: yhid yug: ra" ce: mang: mae jhui"10 vhao" mung: byid' to: va". – Ana" wa Mo"so we" AsAng ngo re byid' ra" mug: myid mae sao qhid' mhang" ra" qhovo: qho shi: re ci: li" va" ein: ni" Mo"so: qhid' kheim: mae caung da" zo" re goe; pa" ca"11 nae". – Ai re" ru: ni" Mo"so nao we' ni" yham byu ma" ho' re byid' ra" jeju alhab' mae re: nao we' daga" na: Levi byu we' getau: amyu" zo: re: qo" the' ngaui bau" na genae" ngaid: .12 Sam zin ein: zin mae xe bam dabam byid' ra" sam zin joe" lao" qo" ra" gu: mae" daxe bam mae"dabam re khyoe" yu mung: Levi zo: , getau: amyu" zo: cug' zo: cug' mo" jham re ni" na jo, qo vogaung: mae gyi: gyi: baug baug qhug' zo: sho' gae zho:13 gae jhaug' bin lao", – ni" Mo"so AsAng re AsAng ngo re khang" to" ru we' dakhyo: shao lho" jo, nho"re yham khug mae" phoe' mung: Levi zo: getau: amyu" zo: , cug' zo: cug' mo" jham re gae byid: va". Khang" dao: re malhoe" , mato" myhid'. –14 Shid mau" no mau" kaid' ru mae ai: jo, nho" re ngo maci yhung: , mashao malho" ra" ru re dajhid' re: maci. Su shid mau" mae ngo maci yhung: , Mo"so: khang" dao: re ngo tae" gyo" cao" va". AsAng khang" to" gu: alhab' we' dakhyo: ngo cao"15 va". – AsAng: shao lho" ra" mug: gaung mae" gam" qu" mung: AsAng: byu Israel amyu" re re: , phug' pho" qe re dao: so: to" ru we' dakhyo: ngonhaung" ra" mug: myid: , nung: nug' we' byo: yhid yug: ra" mug: myid re re: min jhaung: byid: la, wo" ein: mho' bain: ca" nae".16 Ana" ce: cao" khyao jin kham we' tau" phyid' dao: alhab' we' dakhyo: cao" ca" nae" ga: ni" Mo"so khang" to" ru ngaid mung: ni" aung khug nhag' myid alhab' we' lam: maug yao: cao" pyang" ca"17 nae". – Mo"so re ni" Mo"so ngaid: ga: re: , yao" gau: khyo re cao" nae". Cao" khyao jin kham byid' to" ra" khang" dao: tarha" jham re cao" na va". Ni" dao: thoe tae" gyo: naeva" ga: mung: ana" ba nao yhin"18 yu va" ra". – Mo"so re: yao" dao: thang: we' dakhyo: nao: yao: khang" to" ra" pin dao: alhab' geim" re qo" cao" veshao: ga: yao" dai kham amyu" poe" nae" ga:19 re: , – yao: phain: to" ra" byumyu" cao jab alhab' tho' mae ni" mang khyao: ni" myo, nho nga: lao: re qi: qhang: lo nhao nae" ga: re: , ni" Mo"so: tau: shao gyang" ra" amyu" boe" nhao nae" ga: re: Mo"so ana" ba yhin" yu va" ra" ga: Israel amyu" qe re ta" kyo: va".