1 Ni" Mo"so AsAng nao re byid' ra" mang: khug dakhyi" khyi" mae byu shid mao the' myao mung: khag' se' ru maba ngaid: re , –2 nao mae na: ra" nhag' bo ade, qe we' tarha" agyi qe ye: qu" mung: ai: jo, qo lhang" gam: mae" vogaung: jham re cao" ka" tau" qu" ca"3 genae". – Su shid mao we' je: jhao" thao" ra" vogaung: mae" kao qi: mo, wa nung: kyau: mavin: qu" shi" ru , nhao zo: maga" shi" ru nung: jaung nau" yu mung: , –4 yothaung: re: makaid' qho vo: re: maqho: lo: yug: na: ra" qid zo: gyaung: khyo she: ye: mung: ai: qid gyaung: mae nung: jaung:5 lang zang: zin" phyid' bin lao" , – Levi zo: myid: khin jaung qe qui" te' ye: mung: ni" Mo"so: mau" vin nae" we' yao" mang khyao: mae min byid: nae" tau: mae Mo"so yao: bam re khyin: yu va" ru mung: aqug: aqae" , se' da: be, khyaid' mau" zo" jham re yao: bam: nhaid' dao: thoe: yang ta" phyid'6 byid: ca" nae". – Su shid mao we' jhao" thao" ra" vogaung: mae" kao qi: mo, wa ai: qid gyaung: mae lang zang: zin" phyid' ra" nung: jaung bae: adao mae yao: bam:7 lo, re cid' mung: , – ngonhaung" lo, wa sa: ce re mazai" yhug'. Ngonhaung" myo,8 jid' yang mamyao. – Mo"so AsAng we" nao khyaid' khyi: yu: ra" Israel amyu" re nhag' myain: wa, wo". Shid nae" mamain: qi" ra" yaug re se' ra" yug: no qobo wa AsAng: byu Israel amyu" qe: dao mae majoe" shao: wo" ein: ta" tau" byid: ca" nae". Ai: ru: kaid' lao" byu se' ra" yug: no qobo mae"9 loe, genae". – Nao ai re" ru: din: main" ra" khyo: Mo"so: qhid' kheim: mae zaui: so: lao" shid mamain: qi" ra" yaug: sa: re nao mae" cid' shao: pye' nae" ngaid: ra".10 Ni" gyevo re mang: ye: khaid' re ni" Mo"so yao: bam re ni" lo, mae qhaug' byid: mung: nao qhug' the' sham" yu: ra" au:11 mae , – nao qhug' the' sham" yu: ra" mo, mae gaung khyao yaung" lho" ra" myiqe: re myao mung: ni" yham sang myhi" poe"12 nug: ngaid: re , – ni" yham khyo jhui" lo" mung: yao" xae re qaug: pye' ru , lo, sang:13 jham phyid' pye' ru kaid' yang: , – the' sham" taung" yu: ra" au: mae" ve, mai bau: re khyaid' shao: pye' nhao mung: lho" mo" dakhye' geim" myhi" pho" re myid: beim: ngug zo" re" ni" yham mae na thao nao wa yao: re yham sang myhi" agai: poe" yu14 nae". – Thao phyao: nao yao: re majhid' de, lo: ngaid: re yao: nug: khyo lo" veshao: . Yao: re myo, nho nga: khyoe' byid: va" mathao yao: re magai: aung: zo: nae" , jeim re" ru: magai: nhao zo: nae".15 Byu dayaug yaug yham sang myhi" shid' yaug qo" mung: dayaug re jhid' de, dayaug re majhid' de; ru tao zoshao khau mung: , sao qhid' khau: ra" yaug wa16 majhid' de; yaug: zo:qhid' ngaid: re , – ai: yaug gai pho" wa yao" jo, nho" Ma gae byid' ra" au: mae majhid' de; ra" yaug: yao: zo: to" to: mung: yao: jhid' de; ra" yaug: yao: zo: re zo:qhid' aya: jo, qo mae magai: tha"17 to' nae". – Majhid' de; ra" yaug: yao: zo: re: zo:qhid' angaid: ru re yhin: yang: shid' gae bam jo, nho" Ma byid: ca". Khoru: ga" re ai: zoshao wa yao: pho" qam: o: aqhid' ngaid mung: mao: mo" aya: wa yao" re" ngaid: ra".18 Kho khoru: myhi" pho" qe mae mashab makhyang: myhi" pho" mho dao: magyo" ra" zoshao , myhi" pho" mho" shid' dao: re makhae: yu: ra" zoshao dayaug yaug na:19 ngaid: re , – myhi" pho" qe wa vo kham" kham: dung: khyo zhab' she: ye: mung: ai: vo mae" kao qi: mo; qhid' kheim: khyo20 jhui" ye: mung: , – ngotao: yao: zo: ceyaug mashab makhyang" ru we' magai: nhag' myid bo mung: ngotao myhi" pho" mho" shid' dao: re matae" gyo: lo: zo" ze shaug' ze yaug ngaid: ra" ga: vo mae" kao qi" ra" nhag' bo ade, qe re ta" kyo: ca" nae". –21 Alao" ai: vo mae" yaug gai alhab' geim" wa ai: zoshao re laug baui: yang ceim" pye' se' pye' gezai ngaid nae". Alao" she, nao mae" magai makhyang" yug: no shao: pye' yang: Israel amyu" zo: qe ai: lau dao: re the' gyo: mung: gyaug genae" ngaid: ra".22 Shid main: qi" ra" byu dayaug re pyao:23 zang mae cui" lhao" se' ngaid: re , – su shid mao re pyao: zang mae magai: to" yhab' , ai: ba jao" yao: shaung: nyhab' pye' ca". Ai: yaug wa nhang: kheim: phau: yaug ngaid: ra". Naonhaung" Mo"so byid' ra" ni" dai kham Ma mug: myid wa anyain: avho: maboe" nhao nae" tau: mae ai: re" ru: kaid' ca" nae" ngaid: .