Tatrha" Mho" Kyang:-20

(SHAO GYANG" JHAM: PAUG' )

切换到福音影视网-新版圣经

  • 1 Gyevo qe re nao mang: zin: ye" ra" au: myao: we' gye khe' lhin" jham re re: nao tho' je: myo: mo, re the' myao lao" nao yao: bam re magai: gyaug. Nao re Egutu mang: mae" jhui" lo: ra" ni" Mo"so wa nao we'
  • 2 daga" na: . – Gye khaid' nae" ngaid lao"
  • 3 khin jaung pho" qui" ye: mung: , – Israel amyu" zo: qe we" ana" ba naonhaung" seim" na veko". Ai ru: mung: nhag' lam: dathao" , dagyaug: nin" , gyaug din ci"
  • 4 ra" nhag' myid dabo ge, . – Khoru: ga" re naonhaung" Mo"so AsAng wa gyevo khaid' mung: naonhaung" re khyaid' khyi: yu nae" tau: mae naonhaung" qhid' au: khyo ye" lo" va" ein: byu jham re ta" kyo: ca" nae". –
  • 5 Gye zug: qe re: yham kaid' to: mung: yham mavao shi" ra" mo, khag' bo ko" , ai: yaug wa yham khyo dam: lo" shao: , gye mae ye: shid: byaug: re su geje vao: yu: pye'
  • 6 nae" ru gaung yug ca" ra". – Sabyi' khyae qho" yhaug' to: mung: ashi: mathe' phyo' zo: shi" ru khag' bo ko" , ai: yaug wa yham khyo dam: lo" veshao: , mangaid: re gye mae ye: shid: byaug: re getau: byu dayaug wa ai: sabyi' shi: re phyo' zo: nae" ru re
  • 7 gaung yug ca" ra". – Myiqe: we' lo, xo' mung: mazam" shi" ra" byu bo: re yao" yham khyo dam: lo" veshao: , kho khoru: gye mae ye: shid: byaug: re getau dayaug ai: myiqe: re yu: pye' byid: nae" ru re gaung yug o: do ca" ra".
  • 8 Alao" gye zug: qe mae gyaug: nhag' myid bo mung: nhag' lam: gyug' ra" byu khag' bo ko" ngaid: re yham khyo dam: lo" veshao: . Ai ru: mangaid: re yao" mathao mae getau byin cao: qe nhag' lam: bogyug' lo" genae" ru re gaung yug ca" ra" ein: byu
  • 9 jham re ta" kyo: ca" nae". – Gye zug: qe wa ai re" ru: bin: ta" lao" sin: thu qe wa byu jham re gye khaid' to" ye" lo" nhao genae" ngaid: ra".
  • 10 Nao wa vo davo khyo gye khaid' nae" te' ye" ra" au: mang: gai nae" khyo re sao
  • 11 qhid' ta" ca" nae". – Ai: vo wa mang: gai dao: ta" mung: vo kham" kham: phung" to: ko" ngaid: re ai: vo mae" mo, alhab' geim" nao mae khang" daug ke' mung: ni" mau"
  • 12 re zaui: so: vin vo, ca" genae". – Mangaid: lao" pe" dao: madam: tug' lo: nao re gye
  • 13 khaid' ko" ngaid: re , – ai: vogaung: re lhang" kham" to: mung: ni" Mo"so wa ni" lo, mae qhaug' byid' ra" au: yaug gai na mae: na re shae lhae: yang se' pye' ca"
  • 14 nae". – Myiqe: zoshao gug' nyhug' jham mae" dadu ai: vo mae the' myao: ra" jo, nho" alhab' re yao: yao" tau: sham" yu mung: ni" Mo"so byid' ra" gyevo: lo, mae qo" yu: ra" jo, nho" jham re zo: shaug' nae"
  • 15 ngaid: ra". – Ce: byumyu" na: ra" vo mae" jain" yang: nao we' va" ra" vo jo; ra" gu:
  • 16 re re: ai we' dakhyo: kaid' ca" nae". – Ni" Mo"so ni" dai kham: tau: mae byid' ra" ce: amyu" qe na: ra" vo jham mae kao bo so' she: ra" xaosu byu dayaug re re:
  • 17 adaui gai: nha: to: nae" mangaid: . – Hiti byu , Amori' byu , Khanain: byu , Phirizi byu , Hivi byu , Yebuti byu qe wa yao: bam: mo"so mae kaid' ra" maca' majhaid' akhyo re naonhaung" re mho" byid: mung: naonhaung" Mo"so AsAng re mazai" shaid'
  • 18 veshao: . – Ni" Mo"so AsAng khang" to" ru we' dakhyo: ai: byumyu" alhab' geim" re shao" pyaid' sho' phyo' qheim" mhain" pye' ca" nae".
  • 19 Vo davo vo re khaid' lhaid' nae" myao" myao" lhang" kham" ci va" ngaid: re sag' gae vobao jham re nao gai: thau nae" mangaid: . Ai: ashi: jham re nao phyo' zo: nae" ngaid: mathao mae magai: thau:
  • 20 pye' nae". – Ngaid qere: ashi: magai: zo" ra" sag' gae jham thau: lhang: mung: nao khaid' lhaid' yu nae" vo re qo" aung sho' lhang" gam: khyae kyae" zai gai: thau nae" ngaid: ra".
回到本卷目录 回到本版本目录 回到首页