1 Mo"so myid: o: ngaui: ra" khyo" mung: Yesu Khristu; logyo: ngaid: ra" ngo Po"lu we' nga" nhaung: Timoti tao wa Korinthu vogaung: mae na: bam ko" ra" Mo"so: phung: zo: qe we' Akhaya mang: mae na ko" shaogyang" ra" mo, alhab' geim"2 re kyo" ke' ra". – Nyhao: nhaung" pho" Mo"so we' Yesu Khristu; jeju we' yaug yo: ru wa naonhaung" alhab' mo; adao mae ajo; na veshao: wo".3 Nhag' myain: ba: ra" pho" we' nhag' tang" ngaui bau: khyo aja: ja" Mo"so nyhao:nhaung" AsAng Yesu Khristu we' pho" Mo"so wa nga: lho" na shao: wo". –4 Mo"so mae" nyhao:nhaung" qo" khae: yu va" nhag' tang" ngaui bau: nhao: ra" akhyo re myid: qu" au: ai: ngaui bau: nhao: ra" mathao mae qug: khai: aja: ja: qhug' na mo, re qo" ngaui bau: nhao sho' nyhao" qug; khai: aja: ja: mae yao: nyhao:nhaung"5 re ngaui bau: nhao: ava". – Khoru: ga" re Khristu; qug: khai: wa nyhao: nhaung" mae byang" sheim sho' jo; ru we' dakhyo: Khris- tu mae nyhao" tau: nhag' tang" ngaui bau:6 khyo wa je: byang" sheim: jo; ra". – Airu: mung: ngonhaung" qug: khai: qhug' ru wa naonhaung" mae ngaui bau: khyo we' khyaid' yu: khyo boe" nae" tau: ngaid: ra". Ngaui bau: rure qhug' au: nyhao:nhaung" phau" ra" qug: khai: mae" qo" zang: qhao" ra". Naonhaung" ngaui bau" khyo: mathao: yang: phau" na: ru ngaid mung: naon- haung" tau: ngonhaung" myid: nghae" ru gang: gang: tang tang ngaid: na: bam va". –7 Ai: qug: khai: mae naonhaung" bobo: na ko" khyo: ai: ngaui bau: khyo mae re: boleim" na ko" ru ngonhaung" ba: ra". –8 Mao: nhaung: qe we"Asia mang: mae ngo nhaung" qhug' ra" qug: khai: akhyo nao nhaung" mathe' ba: lo: na genae" ngotao mangaui. Ngonhaung" kao loe, nae" lao" mamyid lo: matho' zang: qhao" lo" qola:9 qug; khai: phau: va". – Ngo nhaung" nhag' myid khug mae za: wa dang dang shid qhug' va" ein: myid: pye' bam va" ceru: boe" ra" ru wa nyhao" gaung re malam" lo: shid: ra" mo, re dam: daui: to" ke' ra" Mo"so re za:10 lam nae" tau: ngaid: ra". – Ai: Mo"so wa nyhao: nhaung" re qhi" shid: jeim" lo" nae" mae" lhoe' yu va". Ana" re: khyaid' lhoe'11 yu: ashi". – Naonhaung" re: ngonhaung" tau: jhaung: bobao" mho' byid' na shi: ko" re thao rere: khyaid' lhoe' yu shi: nae" ein: ngonhaung" myid ngae" lam khug; na: ra". Ailao" myo: sho' mo, wa bobao" thaug' ko" yang: ngo nhaung" phug' de; ra" jid so tau: su myo: sho' mo, ngonhaung" gaung tha" jeju beim: so: byid' ako".12 Mo"so: shaogyang" ra" myid we' myid gaung: juyi mabo lo za: Mo"so: jeju yang myid gaung dao mae ngonhaung" bona: lhag' na mung: naonhaung" tho' je yang: zaui" pyang" nae" khyo re ngonhaung" aung khug: nhag' lam: sagso: kham: ru ngaid: ra". Ngonhaung" langa: yu jao:13 ngaid; ra". – Ngonhaung" wa naon- haung" maba: jhoe" ra" ja: maba: lham: phaid' qu" nae" ja: re naonhaung" jhao"14 tung" ke' ru mangaid: . – Nyhao:nhaung" AsAng Yesu Khristu; ba na re naonhaung" re ngonhaung" nga: yu jao: ngaid ko" we' dakhyo: ngonhaung" re: naonhaung" nga: yu jao: boe" nae"ngaid;ra".Naonhaung" wa ngonhaung" re dakhyae: dapho khyo" za: khae: yu: ako".Lam: kab' khae: yu genae"15 re ngo myid; lam: na: ra". – Ngo wa ceru: myid: lam mung: naonhaung" re: so' ha" bun jeju bo genae" khyo: naonhaung" re16 shi" du" kam: nae" ein: myid: ra". – Ngo Makedoni mang: khyo ye" au: naonhaung" jhao" jao" vao yang: dam: lhang: lo lao" re: naonhaung" jhao" lo dam: vao: jao: shi nae" Makedoni mae" Yuda, mang: khyo naon- haung" ngo re li" dai" ke' genae" myid; lam:17 ra". – Ceru: myid; lam: na: ru wa nga" myid atug' akhyug kaid' qhu" ru ngaid; i"?. Nga" dao: kheim: wa ngaid: ein: ta" mung: mangaid: ga: shid' gao ta'' ru ngaid: i"?. –18 Mo"so wa dao: so: dang: na: ru we' dakhyo: za: naonhaung" jhao" ngo tung" ke' ra" dao: kheim: re: ngaid: , mangaid: ga: ta" ra" dao:19 shid' ja: ta" ru mangaid: . – Naonhaung" re Tiluvanu we' Timoti ngonhaung" hau" kyo" ra" Mo"so: yao: zo: Yesu Khristu wa dang: ra" ga" ru mangaid: , madang ga" ru shid' kheim: geim" mangaid: . AsAng wa ngaid va" yaug ga" ra" dao: dakheim: za:20 angaid: . – Mo"so: dao: so: kheim: gyai myo" jo, ngaid qere: yao: mae ngaid va" ga" ru za: ajo; airu: mung: nyhao" lo, mae yao" phung bao bao veshao: yao" mathao:21 yang Amen ga" rure: ngaid: ra". – Naon- haung" we' ngonhaung" re daga" Khristu mae qhain" zhang" to: mung: nyhao: re min gyain: byid' ru wa Mo"so ngaid; ra". –22 Mo"so wa nyhao: nhaung" re soxam: te' ke' mung: nyhao: nhaung" aung khug mae shao gyang" Solo ga" ra" aso: te' byid' to"23 ava". – Naonhaung" re nhag' khyag' yang: ngo Korinthu khyo majoe" li" shi" ru ngaid; ein: nga" aung khug Solo mae Mo"so re24 ngo mho: na: ra". – Airu: mho ngaid qere: ngonhaung" wa naonhaung" lam khug myid re qo" ug ru mangaid: . Ngaui bau: yaug yo khyo re bao" yu: ru za: ngaid: ra". Khoru ga" re wa lam khug myid: yang za naonhaung" qo" gang" tang: na: ra".