1 Abi lho" khye' re xam" to: mung: lai: loe, poe re kaid' wa, ni" Mo"so wa Abi lho" khye' myi" ayo, mae Egutu mang: mae"2 jhui" pyaung" thug' yu va". – Mo"so: mang khyao" tau: khyin: to" ra" jo, qo mae yao , nung: jaung jham re caung da" mung: ni" Mo"so: tau: lai: loe, poe re kaid' ca" nae". –3 Nao wa Egutu mang: mae" thug' lo: ra" ba na re dapyaid dato myid: beim: nae" lai loe, poe ayo, mae main" bo: ra" cinmain" magai: zo: , main" phaui: make' ra" qug: khai: cinmain" re nhaid' ba byang" sho' zo: ca" nae". Khoru: ga" re nao wa Egutu mang: mae" hin so: ladain phao: thug' lo: ru4 ngaid: ra". – Ni" mang: din" mae nhaid' ba geim" main" phaui: bo: ra" cinmain" magai: jo, nae". Sao qhid' ba myi" mae caung da" ra" xeim: sho: re damyi geim" ne, seim joe"5 sho' magai: tang" to: nae". – Ni" Mo"so byid' to" ra" vo khao: vo ngo" mae lai: loe,6 poe re gai: kaid' ru mangaid: , – ni" Mo"so: mang khyao: tau: khyin: to" ra" jo, qo mae nao Egutu mang: mae" thug' lo: ra" ayo, ba vao myi" ayo, mae lai: loe, xeim: re caung7 da" ca" nae". – Ni" Mo"so khyin: nyhang" to" ra" jo, qo mae myi: mae kao: nyho' zo: bin lao" mug: bo" ne, seim mae yham khyo8 agai: phao nae". – Khyaug' ba geim" main" phaui: mabo: cinmain" re zo: ca" nae". Nhaid' ba: ne, mae ni" Mo"so: tau: ham phaung kaid' ca". Ai: ba pe" mau" magai: kaid' nae".9 Ba na nhaid' ba dadug no: nao mhai" to: nae" ngaid: ra". Byao gin vao lo: ru mae" ba10 na nhaid' dug no: nao qug: to: wa,. – Ai: ba na nge, lao" ni" Mo"so: tau: nhaid' ba: poe re nao kaid' mung: ni" Mo"so nao re min byid' ra" nho" mae" byid: nug: ra" jhaung qhu" re11 ci: li" ca" nae". – Ni" Mo"so: mang khyao: tau: khyin: to" ra" jo, qo mae ni" Mo"so: tau: mae nhaid' dug no: poe kaid' mung: zo: dau qe jeim pho" jeim myhi" qe , ni" jo, qo mae li" khug: na: Levi zo: qe , bang" vo qe , cug' zo: cug' mo" qe , ngaui bau: ngaui yao12 na gezai ngaid: ra". – Nao wa Egutu mang: mae jeim doe; qu" va" akhyo re myid: beim: mung: ce: khang" dao: jham re cao" pyang" na: ye" lo" ca" nae".13 Ni" gaug zo we' sabyi' qang: re bin: jham" yu thao mae nhaid' ba byang" sho'14 khin zaung poe re kaid' ca" nae". – Ai: poe: ayo, gu: mae nao yao: re: ni" zo: zomyi: zolau: , jeim pho" jeim myhi" nao mae khug ngha: na: Levi zo: , bang" vo , cug' zo: cug' mo" jham wa ngaui bau: ngaui yao:15 ru kaid' ca" genae". – Mo"so aso: zhaug' khyin: to" ra" jo, qo mae nhaid' ba lam: lam: ni" Mo"so: tau: mae poe kaid' ca" nae". Ni" Mo"so re: ni" jo, nho" dai kham myo" laug: lo nae" khyo khe' gau: khao: ngo" mae ni" lo; yang zaui: so" ru mae min jhaung: byid' ra" mathao yaug yo ngaui bau: taung" qo" na genae" ngaid: ra".16 Dazin: khug mae sam lhang ga" ra" Azuma: poe khin zaung poe nhaid' dug no: poe: ayo, mae naonhaung" mae" yaug gai alhab' wa ni" Mo"so aso: zhaug' to" ra" jo, qo mae yao" qhid' kheim: mae myo, nho nga: lao: ye: qhu" ca". Ai: au: khag' re: Mo"so: qhid' kheim: khyo lo, keim magai:17 li" nae". – Ni" Mo"so nao re min gam jeju byid' ru we' dakhyo: byu yaug nge, wa gai: boe" gai: doe; ra" gu: qhaug' byid: ca" genae".18 Ni" Mo"so nao re byid' ra" vogaung: khao: ngo" mae tarha" agyi , lau: de, nhag' bo qe re nha: to: ca" nae". Yao: bam wa amyu" zo: qe re din: main" ra" khyo" dao:19 phyid' byid: geshao:. – Nao wa tarha" gau: khyo re magai: nghung: , byu: myo, nho nga: lao: re magai: qu". Khug vag: magai: zo: , khug vag: wa juyi myo, jid' re nghoe' pye' ba: ra". Din: main" ra" yaug: dao: thoe20 re aqeim akaui boe" nhao ba: ra". – Ni" Mo"so byid' ra" mang: re nao kao bo myo, myi: mung: mang: din" re qo" sang: yu nae" akhyo wa din" ra" tarha" gau: khyo mae za: cao" ye: ca" nae".21 Ni" Mo"so AsAng: tau: mae nao kaid' xeim: ngaui" phain anhae mae khoru" ra" Ashera' daung" zang gai: zhaug' nae"22 mangaid:. – Ni" Mo"so ma-o mangaui: ra" alho sulho gai: zhaung: zhaug' to: nae" mangaid:.