1 Ni" Mo"so byid' ra" 'mang: mae na: ra" byumyu" jham re ni" Mo"so sham" khyo" pye' yang: nao wa yao: bam: na jao: mae vao: na mung: yao: bam: vogaung: , yao: bam: yham mae vao: sang: na: ra"2 au: , – ni" Mo"so AsAng vao: sang nhao: mang: din" khug mae vo sam vo re khyin:3 nyhang" to: ca" nae". – Byu the' zao" se' qhug' ra" mo, khag' ngaid qere: ai: vo khyo qo" phao: khug sho' ni" khyao kham khyao khae" tau: mae ni" Mo"so byid' ra" mang: re sam gao khyo" mung: hau" mo" khyo re re: nyhang" to: ca" nae".4 Byu: kao re the' zao" thaung" se' mung: yao" kao loe, nae" tau: ai: vo khyo phao: khug nae" ra" yaug: akhyo wa ceru: ngaid:5 ra". – Byu dayaug yaug byin cao: we' seyo khug sag' thau nae" ye" lo" mung: sag' thau: au: vo: zaung: zhaug' shoe: daid: thug' lo" mung: byin cao: pho" re lo" the' zao" yang: byin cao: pho" re se' ra" khyo" boe" ru we' thaug ga: makaid' ru mabeim: maso: the' zao" se' ra" yaug wa ai: vogaung: khyo phao: khug mung: kao loe, zai ngaid:6 ra". – Ai ru: ngaid: re dae co' phaug' nae" yaug nhag' gyid' yang: byu se' yaug re cao" khe' yang: phao khyo va" mathao cao" myhi lao" se' pye' li" nae". Ai ru: gai: kaid' nae" mangaid: . Khoru: ga" re yao: wa byin cao: pho" re manug makhyaid' nhag' myid mabo: ra" mathao se' nae" mamain: qi"7 ngaid: ra". – Ai: mathao mae vogaung: sam vo re nao nyhang" khyin: to: ca" nae" ein:8 ngo khang" to: va". – Ana" ba ngo nao re khang" to" ra" gu: alhab' re cao" zo" re" ni" Mo"so re jhid' de; ra" nhag' myid we' yao"9 gau: khyo re cao" na nae" ru mae , – ni" Mo"so ni" phug' pho" qe re byid: nae" ga: dang: to" ra" mug: myid alhab' nao re byid: mung: ni" phug' pho" qe re dao: thang" to: va" ru we' dakhyo: ni" mug: myid re ce"10 lae: lo nhao: re , – ni" Mo"so wa nao vao: sang nae" byid' ra" dai kham mug: myid mae shid nae" mamain: qi" yang shid qhug' yang: byu se' ra" qobo ni" adao mae majoe" shao: , ana" ta" to" ra" sam vo mae getau sam vo re dam: laung" nyhang" to: ca" shi: nae".11 Dagau: wa byin cao: pho" re manug nhung: myid we' kung" mung: yao: re shid sho' kaid' ra" yaug wa ai: vo davo khyo phao:12 joe" ngaid qere: , – yao: na: ra" vo mae" kao qi" ra" mo, byu re nhao: ke' mung: ai: yaug re jhui" yu yang: dae co' phaug' nae"13 yaug mae qhaug' byid: ca" nae". – Ni" myo, jid' wa yao: re nhag' magai: qu" myain: nae". Nao na gai gaug qo" veshao: byu se' ra" yug: no qobo Israel amyu" mae" sham" shao: khyo" pye' ca" nae".14 Ni" Mo"so AsAng wa nao re sang: yu nae" byid' to" ra" mang: mae nao qo" yu: ra" dai kham mug: myid mae qhid' phyao: mae" na xug' jham zhaug' to" yham kyo: pho" kyo: dam: zang re magai: qhui: nae".15 Byu dayaug yaug zaui: so" shaid' qobo zai" shaid' ra" yug: no re ca: qu" ra" au: sagso: dayaug za: ngaid: re dao: magai: phyid' , sagso: shid' sam yaug: dao: kheim"16 yang gai: gang" tang: ra". – Madang mamain" ra" sagso: dayaug yaug wa byu getau: akhyo re madang mamain: sagso:17 kaid' re , – mau" zo" jho" tug: ra" shid' yaug wa Mo"so: qhid' kheim: , ai: ayo, mae" khin jaung pho" we' tarha" agyi: qhid'18 kheim: khyo li" yang: , – tarha" agyi qe wa gelho: za: ca:qu" mung: ai: sagso: wa mhug' ra" sagso: ngaid mung: yao" byin cao: pho" akhyo madang mamain: sagso: kaid' ru19 dang: ngaid: re , – yao" byin cao: pho" re kaid' nae" myid: to" ra" khyo: yao: re she, kaid' zai ngaid nae". Alao" mashab makhy- ang" ra" yug: no qobo nao mae" sham"20 shao: khyo" ru boe" nae". – Alao" byu geje re: ai: lau dao: the' gyo: mung: gyaug: ru we' thao phyao: ai ru" yug: no qobo21 makaid' lo: za: na: ye" lo" li" genae". – Ni" myo, jid' wa yao: re nhag' gai: qu" myain: nae" mangaid: , kao: tau: mae kao , myo, jid' atha" myo, jid' , zaui: atha" zaui , khyid lo; atha" khyid lo, lage, phaug' ca" genae".