1 Ana" ne, ni" qhid' kheim: mae ngo to" to: byid' ra" jeju min we' nhang: kheim: jham ni" adao mae joe" zaug mung: ni" Mo"so wa nao re khe' thug' ke' ra" mang: khao: mang: ngo" mae ai jham re myid:2 beim: so: zo" re" , – ni" Mo"so AsAng jhao" dam: lhang: tug' lo mung: ana" ne, ngo pin: to" ru we' dakhyo: nao we' ni" zo: myid: qe yao" dao: re nhag' myid lam: maug3 we' tae" gyo: ko" ngaid: re , – ni" Mo"so AsAng wa nao thaung" qhug' ra" kham" lhaung" mau" re gain kain" pye' mung: nao re nhag' myain" ru we' dam: lhang: lo mung: qhid' phyao: khe' thug' sin" ke' ra" mang: khao: mang: ngo" mae" nao re dam:4 sham" zhang" yu: li" nae". – Ni" sang: tin: daqhae: wa mug: gaung: agyid' va" thao" ra" mang: khyo khe' thug' sin" ke' ru qhug' gengaid yang: re: ai: jo, qo mae" ni" Mo"so wa dam: sham" zhang: jhui" yu: li" nae". –5 Phug' pho" qe vao: sang: lai: lo: ra" mang: khyo dalhang dam: jhui" yu yang: ai mae nao vao: sang zai ngaid nae". Ai mae nao re jeju byid: mung: phug' pho" qe tho' mae nao re je yang: na: je: na: myo: nhao: li"6 nae". – Nao kao qhang myo, myi: nae" akhyo wa ni" Mo"so re nhag' myid lam: maug jhid' de, nae" tau: mae ni" Mo"so wa ni" nhag' myid we' ni" amyu" zo: qe: nhag'7 myid re nyaug phyid' byid' li" nae". – Ni" gyevo ga" ra" nao re manug mung: yhin" pyam" ra" mo; adao mae re: ce: nhang: kheim: jham alhab' ni" Mo"so wa yao: bam8 re phau: nhao: li" nae". – Nao wa dam: lhang: lo yang: ni" Mo"so: dao: re tae" gyo: mung: ana" ne, ngo pin: to" ra" khang" dao:9 tarha" jham re cao" pyang" li" nae". – Nao wa ni" Mo"so: dao: thoe re gyo: mung: ce: tarha" mae tung" to" ra" cao" khyao jin kham jham re cao" zo" re" ni" Mo"so jhao" nhag' myid lam: maug we' dam: lhang: tug'10 lo: ngaid: re , – nao zaui: so" ra" mau" zo" khao: ngo" boe" doe; ru we' ni" zo: dau jo, nho" gug' nyhug' dai kham , gaug zo maui: lam: masheim: pe' go" qo" nae" jeju byid' li" nae". Mo"so wa ni" phug' pho" qe re nhag' dag: ru we' dakhyo: nao mae re: nhag' dag mung: nao re jeju so' ha" byid: nae"11 Ana" ne, pin: to" ra" khang" do: tarha" wa nao maqo" tho' ba: gyo" cao" nae" qhi" qug' ru mangaid: . Nao we' va" ru12 re: mangaid: . – Ai: tarha" re ngonhaung" tae" gyo: mung: qo" cao"pyang" sho' mug: gaung khyo khoyaug do, lo" mung: ngon- haung" jhao" khoyaug ci: li" zai i"? ga: myid: nae" ru wa mug: gaung khyo jo; ru13 mangaid: . – Ai: tarha" re ngonhaung" tae" gyo: mung: qo" cao" pyang" sho' bang: lae gau: mung: ngonhaung" jhao" ci: li" gezai i"? ga: myid: nae" ru wa bang: lae thote'14 mae jo; ru mangaid: . – Tarha" wa nao cao" nae" tau: nao we' ajhao" za: , ni" nhaid' mae re: ni" nhag' lam: khug mae bo: ra".15 Qu" wa, kao bo myo, myi: nae" yaug yo: ru we' shid: ru sho: jhin: ru jham re ni" qhid' kheim: mae ana" ne, ngo to" to:16 va". – Nao kao qhang myo, myi: mung: na: qi: na: qhang nae" we' nao vao: sang nae" mang: mae ni" Mo"so wa nao re min jhaung: byid: veshao: , ni" Mo"so re jhid' de, yang: yao" thao cao" mung: cao" khyao jin kham jham re cao" wa, ein: ngo pin: to:17 va". – Ai ru: mangaid: lao" ni" nhag' myid nghung" lo" yang: nao mho dao: macao" lo: su jhui" mho" pyag' ra" gau: khyo cao" mung: getau: mo"so re lam khug goe; pa"18 ngaid: re wa , – Yodain: gyaung: gau" de, mung: vao: sang nae" mang: mae kao maqhang nae". Dang dang yao: byo; qeim: lo" li" nae" ein: ana" ne, ngo ta" peim:19 va". – Kao daui: ru , shid: ru , min byid' ru , nhang" ru jham re ni" qhid' kheim: mae ana" ne, ngo to" to: va" ein: mug: gaung myid gaung wa sagso: ngaid veshao: . Ai mung: nao we' ni" amyu" akaung ako' wa kao qo" daui: na veshao: kao so' khyo re20 khyin: yu ge, . – Ni" Mo"so re jhid' de, ge,, yao" dao: thoe re tae" gyo: ge,, yao: mae khug ngha ge, . Khoru: ga" re yao: wa ni" kao so' we' kao qhang myo, myi: nae" gau: khyo ngaid: ra". Ai ru: mung: Mo"so wa ni" phug' pho" Abraham Isag', Yaku' bam re dao: thang" to" ra" mang: mae na tang ye, tang nae" khyo" kao so' qo" nae" tarha" re khyin: yu ge, ga: Israel amyu" zo: qe re ta" kyo: co' ra".