1 Nhaid' zin mae dalhang lhoe' ke' ra" ru kaid' ca" nae". Lhoe' ke' ra" tarha" jham2 wa , – yham kyo: cao: pho" re zai jhid' byid' to" ra" jhin sang wa ai: jhin re lhoe' ke' ca" nae". Mo"so khyaid' lhoe' ke' ayo, akhin: ngaid mung: ai: jhin re yham kyo: cao: jhao" mae" magai: do' yu lo: nae". –3 Gemang: gedin" byu jham mae" wa gai: do' yu nae" akhang" qo" ra". Mao: nhaung: qe: lo, mae jo; ra" yao: yao" zai yo re mamho'4 yu lo: lhoe' ke' byid: ca" nae". – Nao mae sho: jhin mo, mabo nae" tau: mae ai ru: kaid' ca". Ni" Mo"so nao re sang nae" byid' ra" mang: mae nao re min jhaung: gyai5 byid' li" nae". – Ana" ba ngo pin: to: va" ce: khang" dao: jham re cao" pyang" nae" tau: mae ni" Mo"so: mho dao: re gelho: za:6 tae" gyo" ci wa, . – Ni" Mo"so wa dao: so: jo; ru we' dakhyo: min jhaung: byid: yang: byu myo: sho' mo, re jhid' ngho: byid: nae" akhyo bo: li" nae". Yao: bam nao re jhid' shai byid: nae" khyo mabo. Nao wa yao: bam re qo" ug: sang: li" nae". Yao: bam nao re qo" ug: sang genae" mangaid: .7 Ni" Mo"so byid' ra" mang: din" vo davo mae sho: jhin: ra" mao: nhaung: na: ngaid: re ai: ni" mao: nhaung: sho: jhin yaug mae ni" nhag' myid gai: nyham" to: nae" mangaid: , ni" lo, zhab' gai: tang: to: nae"8 mangaid: . – Ni" lo, re yao" tau: pheim: to: mung: yao" sho: jhin: ru byaug: baui: lo"9 sho' jhid' shai byid: ca" nae". – Ni" nhag' myid mae magai: ru bo mung: nhaid' zin ga" ra" lhoe' lhai nae" ba na joe" lo: na: ru myid: beim: zo" re" ai: myaung sho: yaug re manug: nhag' myid bo yang: pe" re: mabyid: magae lo: na: re ai: yaug wa Mo"so re zag: yao yang: nao mae qobo10 majoe" veshao: lha" wa, . – Gai gai: yao: yao: re byid: gae ca". Byid: ca" ru re o: mado lo: byid: ca". Khoru: ga" re ai: aung lam: mathao mae ni" Mo"so wa nao zaui: so" ra" mau" zo" khao: ngo" mae gai: ra"11 min jhaung: byid' li" nae". – Ni" na jao: mug: myid mae myaung sho" ru ajo; na zai ngaid: . Ai mung: ni" mug: myid mae myaung sho: moe, shab' ra" mao: nhaung: jham: tau: ni" lo, zhab' re lae lae phung" to: ca" nae" ein: ngo khang" to: byid: va".12 Ni" mao: nhaung: Hebre" amyu" yaug gai myiqe: wa nao jhao" mae jeim doe, mung: khyaug' zin lam: lam: nhao zo" bin yang: nhaid' zin byang" joe" lao" lhoe' nhao:13 ke' ca" nae". – Lhoe' nhao: ke' ra" au: lo,14 keim za: magai: nhao: ke' nae". – Ni" Mo"so min jhaung: byid' ru we' dakhyo: ni" yao zhain gaug nao: jao: sabyi' pyag' jao: mae" main: qi" ra" nho" byid: gae: ke' ca"15 nae". – Nao wa Egutu mang: mae jeim boe" qu" va" akhyo re re: , ni" Mo"so wa nao re khyaid' khyi: yu: akhyo re re: myid: beim: so" ke' ca" nae". Ai mung: ce: khang" dao:16 re ana" ba ngo to" to: va". – Ngaid qere: jeim doe, yaug wa ngo wa manug: phao lo: , nao we' ni" yham byu ma" ho' re jhid' de; ra". Na pyo: ye, pyo: va" ga: ta" ngaid:17 re wa , – nao wa deim: re yu mung: kham: dung: mae jeim pho" no: khye' thung: byid: lao" yao: wa malam: lai: jeim doe; na zai ngaid: ra". Ai re" ru: jeim myhi" re re: kaid'18 byid: ca" nae". – Ni" jeim re lhoe' nhao: ke' nae" au: aug' da-o: , khoru: ein: re khyaug' zin lam: lam: o: kaung mau" shid' bun zaui: so: va". Ni" Mo"so re: nao zaui: so" lo: ra" ja: khao: ngo" mae min jhaung: byid' lo va".19 Ni" yao , nung: jaung jham mae au: khaui: qhid' alo: alhab' re ni" Mo"so: tau: shao kyang" ca" nae". Au: khaui: qhid' nung: jaung , yao nau" re nao gai: se' zo:20 nae" mangaid:. – Mo"so khyin: to" ra" jo, qo mae nao we' yham byu ma" ho' daga" za: zin qug: Mo"so: qhid' kheim: mae ham21 zo: zo: ca" genae". – Ai: yao , nung: jaung jham mae khyid qeim myo, jid: ru" ru we' getau no lo" ru daja: ja: bo: re ni" Mo"so22 re xeim: magai: caung da" nae". – Ai re ni" yham mae zo: ca" la cid layo: sho: re zo" ru ru: , shao lho" mo, mashao lho" mo, alhab' daga" ceim" zo: ceim" shaug' zai ngaid:23 ra". – Ngaid qere: sa: re magai: zo: nae". Qid re" ru: myid gaung mae vhe' khyo" pye' ca" nae".