1 Ngo wa langa: magai: yu ga" re AsAng Mo"so qhu" ra" gekai: lai ve, lho myo, myhung" re dalhang ta" kyo: shi: nae".2 Lai: lo" va" daxe: byid zin mae Khristu; naung cao ngaid: ra" byu dayaug wa mug: gaung sam pyae khyo jhui" qab: do, lo" akhyo re ngo beim: so" ra". Aire yao: mae gaung khyao bo: ru mabo: ru ngo ma beim:3 lo: . – Mo"so ba: ra" ai: yaug wa Pharadisu4 khyo jhui" to' yu: ru qhug' ava". – Aimung: yao: wa byu qe matho' gai: ba: dao: kheim: jham re the' gyo" ra" akhyo ngo ba: , ai: au: gaung khyao bo: ru mabo: ru ngo mabeim:5 lo: . – Mo"so ba: ra" ai: ru" yaug gaung tha" kaid' yang: ngo langa: yu nae" qam: nang" ra" ja: mae" lai yang: ngo langa:6 getau mayu. – Ngo langa: yu nug yaug ngaid qere: ga: ru kam" mangaid: . Pe" mung: ga" re ngo wa dang main" dao: za: ajhau: . Dayaug yaug wa ngo re myao: ra" tho' nga" lau dao: the' gyo" ra" tho' nga" khyo re pe" mamyid: yu shao: ga: langa:7 yu: ra" khyo to" pye' nae". – Ana" qi" thao" lamyhung" myao: ra" khyo nga" nhag' lam: mamyhao veshao: ga: ju" phyo' yaug ngaid: ra" satain" logyo: wa nga" gaung mae be; zhaug' nae" zau: dakhe' zhaug'8 byid' ra". – Ceru" qug: khai: mae" qui" lo" veshao: ein: AsAng Mo"so jhao" ngo9 sam lhang jhaung: mho' re. – Nga" jeju ni" adao mae ga" laug jo; ra". Nga" phung bao qam: o: wa qam: nang" ja: mae qam: pyang" byid' ra" ga: mho: ra". Airu: mung: ngo wa nga" qam: nang" akhyo re je: langa: yu nug; ra". Ai lao" za: Khristu; qam: o:10 ngo re bao: nghoe' yu nae". – Airu: mung: Khristu; mathao: yang khae: yu: ra" qam: nang" ru , nhaung" khoe' ru , pyam" yhin" ru , phau yu phau khyaid' qug; khai" ru jham re o ngaui: ra". Pe" mung: ga" re ngo qam: nang" ra" au: phung bao qam: o: bo: li" ra".11 Langa: yu: ra" khyo mae ngo wa ago ngaid: i"?.Airu: naonhaung" khyo" mung: boe" nhao veko". Khoru: mung: ga" re naonhaung" caung" ru ngo qhug' gai: ra". Ngo pe" mangaid' ru ngaid qere: qi" thao"12 logyo: qe: tho' gin o ngo ma gyo". – Dang dang ngo wa logyo: dayaug ngaid; ga" ave, akhyao jham re qu" mug' genae" ja: khyo" , mug' pho" mau" zo" jham khyo" , qam: o: aja: ja: khyo" , naonhaung" phaung gaung: mae nhag' lam: qhang qhang za: zaui"13 qhu" va". – Nga" akhyo we' tin: yang: nao nhaung" re pe" qo la: mavhin: qu" nao nhaung" supe" getau: phung: jham tho' pe" mung: o gyo" na ko". Airu: mung: ngo shaid' ra" qobo re zang: qhao" byid: gela, .14 Qu" ge, ngo wa sam lhang khyo" yang: naonhaung" jhao" dam: li" nug; ashi". Ngo naonhaung" re pe" qobo mavhin nae". Ngo wa naonhaung" gaung mae" lai yang geja" zai jham pe" re: ma o. Khoru: mung: ga" re zo: dau qe wa myhi" pho" qe: tau: zo: shaug' re qaung" to: maca". Myhi" pho" qe lam: zo: dau qe: tau: zo: shaug' re15 qaung" to: byid: qo: ra". – Ngo wa naon- haung" tau: ngo qo" ra" nam ja: khao: ngo" re yhung" pye' nug; ra". Ngo yao" gaung re lao" naonhaung" gaung: tau: mae gain kain" pye' nug; ashi". Ngo re khoyaug: yang lao" majhid' de, ko". Aiqe re: ngo kam" wa16 je yang: jhid' de; na: ra". – Ngo wa naon- haung" re qo la: mavhin: qu" , yam" zo: nug yaug re" ru: naonhaung" re ngo wa taung"17 lo" va" ga: ta" ngaid qere: – Dayaug daqo: naonhaung" jhao" nhao" ke' mung: naon- haung" jo, nho" re vhain" zo" qu" va" i"?. –18 Titu re naonhaung" jhao" li" nae" khyo: mho' mung: yao: we' daga" mao:nhaung: dayaug re bonhao: ke' ru ngaid: . Titu wa nao nhaung" mae" yam" zo" qu" va" i"? Ngonhaung" wa nhag' lam: dakhe' mae za: ceim" su: mo, mangaid: i"? dau: ra" khyid bye mae ceim" su: mo, mangaid: i"?.19 Ailao" ngonhaung" wa naonhaung" qhid' kheim: mae qobo mho' bain" dao: jhau va" mangaid: i"?.Khristu khyo" mung: Mo"so: qhid' kheim: mae ngonhaung" jhau: ra" mao:nhaung: qe we" ngonhaung" zaui: so" gu: alhab' wa naonhaung" re zhaug'20 tang: ra" mau" za: zaui: so: va". – Ngo naonhaung" jhao" li" ra" au: naonhaung" ngo boe" nhao nug; ra" ja: maboe" genae" re ngo myid; ci" ra". Ngo re: naonhaung" boe" nhao nug: ra" ja: boe" zai mangaid: . Naonhaung" mae myo, byo, qho: ru , mai qhi" ru , nhag' yo" ru , jho" ngag: ru , su: nga: re khyoe' ru , jhu" zo" ru , ngaid so" ru , yao: cao: yug: jho" kug: ru boe" nae"21 ein: myid; ci" ra". – Lai: lo" va" yo, shaid' nghung" lo: ru , nyain: vho" ru , magai: phavae mau" mae au: am" ru , mhin shab' khyo mae gaung sho: mau" zaui: gemung: ana" joe" nhag' lam: atha" maqo" shi" mo; mathao: yang nga" nhag' lam: mayo kaug' myang: na mung: naonhaung" qhid' kheim: mae Mo"so ngo re deim" jheim: to" ru qhug' nae" re sang: kho" ra".