1 Byu shid' yaug: gyo: mae mau" zo" aqug: aqae" thug' li" yang: tarha" agyi qe re kug ko" au: din: main" ra" yaug re lhoe' ke' mung: makhyang" ra" yaug re aseim2 kaid' byid: ca" nae". – Makhyang" ra" yaug qobo dae khae: yu nae" main: qi" re tarha" agyi wa ai: yaug re yao" qhid' kheim: mae goe; jo, nhao yang: yao" qobo we' main:3 qi" nho" be, nhao zai ngaid nae". – Ngaid qere: byid xe dae mae" lai yang: magai: be, nae". Ai mae" jain" yang: be, lao" wa ni" mao: nhaung: pho" re saung" phug' mate' ru boe" nae" ru gaung yug ca" ra".4 Gaug nao" na: ra" nung" nhaid' re gyain magai: zhaung: byid: nae".5 Yham dayham mae za: na: ra" yao: mao: yao: nhaung: tao ho' mae" dayaug khyid lo; mabo shi" ru shid: ngaid: re shid yaug: yham sang myhi" wa mo, je getau we' ug' khug' magai: vai". Yao" yham sang pho" yao: nhaung: wa yao: bai: re cug' gaug mung: yao: bai: re caung gam: yu6 ca" nae". – Ai ru: mung: Israel amyu" mae yao: mao" nyaug mabyaug: lo" nae" tau: sao qhid' khau: ra" yaug gai nau" wa shid: byaug va" yao: pho" mo" anyaug akaung7 boe" zai ngaid nae". – Yao: nhaung: wa yao: bai: re cug' zam: nae" maqaid ngaid re , ai: myiqe: wa agyi nhag' bo ade, qe na: ra" vo kham" kham: dung: khyo ye: yang: nga" yham sang pho" yao: nhaung: wa Israel amyu" nyaug maxo' nug ngaid: ra". Yao: vin ca" qo re manug: vin vo, ngaid: ra"8 ga: ye: kug ca" nae". – Alao" vo mae" kao qi" ra" mo, wa ai: yaug re khai: yu mung: myid' ca qu" genae" ngaid: ra". Ai: yaug re: ai: myiqe: re ngo cug' mo" magaug nug ga:9 au: pyi no: ko ha: ngaid: re , – ai: myiqe: wa tarha" agyi qe: qhid' kheim: mae yao: jhao" qui" te' ye: mung: yao" khyid zhaung: re khyaid' pye' byid: yang: yao" myo, khung: mae khata: phoe" gyain: byid: yang: yao: mao" yham khaung re maxo' byid: nug yaug re ceru: kaid' ca" ga: yao: mho ca"10 nae". – Ai: ba na mae" Israel amyu" mae ai: yaug: yham khaung re khyid zhaung: khyaid' yham khaung: ga: mhang" genae" ngaid: ra".11 Yaug gai yao: cao: jho" zhaug' na ko" au: dayaug: yham sang myhi" wa qui" te' ye: yang: yao" yham sang pho" re bao" yu nae" ga: jho" zhaug' na ko" ra" yaug: byu sheim baung: zo: re ye: lao: byid' re12 wa , – ai: myiqe: myhi" lo, phyid' pye' ca" nae". Ni" myo, jid' wa yao: re magai: nhag' khyag' nae".13 Ni" thaung pyain mae jao laug: aqi: angai shid' ja: majho" dau: ru magai: ke' vin14 nae" . – Ni" yham mae jao lag: jo, lag aqi:15 angai re magai: to" to: nae". – Ni" Mo"so AsAng byid' ra" mang: din" mae nao kao qhang myo, myi: veshao: dang main" ra" jao laug: , dang main: ra" jo, lag re za: ci16 ca" nae". – Ai re" ru: mhug' zo: vhain" zo: nug: ra" mo, alhab' geim" re ni" Mo"so wa ca' ra".17 Nao Egutu mang: mae" phao: thug' mung: gyaung: su" lo: ra" au: , nao wa qam: ngo" mung: myaung: qhaid' na: ru18 mae , – ni" thao mae cao: lo: ra" qam: o: nang" ra" mo, re Amaled' amyu" qe gau: qhid' ngho' lham: tug' khaid' ko" akhyo re re: Mo"so re magyaug ko" ra" akhyo jham19 re re: myid: beim: wa, . – Ai ru: mung: ni" Mo"so wa ni" dai kham khae: yu nae" byid' ra" mang: din" mae ni" lhang" gam: mae na ko" ra" gye: lo, mae" ni" Mo"so nao re yaug yo myain cae: byid' ra" ayo, akhin: mae Amaled' byumyu" re mamyid: beim: lo: nae" tau: mae mug: gaung: agyid' mae" shao" pyaid' sho' se' mhain" khyo" pye' ca" nae". Nao ai re magai: to" myhid' nae" ngaid: .