1 Yaug gai dayaug yaug wa yham sang myhi" vhin" yu thao mae qobo daja: ja: the' myao mung: manug: jhui" zam" na lo: ngaid: re kao: tung" khye' tung" byid:2 mung: kao" ke' ca" nae". – Ai: myiqe" yham sang pho" yham mae" phao: thug' lo" thao mae getau dayaug: yham sang myhi" gai: boe" nae" akhang" qo" nae".3 Thao mae dam: yu: ra" yaug re: yao: re majhid' de, ma-o ngaui lo: ngaid: re kao: nae" tung" khye' tung" byid: yang: kao" ke' ru , ai: yham sang pho" shid yang: ngaid4 ngaid , – sao qhid' kao" ke' ra" yham sang pho" xug' wa ai ru: nyain: vho" ra" myiqe: re madam: gai: yu lo: , Mo"so: qhid' kheim: mae maca' majhaid' ra" mau" ngaid: ra". Ni" Mo"so wa ni" dai kham mug: myid Ma byid' ra" mang: mae yug: no qobo magai: joe" nae".5 Yham dang: ug' khug' asag' vai" ra" yaug wa mang: zin: magai: boye: nae". Zug: qe: mau" re: magai: bovin nae". Dazin: geim" yham mae na mung: yham sang myhi" re qu" gam khau: na ca" nae" ngaid: ra".6 Laug lhang tho' pye: ngaid ngaid , agyid' mae" pye: ngaid ngaid , khag' re: gau pai: jao: magai: ngha nae". Ai ru: ngha lao" byu: kao re ngha: ru we' dau: ra".7 Byu dayaug yaug yao" mao: nhaung: ngaid: ra" Israel amyu" byu re khug' yu mung: jeim toe' ru-aung: zo" ngaid: re ai: khug' yaug re se' pye' ca" nae" ngaid: ra". Ai re" ru: kaid' lao" nao mae yug: no qobo sham" shao: khyo" pye' ru ngaid nae".8 Ye, gyaid mau byin: boe" re Levi byu khin jaung qe nao re mho" shid' ko" ru we' dakhyo: gelho: za: cao" wa, . Yao: bam re9 ngo ta" to" ru ru: cao" pyang" wa , – Naon- haung" Egutu mae" thug' mung: gyaung: khyo mae naonhaung" Mo"so wa Miriam: re kaid' ra" mau" re myid: beim: ge .10 Ni" amyu" mae daja: ja: jhid' shai: au: ngha: to" ra" zai re yu nae" tau: yao" yham11 khug khyo gai: vao nae" mangaid: . – Nao wa yham taung gaung mae ye; jo mung: ai: yaug wa ngha: to" ra" zai taung gaung khyo12 ci: li" veshao: . – Ai: yaug wa myaung sho" ngaid: re yao: ngha: to" ra" zai re mabyid:13 lo: mug: bo" sho' magai: to: nae". – Yao: wa yao" mai bau: re ve, yang: yab mo" myhid' mung: nao re min byid: veshao: yao: ngha: to" ra" zai re ba vao lao" byid: yao: byid: ca" nae". Ai ru: kaid' ra" lo, mau" zo" ni" Mo"so: qhid' kheim: mae din: main" ra" mau" ngaid nae".14 Ni" sang: tin: ngaid ngaid ni" vogaung: mae li" khug: na: getau: amyu" ngaid ngaid myaung sho: yang: o kaung kaung: na15 yaug re magai: yhin" pyam" nae". – Ne, qug yao" o: kaung phug' byid: ca" nae". Mabyid: lo: ba magai: vao nhao. Yao: wa myaung sho: yang: qo" ang: ra" o: kaung phug' re za: myid: lam: na: . Mabyid: re yao: wa nao re qobo zhaug' mung: Mo"so ngo, yang: nao mae qobo zang joe" nae" ru ci" cang ngaid: ra".16 Yao: pho" wa yao: zo" mathao yao: zo: wa yao: pho" mathao mae gai: shid khae nae" mangaid: . Byu yaug khao: ngo" wa yao: yao" qobo: mathao mae za: agai: shid khae nae".17 Jho" ngag jho" byo; ra" mau" mae getau: byumyu" qe we' cug' zo: qe re magai: seim" nhao nae". Cug' mo" qe: ve18 mai bau: magai: ngha: yu nae". – Nao wa Egutu mang: mae jeim doe; qu" va" re re: , ni" Mo"so wa ai: mang: mae" jhui" thug' lo: ru re: myid: beim: ca" nae". Ai ru: mung: ce: khang" dao: re ngo to: va".19 Nao wa ni" yo thaung: mae gaug yaid: ra" au: to" myhid' to" ra" gaug dang: re magai: dam: yu nae". Nao zaui: so: kaid' ra" ja: khao: ngo" mae ni" Mo"so wa nao re min jhaung: byid: veshao: . Ai: gaug dang: wa getau: byu qe , cug' zo: cug' mo" qe:20 tau: mae to" to: ca" nae". – Ni" Zhainlun shi: be; khyo" ra" au: zaui" dang shi" ra" gu: re magai: be; khyo" yu lo: nae". Ai wa getau: amyu" qe , cug' zo: cug' mo"21 qe: tau: mae to" to: ca" nae". – Ni" sabyi' khyae mae sabyi' shi: phyo' yu: ra" au: shi: gyo" jham re magai: dam: phyo' yu nae". Ai: shi: gyo" jham wa getau: byu qe , cug'22 zo: cug' mo" qe: tau: ngaid veshao: . – Nao wa Egutu mang: mae jeim doe; qu" va" ru re beim: so: ca" nae". Ai mung: ce: khang" dao: re ngo to" to: va".