1 Moshe wa ye: mung: Israel amyu"2 alhab' geim" re ta" kyo" ra" dao: wa , – ngo wa ana" kao dayo: shid' xe zin byang" va". Naonhaung" qhid' kheim: mae maqo" du: su" qin" lo: , Mo"so re: nao Yodain: gyaung: re gai: gau" de; lo" nae" mangaid: ga:3 mho: ra". – Naonhaung" Mo"so wa naon- haung" qhid' au: mae gau: mung: ai: mang" byumyu" aja: ja: re phyo' sin" pye' yang: yao: bam: jo, qo mae naonhaung" vao: sang: yu genae". Mo"so: amyin" dao: we' dakhyo: Yoshu' re: naonhaung" qhid' au:4 mae gau" lo" li" nae". – Mo"so re: Amori' jhaung zug: Shihung: we' Oga' re re: phyo' sham" yu: ra" yao: bam: mang: re kaid' re" ru: ai: mang" byumyu" aja: ja: re re: kaid'5 li" nae". – Mo"so wa yao: bam re naon- haung" lo, mae qhaug' byid: lao" ngo mho: to" ra" khang" dao: we' dakhyo: yao: bam6 mae kaid' ca" genae". – Qam: pin" mung: vae" vae" qhao: ge, dagaung yug ge, yao: bam re dagyaug ge, Mo"so wa naonhaung" AsAng ngaid mung: naonhaung" we' daga" yao: yao: bocao: li" nae" ga: ta" kyo: qam: pin" ra".7 Dam: Yoshu' re khai: yu mung: nao qam: yu mung: vae" vae" za: qhao: wa, khoru: ga" re Mo"so wa ce: byu jham re byid: nae" ga: phug' pho" qe re dao: thang" to" ra" mang: khyo nao wa yao: bam we' daga" lo" mung: vao: sang: yu nhao ca"8 nae". – Nao we' daga" ngaid: ra" Mo"so wa ni" qhid' au: mae su" ye: mung: nao re mapye' malhae" nae" , dagaung yug damyid: ci". Nhag' myid dabyo, ga: Israel amyu" zo: qe alhab' geim" qhid' kheim: mae mho: ra".9 Ce: khang" dao: tarha" re Moshe tung" mung: Mo"so: dao: thang" bain" vo; ra" Levi amyu" khin jaung qe kao qi" ra" Israel amyu" zo: qe re qhaug' mung: pin: to: co'10 ru wa , – nhaid' zin lo" byang" mung: jeim jham re lhoe' nhao: ke' nae" tu" ka" to" ra"11 zin na khin zaung poe joe" lao". – Naon- haung" Mo"so aso: zhaug' ra" jo, qo mae Israel amyu" geim" yao" qhid' kheim: mae yao: yao" gaung re qhu" nae" zang" li" ko" au: mae ce: khang" dao: tarha" re volo mo, phaung: qhid' kheim: mae phaid' nghe' ca"12 nae". – Yaug gai myiqe: zoshao qe alhab' we' ni" vo mae khug ngha: na: bang" vo qe ba: gyo: yang: naonhaung" Mo"so re gyaug phug' mung: ce: khang" dao: tarha" alhab' geim" re cao" vegeshao: volo mo, phaung13 khai: zhang" ham: to: nhao ge, . – Ai ru: kaid' lao" maba: gyo: shi" ra" zoshao qe the' gyo: yang: naonhaung" Yodain: gyaung: gau" de; lo" mung: vao: sang nae" mang: mae lo" na: ra" dalo: gyo: mae naonhaung" Mo"so re gyaug phug' nae" tau: mae mho" xeim: yu: li" genae" ga: pin: to: co' va".14 Mo"so Moshe re mho: ru wa nao shid nae" ayo, jhao" va". Yoshu' re khai: jhui: mung: volo seim zaung khyo ye: ge, Ngo yao: re pin: to: co' nae" ga: Moshe re mho: ru we' dakhyo: Moshe we' Yoshu' wa volo seim zaung khyo qui" te' ye: ko" ra". –15 Mo"so wa volo seim zaung mae jham thaui: mae li" myhao" mung: jham thaui: wa volo seim zaung kham: dao mae taui"16 zhaug' to" ra". – Alao" Mo"so Moshe re qu" wa, nao wa ni" phug' pho"qe we' yab pyo" lo" byaug thao mae ce: amyu" qe wa to" yang: ana" ye" lo" na: mang: mae na ko" ra" labug: amyu" qe goe; pa" ko" ra" mo"so we' shaid' nghung: mung: Ngo re nhaung thao" phaug' ru we' Ngo khang" to" ra" dao: thang" re phyo' pye' li" genae". –17 Alao" Ngo nhag' gyid' mung: yao: bam re shelhaui" pye' nae". Yao: bam mae" Nga" myo, nho nyham" pye' nae". Yao: bam byo; qeim mung: qug: khai: kyi" khyag' aja: ja: thaung" qhug' genae". Ai lao" yao: bam wa nyhao: nhaung" Mo"so wa nyhao: nhaung" we' daga" mabo: na: ra" mathao ce: qug: khai: kyi" khyag' ru nyhao: nhaung" adao mae joe" ru ngaid: ra" mangaid: i" ga: ta"18 genae". – Yao: bam getau: mo"so shaid' khyo nghung" lo" mung: kaid' shaid' ra" qobo: mathao mae Ngo wa Nga" myo, khung: re yao: bam mae" dang dang19 nyham" pye' nae". – Ana" ce: nghaui" thoe re tung" to: ge, . Ai: nghaui" thoe re Israel amyu" zo: qe re mho" byid: ge, ai: nghaui" thoe wa Israel amyu" zo: qe: qhid' kheim: Nga" sagso: boe" na nae" tau: mae nhaid'20 xaui: qo" sho' ta" na vegeshao: . – Khoru: ga" re yao: bam: phug' pho" qe re dao: thang: mung: nung: nug' we' byo: yhid yug: ra" mang: khyo jhui" vhao" yang: yao: bam gyi: gyi: baug baug qhug' zo" ru we' xau lam: lateim" ngaid lao" getau: mo"so shaid' khyo nghung" lo" mung: goe; pa" lo" li" genae". Ngo re tau: lhain: mung:21 Nga" dao: thang" re phyo' li" genae". – Ai re" ru: qug: qae" kyi" khyag' qobo thaung" qhug' ra" au: ai: nghaui" thoe wa yao: bam we' gyo: mae sagso: boe" nae". Yao: bam: akaung ako' wa nhaid' xaui: magai: to" myid nae". Ngo dao: thang" to" ra" mang: khyo majhui" vao shi: re lhao" yao: bam: nhag' myid khoru: yaung: na ko" ru re22 Ngo ba: ra" ga: mho: ra". – Moshe re: ai: nghaui" caung: re tung" mung: Israel zo:23 myid: qe re mho" byid' ra". – Dam: Nun" yao: zo: Yoshu' re Mo"so wa qam: pin" thaug' qhao: wa, vae" ra" nhag' myid bo wa, Ngo dao: thang" to" ra" mang: khyo Israel amyu" zo: qe re jhui" vao zai ngaid: ra". Ngo nao we' daga" ngaid: na nae" ga:24 mho: ra". – Moshe wa ce: khang" dao: tarha" alhab' geim" re gelho: za: bin: tung"25 lao" , – Mo"so: dao: thang" bain" vo; ra"26 Levi zo: qe re khai: yu mung: , – ce: tarha" tung" dang: re yu mung: naonhaung" Mo"so: dao: thang" bain" anhae mae to" to: ge, . Ai wa ni" amyu" qe: tau: mae sagso:27 boe" nae" ngaid: ra". – Naonhaung" amyu" wa tau: lhain: nae" nhag' myid au: qao: ra" myid bo: ru re ngo ba: . Ngo kao daui mung: naonhaung" we' na shi" ra" au: lao" Mo"so re tau: lhain: veko". Ngo shid: byaug thao mae ai: tho' mae" je: tug' shai" tau:28 lhain" li" genae". – Naonhaung" akaung ako' mae" nhag' bo ade, qe zug: agyi qe re ngo jhao" zang" ham: li" nhao wa, yao: bam re ce: mung dao: alhab' ta" kyo: mung: yao: bam: qhid' kheim: mae mug: gaung myid gaung re mang lao: sagso: to: co' nae".29 Khoru: ein: re ngo shid: byaug thao naonhaung" lam: maug yao: nghung" lo" genae" ru re ngo ba: , thao phyao: Mo"so: qhid' kheim: mae shaid' nghung: mung: yao: yao" lo, mau" zo" yang yao: re nhag' zai" yho: ko" mathao mae naonhaung" qug: khai: kyi" khyag' we' thaung" qhug' genae"30 lhe" ga: mho" shid' ra". – Moshe Israel volo mo, phaung qe re ta" nghaui" kyo" ra" caung: nghaui" thoe jham wa , .