1 Naonhaung" wa naonhaung" Mo"so: yao: zo: qe ngaid ko" ra". Ai ru: mung: shid yaug: mao re magai: lhai" phyo' caid' nae". Myo, mhaung mug' re magai: qaug:2 pye' nae". – Naonhaung" wa naonhaung" Mo"so: tau: mae yaung" lho" ra" byumyu" ngaid ko" ra". Mo"so wa byu: gaung dao mae na ko" ra" byumyu" alhab' khug mae" yao: sang: ra" amyu" poe" nae" tau: mae khyin: yu va".3 Maca' majhaid' ra" ja: re magai: zo: , –4 gai: zo: nae" gug' nyhug' jham wa nung:5 jaung , yao , caid' be, , – xe' , cid phaug' , sho: cid , sho: pho" , nung: lae" , nung:6 phaug' sho: jham ru" ru , – khyid sin: go, mung: mhin: dam: lhaid' vo" ra" gu: re zo:7 nae" akhang" qo" ra". – Ngaid qere: khyid sin: go, mung: mhin: dam: lhaid: vo" ra" gu: mae" magai: zo" ru wa ma dae myao: , din" qug , sha phain: jham wa naonhaung" mae8 mashao gyang". – Vo, wa khyid sin: go, ku" ngaid qere: vo, zo madam: lhaid: vo" ra" mathao mae naonhaung" mae mashao magyang" boe" ra". Ai mung: sho: re: magai: zo: , shid mao re re: dazao" tin: ge, .9 Qid mae na: ra" gug' nyhug' jham mae ngo: nge; we' akye' de; ra" gu: re za: agai:10 zo: nae". – Ngo: nge; we' akye' made; ra" ja: jham re magai: zo: nae". Ai wa naon- haung" mae mashao magyang" ru ngaid nae".11 Shao gyang" ra" ngho' aja: ja: jham re12 zo: nae" akhang" qo" ra". – Magai: zo" ra" ngho' jham wa zeim baung: , zeim aja: ja: ,13 zeim ngha , – ngo: yu zeim kuno, , zeim14 kho" no, khaung: bab: , – ma dae ngho'15 mo" , ngho' go , qid ngho' aja: ja: , – ti" ti" du ngho' , ngho' vang pang: , kheim"16 zug' , – vo zoe, ngho' lang am; seyo: khyao17 mo" bai: je; ngho' tung" , – vun pu: ngho' ,18 sho: bab zo: zeim ngha , qid kuno,, – myid du: ngho' aja: ja: mug: ngho' we' pho' qhid'19 jham mae" dadu. – Daung wa de, mung: yoe" qin" ra" gug' nyhug" alhab' wa naon- haung" mae mashao magyang" boe" mung:20 sho: re magai: zo: nae". – Shao lho" ra" daung de, ngho' aja: ja: jham re zo: nae" akhang" qo" ra".21 Yao: za: yao: shid: ra" sho: mao re magai: phyo' zo: , naonhaung" mae li" khug: na: getau: amyu" qe zo: nae" tau: byid' pye' wa, mangaid: lao" gemang: gedin" byu qere aung: byid' pye' ca". Naonhaung" wa naonhaung" Mo"so: tau: mae shao lho" ra" amyu" ngaid ko" ra". Caid' be, nau" re yao: myhi" nug' qang" yang dakyug' ge, .22 Ni" taung yo yothaung: mae" zin qug: jham" yu: ra" gaug zo maui: lam: re daxe bam mae" dabam re dang dang kho' to:23 ca" nae". – Naonhaung" Mo"so yao" mang khyao: tau: khyin: to" ra" jo, qo mae gaug , sabyi' qang: , xau we' yao , nung: jaung jham mae au: khaui: qhid' daxe bam mae" dabam re Mo"so: qhid' kheim: mae zo: ca" genae". Ai ru: kaid' lao" ni" Mo"so malam: lai: gyaug phug' na nae" khyo re mho" yu:24 ru boe" nae" ngaid: ra". – Naonhaung" Mo"so min jhaung: byid' lo: ra" ba yao" mang khyao: tau: khyin: to" ra" jo, qo we' saung" va: yang: khyo qhang su: nae" doe, mung: daxe bam mae" dabam re maqo" ci:25 ye: ngaid: re , – ai re aung: yang: ngaui re ci mung ni" Mo"so khyin: to" ra" jo, qo26 khyo ye: mung: , – zo: nug: nhag' myid bo: ru we' dakhyo: nung: jaung , yao , sabyi' qang: , shaug' gai zo: nug: ra" gu: vai mung: naonhaung" Mo"so: qhid' kheim: mae yham byu ma" ho' we' daga" zo: shaug' yang: ngaui bau: ngaui lho" na ca" genae".27 Ngaid qere: naonhaung" mae khug ngha: na: Levi zo: re magai: qu" to: , yao: wa nao re" ru: Ma maqo" ra" mathao , –28 yao: re magai: qhae" khyo" nae" , sam zin ein: ra" zin jham" yu: ra" amyug: ashi: daxe bam mae" dabam re kho' yu mung: vo khug: jhi mae ke' qaung" to: ca" nae". –29 Naonhaung" re" ru: gae bam Ma maqo" ra" Levi zo: qe naonhaung" na jo, qo mae na: ra" getau: byumyu" zo: , cug' zo: , cug' mo" jham li" mung: gyi: gyi: baug baug zo: geshao: . Ai ru: ngaid: re naonhaung" Mo"so wa nao kaid' ra" mau" zo" khao: ngo" 'mae min jhaung: byid' li" nae".