1 Levi amyu" khin jaung ga" ra" mo, we' Levi zo: qe alhab' wa Israel amyu" getau re" ru: gae bam we' Ma dai kham maqo" ko" mung: Mo"so re caung da" ra" phaid' ngaui" xeim: jham re zo: shaug' gezai ngaid2 nae". – Ai ru: mung: yao: bam wa mao: nhaung: qe re" ru: dai kham Ma mathe' khae: yu ko". Mo"so: mung dao: jo; ru we' dakhyo: Mo"so wa yao: bam: dai kham Ma3 ngaid ko" ra". – Mang: byu qe xeim: caung da" byid' ra" nung: jaung ngaid ngaid , yao ngaid ngaid khin jaung pho" qo" nae" ru wa lo, sin dasin bo: qae shid' shaid' sang:4 au jham re re: , – sao qhid' jham" yu: ra" gaug , sabyi' qang: , xau , yao mug' re byid:5 gae ca" nae". – Khoru: ga" re yao: we' yao" zo: myid: qe apyaid ato mae Mo"so: mang khyao: we' yao" mau" vin vo, nae" tau: ni" Mo"so wa ni" amyu" qe: khug mae" nao re khyin: yu va".6 Israel mang: vogaung: jham mae khug ngha: ra" Levi byu dayaug yaug wa Mo"so aso: zhaug' to" ra" jo, qo re lam jang" ra" nhag' myid bo yang: joe" li" ngaid: re , –7 Mo"so: qhid' kheim: mae ye; na ko" ra" Levi mao: nhaung: qe we' da ru: za: yao"8 Mo"so: mau" re vin vo, shao: . – Yao" jo, nho" dai kham aung: yang: qo" ra" zai yo mae" jain" yang: getau: mao: nhaung: qe we' daru: za: qo" khae: yu nae" ngaid: ra".9 Ni" Mo"so byid' ra" mang: din" khyo nao lo" vao: sang: ra" au: ai: mang: mae na xug' byumyu" qe kaid' ra" maca' majhaid' mau" jham re bokaid' cao" nae" khyo:10 magai: mho" yu nae". – Yham sang: zo: dau qe re myi: mae phaid' ngaui" ra" yaug , boe, phyid' ra" yaug , lapa pa yaug , kheim: ke' ba yaug , ba: vha" yaug , –11 magai: ra" juyi bo yaug , ba: no" yaug , subyo ba: khai yaug , yui ba: khai: vhao" yaug , geim phain" phain" yaug dayaug re: naonhaung" mae dayaug re: magai:12 na nae". – Ai re" ru: ba: kaid' ra" mo, alhab' re Mo"so gyai ca' ra". Ai ru" maca' majhaid' mau" mathao ni" Mo"so wa ai: byumyu" jham re ni" qhid' kheim: mae"13 khe' thug' pye' va". – Nao wa ni" Mo"so AsAng: qhid' kheim: mae lam: lang" ru14 ngaid ca" nae". – Nao ug: sang nae" ai: amyu" jham wa lapa pa: ra" mo, we' boe, phyid' ra" mo; dao: re tae" gyo: lam jang" mo, ngaid ko" ra". Nao kam" wa ai ru: bokaid' nae" ni" Mo"so akhang" mabyid: ngaid: ra".15 Ni" Mo"so AsAng wa ni" amyu" khug mae ngo we' dau: ra" lapa dayaug na: thug' li" nae". Ai: lapa: dao: re tae" gyo: ca"16 genae". – Horeb bam mae ham phaung: ra" ba mae nao wa thao phyao: Mo"so: dao: thoe re ngo mathe' gyo: lo: veshao: . Ai: khyeim" mo" myi: re ngo madam: myao lo: shao: ngo shid nae" ru re gyaug: ci" ra" ga: ni" Mo"so: qhid' kheim: mae mho' bain"17 ru we' dakhyo: , – Mo"so re: yao: bam:18 dao: thoe wa jo main: ra" , – naonhaung" amyu" khug mae nao ru" ru lapa dayaug re naonhaung" tau: mae ngo nhao: ke' nae". Ai: lapa pho" nhaid' mae Nga" dao: re ke' byid: yang: Ngo khang" to" ra" gu: alhab'19 yao: bam re xo' ta" kyo" li" nae". – Ai: yaug Nga" mang khyao: we' ta" kyo" ra" Nga" dao: re khoyaug matae" gyo: re ai: yaug re20 Ngo qeim: mho" nae". – Ngo makhang" to" ru Nga" qid: vin yang: qam: qo" taung" ta" hau" ra" lapa getau: mo"so: mang khyao: khyo" ta" hau" ra" lapa wa shid sho' se' ru21 phau: nae" ga: ngo re mho: ra". – Nao re: Mo"so ta" ra" dao: ngaid: ru mangaid' ru re ngonhaung" wa khoru: gai: ba nae" i"?22 ga: myid: nghae" re , – ai: lapa pho" wa Mo"so: mang khyao: re lao: mung: ta" ra" khyo: maboe" , yao: ta" ra" dao: magyang" dang ai wa Mo"so: dao: mangaid: ngaid: ra". Ai: lapa qam: qo" taung" ta" va". Nao yao: re pe" gyaug ci" maca".