1 Ni" mao: nhaung" yao , nung: jaung khyo nghung: lae" qin" ru re nao the' myao: re magai: qu" to: nae". Ni" mao: nhaung: pho" jhao" joe" sho' keim" qhaug'2 dai" byid: ca" nae". – Ni" mao: nhaung: va: yang: yao: re maba yang: ngaid: re ai: yao , nung: jaung re ni" yham khyo keim" lo" ca" nae". Ni" mao: nhaung: pho" qho: thug' li" mung: yao" lo, mae qhaug' byid' ra" ayo, joe" sho' ni" yham mae zaung" na byid: ca"3 nae". – Myao: ngaid ngaid; mai bau: xug' khye' ngaid ngaid ni" mao: nhaung" zai: daja: ja: byaug mung: nao the' qhug' myao: re maqu" to: lo: ai we' dakhyo: kaid' ca"4 nae". – Ni" mao: nhaung" myao: , nung: jaung khyo mae lang" jo; ru re magai: qu" to: nae". Mao: nhaung: pho" we' bao" tau: to" ke' byid: ca" nae".5 Myiqe: wa yaug gai: mai bau: magai: ve, yaug gai re: myiqe" mai bau: magai: ve, . Ai re" ru: ve; ra" mo, alhab' re ni" Mo"so wa gyai ca' ra".6 Sag' gae mae" ngho' said' mae ngho' zang ngho' au" ngho' nau" jham re ab' na: ru re nao the' myao: re ngho' nau" we' daga" ngho' zang re magai: sham" yu7 nae". – Nao na gai: ye, gai kao qhang nae" tau: mae ngho' re yu lao" ngho' zang nhao: ke' ca" nae".8 Ni" yham khaung dao mae" byu byid: gyo" shid mung: nao yug: no maqhug' veshao: yham kaid' ra" au: yham mhao: mug: lhang" gam: akham" kyae" to: ca" nae".9 Sabyi' khyae mae getau: myug: shi: magai: bolhau: lhag' qho: nae". Ai ru: qho: lao" amyug: ashi: sabyi': shi: shid' ja" geim"10 aqeim abyao" boe" byaug: li" nae". – Myao: we' nung: jaung re zham" yang: yo thaung:11 magai: phaug' nae". – Da-au khyang we' sug' khyang lhag' yang: qo; ra" mai re magai: ve, nae".12 Nao ve; ra" mai thao bau: thao mae bau: myho mai myho te' ca" nae".13 Byu dayaug yaug wa yham sang myhi" yu mung: lo, xo' thao mae ai: myiqe: re14 majhid' de, lo: mung: , – ngo ce: myiqe: myhi" lo, xo' yu: ra" au: zomyi: magyang" ra" akhyo re ba va" ein: ai: myiqe: re qho'15 phyo' ru we' jung" ngaid: re , – ai: myiqe" myhi" pho" tao wa yao: zo: wa zomyi: agyang" ngaid: ga" sagso: re ci yang: vo mae kao qi" ra" ade, jham na: ra" vo kham"16 kham: dung: khyo ye: mung: , – ai: myiqe: myhi" yao: pho" wa nga" zomyi: re ceyaug re byid: va". Yao: wa nga" zo: re manug17 mung: , – ni" zo: zomyi: agyang" mangaid: ru re ngo ba va" ga: mho mung: jung" khyo re qho: ra". Ngaid qere: ceru wa nga" zo: zomyi: agyang" ngaid: ga" sagso: ngaid: ga: kao qi: mo, re ta" kyo: mung: mai shae"18 re lao" lhag' qhu" nae" ngaid: ra". – Alao" vo mae kao qi" ra" ade, qe wa ai: yaug re be, mung: ngaui dajoe: yug: khyug' nhao mung: myiqe" yao: pho" re byid: ca". –19 Khoru: ga" re Israel amyu" zomyi: re myo, nho nga: lao: re ai: yaug phyo' va" ra". Ai: myiqe: yao" yham sang myhi" boe" ca" nae". Dapyaid dato geim" magai: gao:20 nae". – Mangaid: lao" yham sang pho" ta" dao: dang yang: ai: myiqe: zomyi: agyang"21 ngaid: ga" sagso: mabo ngaid: re wa , – ai: myiqe: re myhi" pho" yham kham: dung: khyo jhui" lo" mung: ai: vo mae" yaug gai alhab' geim" laug baui: yang ceim" pye' se' pye' ca" nae". Khoru: ga" re ai: myiqe: wa yao" myhi" pho" yham mae na: au yaug zhang: kaid' mung: Israel amyu" mae magai: ra" mau" re kaid' venhaung. Ai re" ru: naonhaung" mae yug: no re sham" shao: pye' ca" genae".22 Ug' khug' myhi" zang we' getau: yaug gai dayaug na: shaid' ko" ru re , ai: yaug gai we' myiqe: shid' yaug wa se' pye' ru qhug' genae". Ai re" ru: yug: no qobo re Israel amyu" mae"sham" shao: khyo" pye' ca" nae".23 Zomyi: re yaug gai dayaug we' ug' khug' vai" thao mae getau: yaug gai dayaug we' vogaung: mae jho" the' myao yang: na:24 shaid' ko"re , – ai shid' yaug: geim" re vo kham" kham: dung: khyo she: thug' ye: yang: laug baui: yang shid sho' pye' se' ca" nae". Myiqe: wa vo khug mae angaid: ru mahug' ke' mata" ke' ra" mathao yaug gai wa su: myi: re nga: khyoe' ra" mathao mae yao: shid' yaug wa se' pye' ru qhug' ca". Ai re" ru: naonhaung" mae yug: no qobo re sham" shao: khyo" pye' ca" genae".25 Zomyi: dayaug re yaug gai dayaug we' ug' khug' vai" thao mae getau: yaug gai wa ai: myiqe: re seyo segae: mae the' myao mung: deim: so: zag' na: shaid' re wa ai: yaug gai re za: shid sho' se' pye' ca"26 nae". – Ai: myiqe: myhi" pe" re: gai: kaid' nae" mangaid: , yao: mae shid main: qi" ra"27 yug: no qobo mabo ngaid: ra". – Khoru: ga" re yaug gai wa myiqe: myhi" re khyo mae qhug' mung: myiqe: zag: gyi: hug' ngaid qere: li" khyaid' yu nae" byu mabo: ra" mathao mae byu yao: cao: jho" se' ru ru: boe"ra".28 Yaug gai we' lo, maxo' ug' khug' mavai" shi" ra" zomyi: re getau: yaug gai wa the' qhug' myao mung: zhab' she: yu yang: na:29 shaid' ru re the' myao: re , – ai: yaug gai pho" wa myiqe: myhi" yao: pho" re ngaui ngo" xe re yug: khyug' ca". Ai: myiqe: re: yao" yham sang myhi" boe"ca" nae". Yao: re myo, nho nga: khyoe' ra" mathao dapyaid30 dato magai: kao" pye' nae". – Byu khag' re: yao: pho" we' tin" ra" yao: pho" yham sang myhi" we' ug' khug' vai" magai: zam" khug nae".