1 Byu shain: mangaid: lao" the' zai" qheim" mung: yaug gai: akhyung majab byang" ra" yaug gai wa Mo"so: volo mo, phaung mae gai: bovao nae" mangaid: .2 Mo" mabo: dae nau" re Mo"so: volo mo, phaung mae magai: bovao nae". Byu qae: daxe qae: magai: bovao nae".3 Amon: amyu" we' Mo"ba' amyu" qe re: Mo"so: volo mo, phaung mae magai: bovao4 nae". – Khoru: ga" re , naonhaung" Egutu mang: mae" phao: thug' lo: ra" au: yao: bam wa cinmain" we' qid ci yang: mali" tug ko". Nao re nhang: kheim: ke' nae" tau: mae Mesopotamia mang: Pethora: vo mae na: ra" Beora' yao: zo: Balam: re khai ko" mathao mae re: yao: bam mae byu daxe xag' joe" sho' Mo"so: volo mo, phaung mae5 gai: bovao nae" mangaid:. – Ngaid qere: ni" Mo"so wa Balam" dao: re matae" gyo: , nao re jhid' de, yang: nhang: kheim: re nao6 mae min boe" nhao: va". – Nao wa yao: bam na gai nae" , jo, nho"dai kham qo" nae" ru re dapyaid dato magai: bao" tau: to" nae".7 Edom: amyu" qe re kam" wa manug makhyaid' magai: kaid'. Yao: wa ni" mao: nhaung: ngaid: ra". Egutu byumyu" re re: manug makhyaid' magai: kaid' nae". Yao" mang: mae nao wa jeim doe; qu" va". –8 Yao: bam: amyu" akaung ako' jham wa byu sam qae: ngaid lao" Mo"so: volo mo, phaung mae gai: bovao nae" akhang" qo" genae".9 Nao gyevo re mang: khaid' nae" ye" lo" ra" au: matarha" ra" mau" alhab' re jao" lha"10 wa, . – Myi" mug: caid' yo, boe" ba: ra" mashao malho" ra" mau" zo" mathao: yang mashao lho" ra" yaug naonhaung" mae bo: re yao: wa thang no: jao: taung gaung khyo thug' ye: ca". Jo, qo khug khyo magai: vao11 nae". – Ba vao: lo" lao" yao" gaung cid' shao: pye' yang: ba khye' vao: lo" thao mae12 she, na jo, qo khug agai: vao lo nae". – Nao ngha ye: nae" jo, qo re: thang: no: jo, qo13 taung gaung khyo ngaid ca" nae". – Taung gaung thug' ngha ye" ra" au: zaung: bao" yang dung: khung: dau: mung: ngha ye: ca", bin lao" dam: sai" bam" nghoe' to: ca"14 nae". – Khoru: ga" re , ni" Mo"so wa nao re khyaid' yu mung: gyevo jham re ni" lo, mae qhaug' byid: nae" tau: mae ni" gye qe, jo, qo khug mae su" qin" ra". Amung: ni" jo, qo mae mashao malho" ru daja: ja: re the' myao yang: nao mae" majao" veshao: ni" jo, qo wa shao lho" ca" nae".15 Byu sang dayaug jhao" mae" phao mung: nao jhao" joe" lo: ra" jeim re jeim sang: lo, mae magai: dam: qhaug' nae". –16 Ai: yaug wa yao: na nug: ra" jo, qo ni" vo gaung: davo vo mae nao jhao" mae khug ngha: na shao: yao: re gai: pyam" yhin" nae" mangaid: .17 Israel amyu" zomyi: qe mae yaug zhang: myhi" magai: na nae". Israel amyu" yaug gai qe mae yaug gai qe o ngaui: khyo: ba: kaid' cao" ra" myiqe: lho she' ru magai:18 na nae". – Yaug zhang: myhi" kaid' yang: qo" ra" ngaui , lakha: aung: yang: qo" ra" ngaui re dao: so: to: nae" tau: ni" Mo"so: yham khug khyo magai: vhao" nae". Ai ru" ngaui wa ni" Mo"so: qhid' kheim: ca" pho: ngaid: ra".19 Ni" amyu" yao: cao: ngaui , zo: shaug' pho: we' jhid' shai: ru pe" ja: mae re: apai:20 gai: yu nae" mangaid: . – Getau: labug byumyu" mae apai: yu yang: gai: jhid' gai: shai: . Nao lo" vao: sang nae" mang: mae nao kaid' mau" ja: khao: ngo" mae ni" Mo"so wa min jhaung: byid: veshao: amyu" yao: cao: mae ngaui pai: yu yang: magai: jhid' shai nae".21 Ni" Mo"so re dao: so: to" re to" ru we' dakhyo: zaui" pyang" ca" nae". Mazaui" pyang" re ni" Mo"so wa dang dang yao: mho' li" nae". Mazaui" so" pyang" lo: na:22 na: re nao mae qobo qo" nae". – Dao: so:23 mato: lo: na: re qobo maqo". – Ni" Mo"so AsAng re nao yao: o ngaui: khyo: nao dao: so: to: mung: nhaid' ta" ra" dao: re: dang veshao: dao: so: to" ru we' dakhyo: zaui: so" pyang" ca" nae".24 Ni" yham kyo: cao" sabyi' khyae khyo nao vao ye" re nao gyi: sho' gai: yu zo: nae". Ngaid qere: yham vin bo sho' magai:25 yu nae". – Ni" yham kyo: byin cao: pho" yo thaung: khug khyo vao ye" re gaug ce' re lo; yang gai: phyo' gai: phaug' zo" , ngaid qere: lagam" yang magai: yu nae".