1 Ana" shaogyang" ra" mo, re bao" thaug' ra" akhyo we' tin: yang: ngo nao nhaung"2 jhao" tung" vhin: ke' lao" maca". – Khoru: mung: ga" re ngo wa Makedoni mang: byu qere naonhaung" kao laung: bau: ra" akhyo re langa: yu qhu" re" ru: Akhaya mang: mae na mo, re: anhag' mae" seim" nyhang" na veko". Airu: mung: naonhaung" nhag' lam: kao bau: rure lo, lam: pyam" zaui: so: nae" khyo: ta" peim" ke' yang: beim: so" ra"3 mo, je: myo" lo veko". – Ngaid qere: ce: akhyo we' tin: mung: naonhaung" mathao: yang ngonhaung" ngaid beim" dao: jhau: ra" akhyo aseim akeim mangaid: veshao: ga: ngo lhaung" mho naeva" ru: naon- haung" jin" jin" ngaid: na geshao: ein: yang: mao: nhaung: qere nhao: ke' ru ngaid: . –4 Ai ru: mangaid; lao" Makedoni byu qe ngo we' daga" li" mung: naonhaung" jin" jin" maseim" to: ko" rure li" the' myao ko" ngaid: re naonhaung" qho' phau: genae" rure ngo mata". Ngonhaung" ngaid beim: qhu" lo va" mathao: yang qho' phau: nae"5 ein: mho: ru angaid: . – Airu: mung: yang: ai: alu: wa lo, lhaid' lo, she yu: ra" khyo" mangaid: lo: za: jeju so: alu: ru: jin" jin" ngaid: na geshao: ein: mao: nhaung: tao re shi" nhao: ke' ra". Sao qhid' gaug; to: va" jeju alu: re getau to: genae" tau: ngo mata" peim" ke' re magai nae" ein: myid: ke' ra".6 Nang: nang: za: amyug sin: yaug wa nang: nang: za" ashi: re qhug' yaid: yu nae" myo: sho' sin" ra" yaug wa myo: sho' yao: the' yaid: yu: li" nae" ein: rure beim: ge, . –7 Byu yaug khao: ngo" kao bau taung" qhaug' ca". O: byid: myid khyo" magai: qhaug' , maqhaug' magai ein: ra" nhag' myid we' re: magai: qhaug'. Pe" mung: ga" re kao bau myid: yang qhaug' yaug re za: Mo"so o8 ngaui: ra". – Jham: tung" mae tung" to" ru wa yao: wa byid' gae: ava". Myaung sho"9 ra" mo, re myho" gae byid' ava". – Yao" dang main" akhyo wa apyaid ato gang" tang: jo; ra" ga: bo: ru we' dakhyo: Mo"so wa aja: ja: mae lhau" ci nae" jo, nho" acao jab qo" mung: gai: ra" ave, we' lam: lang" taung" na genae" tau: ja: khao: ngo" we' ayo, khao: ngo" mae byang" sheim sho' ra" jid so qo" byid: yaug ngaid: .10 Myug: shi: sin: yaug re myug: shi: re re: zo: nam rere: byid: zho" ra" yaug wa naonhaung" sin: nae" myug: shi: re myo" laug byid' ru we' naonhaung" dang main"11 ra" Ashi: re myo" lo nhao: li" nae". – Nao- nhaung" kao bau: nhag' myid we' ja: nam jab byid: gae genae" tau: aja: ja: mae lam: lang" na gemung: ngo nhaung" khyo" yang Mo"so: jeju re caung: khin" nae" akhyo12 boe" genae". – Naonhaung" zaui: so" na ko" mau" zo" jham wa shaogyang" mo, ca" qo: ra" ja: re bao" thaug' byid' ru: za: mangaid: Mo"so re jeju beim: so" ra" khyo"13 zaui" pyang" qhu" ru ngaid: . – Naon- haung" Khristu; ngaui bau: lau dao: re vae" vae" za: cao" pyang" na ko" ra" akhyo rere: shao gyang" ra" mo, we' byu alhab' mo, geim" re kao bau: nhag' myid we' byid: gae ko" ra" akhyo rere: yao: bam myid: beim" ako". Cere" ru: zaui" qhu" ra" lo, mau" re qu" yang: Mo"so: jeju re ba: caung: khin"14 lo: ako". – Naonhaung" mae Mo"so: jid so gekai: lai bo: ru myao gelao" naonhaung" tau: jhaung: mho' ru we' jhid' de, kao taui"15 myid bo: ako". – Ta" lo ma-aung mho lo matho' ra" Mo"so: jeju jhaung qhu" re beim: so: mung: caung: khin" na ge, wo".