1 Ana" ne, ngo nao re xo' ta" kyo" ra" khang" dao: jham re cao" pyang" nae" tau: mae ni" Mo"so: dao: re nao gelho: tae" gyo" cao" ngaid: re ni" Mo"so wa byumyu" alhab' tho' mae nao re tau: to' li"2 nae". – Ni" Mo"so: dao: re tae" gyo" ngaid: re ni" dao mae joe" nae" jhaung: xe: min3 wa , – ni" vogaung: mae nga: lho" nae".4 Seyo segae: mae re: min qo" nae". – Zo: dau mae re: qhovo: qho shi: mae re: , gug' nyhug' na: je" ru mae re: ni" caid' kyaung" nung: jaung kyaung" mae re: min jhaung:5 qo" nae". – Gyain mae re: cinmain" lhag' ra" lhao geim: mae re: min qo" nae". –6 Yham khug vao qere: min qo" nae" , taung gaung dam: thug' qe re: jeju min qo" nae".7 Mo"so wa ni" gyevo qe re ni" myo, qhao: tae mae dae byid' li" nae". Yao: bam wa khyo dagau: khyo" za: nao jhao" li" lo ko" ngaid yang re: khyo nhaid' gau: khyo"8 phao: lo" gezai ngaid: . – Ni" jo, nho" bain" mae re: nao zaui: so" ra" ja: khao: ngo" mae re: Mo"so wa ni" au: dao mae min jhaung: qo" nae" ta" byid: nae" ngaid: . Ni" Mo"so nao re byid' ra" mug: myid mae nao re jeju9 min byid: nae". – Ni" Mo"so AsAng: khang" dao: tarha" re cao" pyang" mung: yao" gau: khyo khyo" cao" re Mo"so: dao: thang" we' dakhyo: nao re yao" tau: shao lho" ra" amyu" malam: lai: boe" na nhao: li" nae". –10 Ai re" ru: nao re Mo"so: mang khyao" yang mang qo" yaug ngaid: ra" byumyu" cao jab jham wa ba mung: nao re gyaug: nin"11 genae". – Mo"so wa nao re byid: nae" ga: ni" phug' pho" jham re dao: thang" to" ra" mug: myid mae jo, nho" zai yo , zo: dau aphaung" anao" , na: je: jhaung: , gaug zo maui: lam: re masheim: pe' go" byid:12 nae". – Ni" mug: myid mae yo, gin mang- hung: mug: qu byid: nae" tau: mae re: , Mo"so wa yao" dai kham bain" ga" ra" mug: gaung: kham: phung" mung: ni" lo; yang zaui: so" ra" mau" zo" ja: khao: ngo" mae nao re min jeju byid: nae". Byu myo: sho' mo, re nao jhid' shai: byid: nae" qam: o: qo" nae". Nao wa su mae" gai: jhid' shai nae"13 mangaid: . – Ana" ne, ngo kai" ta" kyo" ra" dao: re tae" gyo: cao" pyang" ngaid: re Mo"so nao re shomyi: maboe" nhao lo: au: boe" nhao mung: nao wa o mae mana: lo:14 tho' mae na: na nae". – Ana" ne, ngo kai" ta" kyo" ra". dao: re lhoe" mung: lo, vai: lo, yo khyo manghung: lo: , getau: mo"so: thao cao" mung: magoe; pa" re wa ai ru" ra" jeju min qo" nae" ngaid: .15 Ana" ne, ngo xo' ta" kyo" ra" ni" Mo"so: cao" khyao jin kham khang" dao: jham re alhab' geim" re cao" nae" tau: mae dao: matae" gyo: re wa , ni" adao mae joe" nae"16 nhang: kheim: jham wa , – ni" vogaung: mae byuxa: voqoe, genae". Ni" mug: myid17 mae byuxa: voqoe, genae". – Dao: thin byo mae re: , lhao bin lhao geim: mae re:18 agyid aso mabo genae". – Zo: myhung dau khau mae re: , qhovo: qho shi: jham mae re: , yao kyaung" nung: kyaung" mae re:19 na je: jhaung: maqo" genae". – Yao: yao" yham khug vao lo thug' lo" mae re: jeju so' ha" maqo" nae".20 Mo"so re nhaung thao" phaug' mung: shaid' ra" qobo: mathao mae phyaid phyaid byo; qeim: ru maqhug' shi: re ja: khao: ja: ngo" mae nhang" ru , kaung: kag' ru , jung" ru jham ni" adao mae joe" lo: li" nae". –21 Nao vao sang nae" mug: myid mae" sham" khyo" pye' nae" ayo, majoe" shi: ta re mau22 byin: nao mae phau: nhao nae". – Mo"so wa nao re byang to" ru , byang jhin myaug: ru , au: jaid: jaid' ru , shae lhae gye , la laung zao" yang: agae shid: ru , gaug byaid byaid: ra" khyo" qobo byid' ru wa nao na:23 thao" lo" sho' cao: boe" na: li" nae". – Ni" au: tho' mae" mug: gaung wa gyid: bo" re" ru: , ni" o mae" myid gaung wa jo, to' re"24 ru: boe" nae". – Mo"so wa ni" mang: din" mae qu: ra" mug: ce' re myid phaui: phaui: lhug boe" nhao mung: nao na: thao" gain: lo" sho' ai: ru wa mug: gaung khyo" ni" adao mae qu: gyo" na: li" nae".25 Ni" gyevo jham: qhid' kheim: mae Mo"so wa nao re seim" nhao nae". Nao dagau: khyo" za: yao: bam jhao" ye: yang: re: khyo nhaid' gau: khyo" nao phao: lo mung: amang: mang: adin" din" khain26 phao: lhang: qin" nae" ngaid: ra". – Ni" shid mao gaung wa mug: le; phyo: mae" ngho', myang kha: , zoqhid jham: zao: kho boe" nae". Ai: gug' nyhug' jham khe' nae"27 khag' na nae" mangaid: . – Mo"so wa nao re Egutu mang: mae" byang lang am no ye, main magai: byaug lo" ra" ai: myaug nhao nae".28 Mo"so wa nao re ago boe" nhao: ru , myo, jid nhao: ru we' myid: mug' nae" ra"29 qobo dae byid: nae" ngaid: . – Myo, jid yaug wa mug: caid' khug mae soe' su" qin" re" ru: nao wa na" dao: gaung mae soe' su" qin" li" nae". Nao kaid' mau" zo" mae maboe" doe, lo: yhin" pyam" ru , lhaid' yu: ru za: phau: nae". Nao re khoyaug: yang re:30 li" khyaid' yu gezai mangaid: . – Nao yham sang myhi" in" to: ngaid qere: su yu: pye' li" genae". Yham kaid' ngaid qere: nao yao: maqhug' laung" , sabyi' khyae qho" to: qe31 re: nao the' phyo' zo: nae" mangaid: . – Ni" nung: re ni" qhid' kheim: mae se' lhang" to: ngaid qere: ai: sho: re nao the' zo: nae" mangaid: , ni" myao: re lhaui: yang: lhaid' yu: lo" mung: dam: byid: lo: gezai mangaid: . Ni" yao jham re gyevo qe: lo, khyo vao lo" na: re khyaid' yu nae" byu bo: thug' li" zai32 mangaid: . – Ni" zo: zomyi: zolau: jham labug: lo, khyo vao lo" mung: nao wa daba: geim" yao: bam re cao" qu" gaung yug nae". Ni" lo, re: qam: o: bo lo: nae" mangaid: . –33 Ni" mug: myid mae" gaug zo maui: lam: we' nao zaui" qo" to" ra" jo, nho" jham re nao maba mamyao: qu" ra" byumyu" jham zo" pye' li" genae". Nao wa yhin" pyam" ru34 za: malam: lai: phau" na: li" nae". – Ai re" ru: nao qug: khai: phau" ra" mathao mae35 nao wa go: byaug: li" nae". – Ni" Mo"so wa ni" paid' laug mhao" kaung" mae za: maga" khu vo: mae" au: gaung: joe" sho' magai: byaug lo" ra" byang to" nhao yang: qug: khai: byid' li" nae".36 Mo"so wa nao tau: to" ra" jhaung zug: re nao we' ni" phug' pho" qe maba mamyao: qu" ra" byumyu" na: ra" khyo jhui" lo" mung: nao wa getau: mo"so , sag' thaung: mo"so , laug mo"so , jham re goe;37 pa" li" nae". – Mo"so wa nao re jhui" lo" ra" mang: khao: ngo" mae nao wa su: yang mug' jao: , dao: zham" ta" jao: we' jung"38 khyoe' jao: boe" nae". – Nao wa gaug myug: myo: sho' yo , yo thaung: khyo ci: ye: ngaid yang: re: khyag' phaung" jham zo" pye' ra" mathao mae gaug dajhid' dathao39 za: aqo" jham" yu nae". – Sabyi' khyae kaid' mung: nyhang" caung: to: ngaid qere: bug: jham zo" kyam" pye' ra" mathao mae nao yao: sabyi' shi: mathe' qhug' phyo' yu nae". Sabyi' qang: re: mathe' shaug' nae". –40 Nao na: ra" jo, qo khyi" khao: ngo" mae Zhainlun gae jham jo, ngaid qere: ashi: mamhang" shi: mae" shu: gyo" pye' mung: nao wa Zhainlun xau: yang ni" gaung re41 maqhug' the' gyaid nae". – Nao zo: dau aphaung" anao" khau ngaid qere: ni" tau: mae" mangaid: gyevo qe: yang sham" tai: jhui" lo" byaug: li" genae".42 Ni" mug: myid mae yaug: ra" sag' gae alhab' qhovo: qho shi: alhab' geim" re khyag' phaung" jham: yang: zo" pye' li"43 genae". – Nao we' daga" na: ra" getau: byumyu" zo: qe wa myhao: li" mung: ni" dao mae na genae". Nao kam" wa nyham: gyo" lo" mung: su: agyid' mae na nae"44 ngaid: ra". – Yao: wa nao re jhid' shai byid: nae" akhang" qo" nae". Nao kam" wa yao: re jhid' shai byid: nae" mangaid: . Yao: au: ngaid mung: nao wa shomyi: boe" nae". –45 Ni" Mo"so AsAng khang" to" ra" cao" khyao jin kham tarha" re cao" nae" tau: nao mho dao: magyo" ra" mathao mae nao byo; qeim: baui" lo" ayo, joe" sho' ce: nhang: kheim: alhab' wa ni" adao mae joe" myhi:46 lo: li" nae" ngaid: . – Ni" adao mae re: ni" amyu" akaung ako' adao mae re: dapyaid dato: ve, lho we' mug' pho: boe" nae" ngaid: ra".47 Nao wa na gai gaug qo" ra" ayo, mae kao bau shomyug' nhag' myid we' ni" Mo"so: mau" re mazaui: maso" ra" mathao48 mae , – Mo"so nao jhao" nhao: ke' ra" gyevo re vae: moe; qid shab' gaung lam: sho pyaid' qug: khai: sho: jhin phau: zo" re" caung da" ca" nae". Nao byo; qeim" baui" lo" nae" ayo, joe" sho' ni" lang zang: mae jo,49 to' kyau: vhin: to: nae". – Mo"so wa zeim baung: dao" re" ru: phyaid: ra" byu damyu" re va" ra" jo, qo mug: myid athao" mae" nao jhao" mang: li" khaid' nhao nae". Ai: amyu" qe: myain" thoe re nao ba: gyo: nae"50 mangaid: . – Ai: amyu" wa qu" gyaug sho' myo, khung: we' kao qi: mo, re pe" shui manho , zoshao qe re nhag' maba: myain" ra" amyu" re khai: yu mung: nao re khaid'51 nhao: li" nae". – Nao na: gain: thao" lo" sho' yao: bam wa ni" gug' nyhug' ni" gaug zo: maui: lam: zo: genae". Nao re phyo' qheim" bin sho' gaug zo , sabyi' qang: , xau , nung: , yao , dai kham re ni" tau:52 tang" lo: genae" mangaid: . – Ni" mang: din" khyi" khao: ngo" mae nao khug ngha lam ga" ra" vo kham" , myhao mung: gang" tang: vo kham" jham byo; gyo" lo" sho' ni" vogaung: alhab' re li" lhang" kham" genae". Ni" Mo"so byid' ra" mug: myid khyi" khao: ngo" mae" vogaung: jo; gu: alhab' geim" re53 re: li" lhang" kham" to" li" genae". – Ai re" ru: lhang" kham" to: mung: gyevo qe: yang zang" lhaung" to" ra" ayo, mae yao: yao" aung gyo" zo: Mo"so nao re byid' ra" zo: dau qe: sho: re zo: nae" ayo, joe" genae".54 Ni" vogaung: alhab' re gyevo qe li" lhang" kham" ci mung: qug: qae" kyi"55 khyag' ru qhug' nhao ko" au: mae , – gyai nau" nhae" ra" yaug gai wa zao: kho majo, lo" mathao: mae yao: zo: qe: sho: re zo: nae" ngaid: re yao: mao: yao: nhaung: yao" yham sang myhi" dang: na shi" zo: dau qe re qu" nhung: mung: magae byid: lo: zo"56 li" nae". – Ni" vogaung: alhab' geim" re gyevo li" lhang" kham" ci mung: qug: khai: khyi" khyag' byid: ko" au: gyai nau" nhae" yang: myid gaung mae lao" mavae" nao" ra"57 myiqe: lao" re: , – zo: nae" zao: kho majo, lo" mathao mae yao: khau: ra" zonau" we' yao" aung mae" gyo" na cao: re re: yao: za: khug' nyham: zo" pye' mung: yao" yham sang pho" we' yao: zo: zomyi: zolau: jham re byid: gae zho: nae" lao" mavae" lo: ngaid: li" nae".58 Ni" Mo"so AsAng wa phung bao qi: mung: gyaug pho: gai: ra" mang khyao: re gyaug geshao: ga: ce: jham: paug' tung" to" ra" ce: tarha" dao: kheim: jham alhab' re nao macao" pyang" lo: na: ngaid: re , –59 Mo"so wa nao phau: nae" no phyo: mau byin: we' ni" amyu" akaung ako' jham phau: nae" ra" mug' pho: no phyo: , gyai xo gyai qi" ra" mau byin: no phyo: , shave, , ze: ra" mau byin: jham boe" doe, nhao nae"60 ngaid: ra". – Ai mae" getau nao gyaug: kyi" ra" Egutu mang: mae" mau byin: no phyo: alhab' re ni" adao mae joe" nhao yang: nao mae ai: mau byin: no phyo: jham de; lo:61 li" nae". – Ai mae" getau ce: jham: tung" mae mabo: ra" no phyo: we' mau byin: aja: ja: re: nao na: thao" na: gain: lo" ra" ayo, joe" sho' ni" adao mae Mo"so wa khyo" ke'62 byid' li" shi: nae" ngaid: . – Naonhaung" mug: gaung: kyi nho" myo: laug gengaid yang: re: ni" Mo"so: dao: re matae" gyo" cao" ko" ra" mathao mae dajhid' dathao za:63 boe" genae". – Nao re jeju we' bao" mung: myo: laug nhao: ra" mau" mae Mo"so nhag' dag: ru ru: nao re phyo' qheim" ra" mau" re re: nhag' dag mung: nao vao: sang nae" mang: mae" nao re sham" she: khyo" pye'64 ru qhug' li" nae". – Mo"so wa mug: myid dashaid' mae" dashaid' joe" sho' byumyu" cao jab mae nao re pyo: sin" ke' mung: nao we' ni" phug' pho" qe maba mamyao: qu" ra" getau: mo"so , sag' thaung: mo"so , laug baui mo"so jham re goe; pa" lo" genae". –65 Ai: byumyu" qe: khug mae nao na gai gaug qo" nae" mangaid: . Na jao: matang nae". Mo"so wa nao re sang: kho" nin" ru , myo, nho seim: ru , qam: gain: ru , nhag' kaug'66 myo, yug: ru phau: nhao mung: , – nao wa kao so' thao" lo" na va" ru re myid myo: myid laug gaung yug sho: byo; na zo" re" shid nae" loe; nae" ru re maba mase" ru na:67 na nae" ngaid: ra". – Ni" nhag' myid khug mae" gyaug pho" akhyo ni" myo; yang the' myao: qu" ra" akhyo jham: mathao mae myi" mae ngaid lao" wa mug: khonhae" bo" nae" laug; na" mae ngaid lao" wa mug: khonhae" caid' nae" laug ga: myid: nghae"68 na: li" nae". – Ai: gau: khyo re madam: myao nug: lo: ga: mho: ra" gau: khyo" Mo"so wa nao re dalhang Egutu mang: khyo lha: yang dai" byid: yang: ai: mang: mae jeim pho" jeim myhi" toe' nae" tau: gyevo qe mae aung: genae". Ngaid qere: nao re vai nae" byu khag' mana ga: Israel byumyu" qe re mho: ra".