1 Airu: mung: jhid' kao: ra" mo, we" ceru" dao: so: jo; bam yang: gaung sho: we' Solo re nyain: vho: nhao: ra" ja: mae" nyhao:nhaung" gaung khyao re shao kyang" pye' gelang: . Aimung: Mo"so re gyaug phug' ra" nhag' myid we' shao gyang" ra" akhyo mae lam: lang" taung" na gelang: .2 Naonhaung" nhag' myid khug mae ngonhaung" re khae: yu gela, . Ngo- nhaung" khoyaug rere: mazai" shaid' qu". Dayaug re lao" malhau: phyo' qu" shi:3 dayaug zai re: malhau: phyo', mayu. – Ngo naonhaung" re ceru: ta" ru wa qobo byid' ru mangaid: Pe" mung: ga" re qhid' phyao: lhaung" mho: qu" va" jhid' kao: myid we' dakhyo: za: shid nae" we' daui: na nae" joe" sho' naonhaung" re jhid' na nae" ein: myid:4 ra". – Naonhaung" mathao: yang gyai vae" ra" myid bo: ra".Naonhaung" mathao mae nga: yu: ra". Qug: khai: kyi" khyag' aja: ja: qhug' sho' ngaid qere: qam: o: byang" jo, mung: matho' ta" lo: sho' ngaui bau" ra".5 Ngonhaung" Makedoni mang: khyo joe" ye: thao lao" re: dug no: nae" ayo, maqo" ngaid: ra". Khyi" khao: ngo" qug: khai: sho: jhin: ru , myain" myo: sho she: ru , aung khug: nhag' lam: mae gyaug vae ci" ru we'6 za: na: qin" ra". – Ngaid qere: nhag' lam: nyham: khyo" mo, re yaug yo nhao: ra" Mo"so wa Titu' re ngonhaung" jhao" joe" li" nhao: ra" khyo" yang ngonhaung" re qam:7 qo" nhao: ra". – Titu' li" joe" ra" khyo" yang za: nhag' lam: yaug yo qhug' ru mangaid: naonhaung" yao: re khoru: qam: byid' ke' ko" ra" lau dao: the' gyo: yang: ngonhaung" re qam: qo" nhao: ra". Khoru: ga" re naon- haung" kao bau lao" na ko" ru , myid: beim" na ko" ru , no kyang: ngug byid gyo" na ko" ra" akhyo re yao: ngo nhaung" re lo: zhao: kyo: mung: ngo wa je: ngaui bau" ra". –8 Lai: lo" va" ayo, tung" vhin: ke' ra" tung" khye' yang naonhaung" re nhag' kaug' nhao ngaid qere: ana" wa pe" gaung mayug ca". Pe" mung: ein: re ai: tung" khye' wa nao-nhaung" re dazab daso' za: nhag' angai9 nhao: rure ngo myao: ra". – Naonhaung" re nhag' zai" ngai nhao yang: ngaui bau" ru mangaid: nhag' ngai nhao mung: nhag' lam: atha" qo" ra" mathao: yang ngaui bau" ru angaid: . Ngonhaung" mathao: yang naonhaung" so' ha" ru mayeim vegeshao: Mo"so o ngaui: ra" khyo" yang nhag' ngai10 nhao: ra". – Khoru: mung: ga" re Mo"so myid: o: khyo: nhag' kaug' ru wa loe; beim nae" khyo naung myid qo" nae" tau: ngaid: ra". Myidkin: nhag' kaug' khyo kam" wa11 shid nae" khyo poe" byid' ra". – Mo"so o ngaui: ra" nhag' ngai: khyo wa naonhaung" mae pe" nam kaid' pe" boe" rure qu" qu" shi: ge, yao: yao" qobo re peim" byid' ru , nhag' jam: yo" ru , dae co' phaug' ru , jham ja: khao: ngo" mae khoqhi" gyang" boe" lo: ra" akhyo re qu" qu" ge, naonhaung" ceru" mau" mae qobo maqo" ko" ra" akhyo de:12 de: za: the' myao naeva". – Airu: mung: ngo wa ceqhi" ceru: naonhaung" jhao" tung" ke' ra" akhyo wa kaid' shaid' ra" yaug we' kaid' shaid' yug: qo" ra" yaug: tau: za: tung" ru mangaid:. Naonhaung" so' ha" qo" vegeshao: Mo"so: qhid' kheim: mae ngon- haung" kao bau: ra" akhyo re myhao" nae" tau: tung" ru angaid: .13 Ce akhyo jham naonhaung" nhag' tang" khyo mae ngonhaung" re: boqhug' leim" bam va" Titu' kao bau: ra" tho' ngon- haung" je: kao bau: bam va". Khoru: ga" re naonhaung" alhab' mo; yang yao: re qam:14 sag' lham: dam: pyang" byid: veko". – Ngo naonhaung" akhyo re maqho' lo: yao" tau: mae langa: yu: qhu" nae" ngonhaung" wa khonhae" re: jo main: ra" khyo" nao nhaung" jhao" zhao: kyo" ru: za: Titu' qhid' kheim: mae langa: yu: qhu" ra" gu: wa dang15 main" akhyo za: ngaid: ra". – Naonhaung" wa mho dao: re gyo: yang: gyaug vae myid we' yao: re lham; ge; yu ko" ga" akhyo re yao: myid; beim" ke' lao" jao" naonhaung"16 re je: jhid' de; li" nae". – Ngo wa aja: ja: mae naonhaung" re lam: maug yao: lam va" mathao: yang ngaui bau" ra".