1 Ana" celhang we' sam lhang khyo" naonhaung" jhao" ngo li" nae" ngaid: . Ja: khao: ngo" mae sagso: shid' sam yaug: qhid'2 kheim: mae ta" nyhang" ca" nae". – Ngo dam: joe" li" re wa getau: nhag' mamyain: lo: nae" ein: lai: lo va" yo, re ta" va" ru: ana" naonhaung" we' mana shi: ngaid qere: shid' lhang joe" li" seim" na: au: we' dakhyo: ana" joe" shaid' nghung" na mo, we' getau alhab'3 re ngo mho: ra". – Nga" akhug mae dao: jhau: na: ra" Khristu; akhyo nao nhaung" sagso: cao" qho mung: ngo nhag' makhyag' nae" yao: wa naonhaung" mae qam: nang: yaug mangaid: qam: qi: yaug ngaid; ra". –4 Pe" mung: ga" re yao: wa qam: nang: yang: pyao: zang dao mae jin" se' ru qhug' ngaid qere: Mo"so: phung bao qam: o: khyo" dam: daui: to" li" ava". Ai we' dakhyo: za: ngonhaung" wa yao" akhug mae qam: nang: mo, ngaid qere: naonhaung" jhao" qhu" ra" Mo"so: phung bao qam: o: khyo" yang nyhao: nhaung" daui: na: bam nae". –5 Naonhaung" wa lam khug: ra" khyo mae tang: i"? matang i"? ein: yao: yao" gaung re ca: qu" na ge, yao: yao" gaung re myid re: myid: tau" qu" ge,. Ca: qu" ru matho' kham mo, naonhaung" mangaid: ko" ru mung: Yesu Khristu yao: naonhaung" gaung mae bobo: na: ru naonhaung" maba ko" i"?. –6 Ngonhaung" wa ca: qu" khyo qo" kham mo, ngaid: ru naonhaung" ba genaeva" ein:7 ngo lam: ra". – Ngonhaung" wa ca: qu" ru qo" kham mo, ngaid: khyo de: de: myao genae" tau: mangaid; loza: ngonhaung" ca: qu" ru matho' kham mo, ru: ngaid qere: naonhaung" qo" ra" ave, qo" veshao: magai: ra" ave, mazao" kaid' nae" tau: ein yang: Mo"so mae ngo jhaung: mho' na: ra". –8 Ngonhaung" wa dang main: tarha" re9 maqo" tam" mo, ngaid: . – Dang main: ra" tarha" mae ye, yang: za: aqo" thaug' qhao" ra". Nao nhaung" wa qam: bo mung: ngon- haung" wa qam: nang" mo, ngaid yang: re: ngonhaung" ngaui bau" ra". Naonhaung" jab byang" lo genae" re za: o ngaui: ra". –10 Ceru: mung: naonhaung" we' daga" na: au: phyo' qheim" nae" tau: mae" mangaid: . Zhaug' tang byid: nae" tau: za: ai: AsAng ngo re byid' to" akhang" we' dakhyo: za: qi" ra" dae mabyid: nug yang: ana" va" na: au: mae" ceru: ein: ngo tung" ke' ra".11 Ai mae" dagau: wa mao: nhaung: qe we'' ngaui lho" na ge,. Ja: cao jab mae lam: lang" taung" na ge, nhag' lam: dagau: za: boe" na ge, ngaui bau: khyo cao" yang: jhid' myid bo taung" yaug yo: ra" Mo"so wa naonhaung" we' daga" za: ana: na veshao:12 wo". – Yao: cao: dayaug we' dayaug shao- gyang" bo: baug jho" baug: na ge, .13 Shaogyang" ra" mo, alhab' wa nao-14 nhaung" re au" ke' ako". – AsAng Yesu Khristu; jeju mae re: , pho" Mo"so: jhid' myid mae re:, shao gyang" Solo zam" khug: ru mae re:, naonhaung" alhab' adao mae ana: na veshao: wo"....Amen.