1 Naonhaung" mae lapa ba: pa: ra" yaug yab mo, ba: myao: ra" byu bo: thug' li" mung: ,2 mug' pho" ra" ve, lho nao re qhu" mung: nao maba: ra" mo"so re ye: goe; pa" lang: ga: mho: re , ai: ve, lho wa mug' pho:3 boe" ngaid qere: , – ai: lapa pa yaug yab mo, re myao: ra" mo; dao: re magai: tae" gyo: nae". Khoru: ga" re , naonhaung" wa Mo"so re lam: maug yao: nhag' myid alhab' we' jhid' majhid' de, ga" ru re lag yu: qu"4 mo, angaid nae". – Ni" Mo"so AsAng: thao cao" mung: gyaug phug' ra" nhag' myid we' khang" dao: re cao" pyang" mung: yao" dao: re tae" gyo: zo" re" goe; pa" mung:5 yao: mae khug ngha: na ca" nae". – Jeim doe; na: Egutu mang: mae" naonhaung" re khyaid' khyi: jhui" lo: ra" Mo"so: gau: khyo mae" jhui" nghung" lo" nae" ru re: , Mo"so naonhaung" re khang" to" ra" gau: khyo mae" nghung" lo" nae" re: , ta" ko" ra" mathao mae ai: lapa we' yab mo, myao yaug re shid sho' se' ru qhug' ca" nae". Ai lao" naonhaung" khag' mae" qobo re re: sham" shao: pye' ru boe" nae" ngaid: ra". –6 Ni" mao: ni" nhaung: sang , ni" zo: dau , ni" yham sang myhi" , nao yao" gaung ru: jhid' de; ra" ba nam dayaug yaug li" mung: nao re: maba , ni" phug' pho" qe re: maba: ra" getau: mo"so re ye: caung da" lang: ga: nao re li" ju" phyo' ngaid: re wa ,7 Ni" avai: ayae ajhao" ava: mae na: ra" mo, mug: yae dashaid' mae" dashaid' joe" sho' mae lam khug ko" ra" mo"so re li" mhug' ju" phyo' re nao dalham: khae: yu.8 Yao" dao: re magai: tae" gyo: nae". – Yao: re the' myao: ra" au: nhag' magai: khyag', o: magai: do yang: magai: to" to: , dang9 dang se' pye' ca" nae". – Yao: re se' nae" tau: nao shi" lo, mung thao mae su geje10 lo, mung geshao: . – Jeim doe; na: Egutu mang: mae" naonhaung" jhui" pyaung" thug' lo: ra" naonhaung" Mo"so: gau: khyo mae" jhui" nghung: nae" khyo" juyi khyug' ra" mathao yao: re laug baui: yang shid sho'11 pye' se' ca" nae". – Ai: akhyo re Israel zo: myid: qe the' gyo: mung: ai ru" ra" mashab makhyang" mau" re thao phyao: mavae" kaid' lo: na: ye" lo" li" genae".12 Naonhaung" akhug mae" makhyang: mashab: ra" mo, bo: thug' li" mung: naon- haung" maba: ra" mo"so re ye: goe; pa" gelang: ga: mho yang: yao: bam daga" na ko" ra" vo byu qe re jhui" ju" phyo' au: she:13 ra" ru re , – ni" Mo"so nao na nae" byid' to" ra" vo davo vo mae nao the' gyo" ngaid: re ai: mau" zo" re gelho: za: ca: qu" ca"14 nae". – Nao the' gyo" ru we' dakhyo: ai: mau" zo" gai gai: yao: ngaid mung: ai ru" ca' gyaug pho: naonhaung" mae dang dang15 the' kaid' veko" ngaid: re , – ai: votham: mae" byu qe re shae lhae: yang se' pye' ca" nae". Ai: vo re vo khug mae" na mae" na jo, mae" jo, alhab' re shao" pyaid' sho' phyo'16 sin" pye' ca" genae". – Qo" the' gaug: yu: ra" zai gyo" jham re vogaung" hau" mo" mae tai: bam: to: mung: ai: vogaung: we' daga" za: zai gyo" alhab' re ni" Mo"so: tau: myi: ngha" pye' ca" nae". Ai: vo wa boe, said bam boe" nae". Thao mae dalhang vo17 magai: de: lo: nae". – Mo"so wa nhag' gyid' ru re zang: qhao" mung: ni" phug' pho" qe re dang: to" ru we' dakhyo: nao re nhag' myain: nhag' khyag' yang: na: je: myo: laug veshao: nhang: kheim: zao" ra" jo, nho" zai yo daja: re re: mayu lo: alhab' geim" re18 shepye' pye' ca" nae". – Ana" ne, ngo pin: to: va" ru ru: ni" Mo"so AsAng: mho dao: re tae" gyo: mung: khang" dao: alhab' geim" re cao" yang: ni" Mo"so o ngaui: mau" yao" qhid' kheim: qhid' phyao: mae" dao: so re" ru: zaui: so" na wa, .